લાંબા વિરામ બાદ ગુજરાતમાં મેઘરાજાની ધમાકેદાર એન્ટ્રી, ખેડૂતોમાં ખુશીની લહેર

ઉપરાંત છોટા ઉદેપુરમાં સાડા પાંચ વરસાદ ખાબક્યો છે. જ્યારે સૌરાષ્ટ્રના ભાવનગર, બોટાદ, દાહોદમાં પણ ધીમી ધારે વરસાદ પડી રહ્યો છે. સુરતમાં પણ વિરાદ બાદ મેઘરાજા મહેરબાન થયા છે. સવારથી ધીમી ધારે વરસાડ પડી રહ્યો છે. સુરેન્દ્રનગર જિલ્લામાં પણ વરસાદ શરૂ થયો છે જ્યારે રાજકોટમાં વાદળછાયું વાતાવરણ જોવા મળી રહ્યું છે.

ખેડા જિલ્લાની વાત કરીએ તો ખેડાના ડાકોર, સેવાલિયા અને ઠાસરામાં ધોધમાર વરસાદ વરસ્યો. તો યાત્રાધામ ડાકોરના રણછોડજી મંદિરના પગથિયાં સુધી વરસાદી પાણી પહોંચ્યુ હતું. બીજી તરફ, ડાકોરના નીંચાણવાળા વિસ્તારમાં પણ પાણી ઘૂસતા સ્થાનિકો મુશ્કેલીમાં મૂકાયા છે. વડોદરા શહેરમાં પણ વહેલી સવારથી ધોધમાર વરસાદ શરૂ થઈ ગયો છે. વડોદરામાં અનેક વિસ્તારોમાં વહેલી સવારથી ઝાપટા પડી રહ્યા છે. શહેરના કેટલાક વિસ્તારોમાં હળવો વરસાદ થઈ રહ્યો છે.