રૂપાણીનો સપાટોઃ જુદાં જુદાં ખાતામાં 34 સસ્પેન્ડ, 3434 કર્મચારીની બદલી, મહેસૂલ ખાતા પર સૌથી વધુ તવાઈ

માજી મુખ્યમંત્રી આનંદીબહેન પટેલની સરકારમાં વ્યાપક ભ્રષ્ટાચાર થતો હોવાની બૂમરાડ ઉઠી હતી. આથી તે છાપને હાલની સરકાર દૂર કરવા માગે છે. મુખ્યપ્રધાને પદભાર સંભાળ્યા બાદ IAS-IPS સહિતનાં ટોચનાં અધિકારીઓની મીટીંગમાંજ ભ્રષ્ટાચાર બંધ કરાવોની કડક સૂચના અપાઈ હતી.

સામાન્ય માણસને કોઈ કામ માટે કોઈ પણ જગ્યાએ લાંચ આપવી ન પડે તેવા ભ્રષ્ટાચાર મુક્ત શાસન રહે તે માટે કક આદેશ અપાયા હતા. જેને લઈને તમામ જિલ્લાઓમાં પોતાની ફરજમાં ગેરરીતિ કે શિથિલતા દર્શાવનારા કર્મચારી-અધિકારીઓ સામે કાર્યવાહી કરવાનું નક્કી થયું હતું. જેમાં 3434 કર્મચારીઓ સામે કાર્યવાહી કરવામાં આવી છે.