સુરતઃ યુવકને જાહેરમાં ચપ્પુના ઘા મારી હત્યારા ફરાર, હત્યાનું રહસ્ય અકબંધ, જાણો વિગત

ઘટનાની જાણ થતા પોલીસ ઘટના સ્થળે દોડી આવી હતી. અને વધુ તપાસ હાથ ધરી છે. વીઆઈ કેનાલ રોડ પર આવેલા ડ્રિમ હાઉસની સામે જાહેરમાં એક યુવકની હત્યા કરવામાં આવી હતી

સુરતઃ ડાયમંડ નગરી સુરતમાં હત્યારાઓને પોલીસનો કોઈ ડર રહ્યો ન હોય તેમ લાગી રહ્યું છે. શહેરમાં આંતરે દિવસે હત્યાના બનાવ સામે આવે છે. ત્યારે આવી જ એક ઘટનામાં વીઆઈપી કેનાલ રોડ પર એક યુવકની જાહેરમાં હત્યા કરવામાં આવતા ચકચાર મચી જવા પામી છે. બાઈક પર આવેલા કેટલાક ઈસમો યુવકને ચપ્પુના ઘા મારી ફરાર થઈ ગયા હતા

પ્રાથમિક તપાસમાં યુવકનું નામ રોહિત મોરિયા અને રિક્ષા ચાલક હોવાનું જાણવા મળ્યું છે. ઘટના બાદ પોલીસના ઉચ્ચ અધિકારીઓ પણ દોડી આવ્યા હતા.