Christmas પર બનાવો આ દેશી કેક, વર્કિંગ વૂમન જરૂર કરે આ ટ્રાય

Christmas Indian Healthy Cakes: જો તમે જલ્દી અને સરળ રીતે બનતી કેકની રેસિપીની શોધમાં છો તો આ રહી રેસિપી, જરૂર ટ્રાય કરો

પ્રતિકાત્મક તસવીર

Healthy Cakes: સમગ્ર દેશમાં ક્રિસમસ સેલિબ્રેશનની તૈયારીઓ પૂરજોશમાં ચાલી રહી છે ત્યારે આજે અમે તમારા માટે લઈને આવ્યા છીએ એવી દેશી કેકની રેસિપી જે બનવામાં પણ સરળ છે અને હેલ્થી પણ.

તમે ક્રિસમસ પર જલ્દી અને સરળતાથી કેક બની જાય તે માટે તમે સર્ચ કર્યું હશે. જો કે આમાંની મોટાભાગની કેક એવી છે જે રેસીપી વાંચવામાં ખૂબ જ સરળ લાગે છે પરંતુ જ્યારે તમે આમાંથી કેટલીક કેક બનાવવાનું શરૂ કરો છો. ત્યારે તમારે ખૂબ જ મહેનત કરવી પડે છે. આવી સ્થિતિમાં તમારી પાસે છેલ્લો વિકલ્પ છે કે તમે બેકરીમાં જાઓ અને કેક ખરીદો. જો તમે કેક બનાવવાના સરળ જુગાડમાં છો, તો અમે તમને કેકના કેટલાક દેશી વિકલ્પો જણાવી રહ્યા છીએ, તમે તેને દેશી જુગાડ પણ કહી શકો છો.

સોજીનો હલવો

હા, તમે સાચું વાંચ્યું છે. મોટાભાગના લોકો જાણે છે કે સોજીનો હલવો કેવી રીતે બનાવવો. 90ના દાયકામાં જ્યારે કેક એક કે બે દિવસ અગાઉથી મંગાવવાની હતી. ત્યારે સોજીનો હલવો ઘણીવાર ઇમરજન્સી કેક સાબિત થતી હતી. બાળકો તેમના જન્મદિવસ પર ખૂબ આનંદ સાથે સોજીના હલવાની કેક કાપતા હતા. આ ટ્રીક ક્રિસમસ પર પણ કામ આવી શકે છે. દેશી ઘીમાં હલવો બનાવીને અને તેને ડ્રાય ફ્રૂટ્સથી ગાર્નિશ કરીને મેરી ક્રિસમસની ઉજવણી કરો.

બેસન/ગાજરનો હલવો

જો તમને સોજીનો હલવો પસંદ નથી તો તમારી પાસે ચણાના લોટનો હલવો બનાવવાનો વિકલ્પ પણ છે. તમે ચણાના લોટનો હલવો બનાવીને અને તેને ડ્રાયફ્રૂટ્સથી ગાર્નિશ કરીને ક્રિસમસ કેક તૈયાર કરી શકો છો. તમને આ દેશી કેક પણ ખૂબ ગમશે અથવા તમારી પાસે બધા હલવાનો રાજા ગાજરનો હલવો બનાવવાનો વિકલ્પ છે.

બ્રાઉન બ્રેડ અને ક્રીમ

જો તમને હલવા કરતાં ઝડપી વિકલ્પ જોઈએ છે. તો ચાર બ્રાઉન બ્રેડ લો અને તેના પર દૂધની ક્રીમ લગાવો. તેની ઉપર થોડી સમારેલી બદામ મૂકો. તમારી ક્રિસમસ કેક તૈયાર છે. સૌથી સારી વાત એ છે કે તમારે આ કેકમાં ખાંડનો ઉપયોગ કરવાની પણ જરૂર નથી.