Ors And Electral Powder: ઓઆરએસ અને ઇલેક્ટ્રોલમાં શું હોય છે અંતર, કોણ જલદી આપે છે એનર્જી?

ઉલટી, ઝાડા અથવા ડિહાઈડ્રેશનના કિસ્સામાં ડોકટરો વારંવાર ઓઆરએસ અથવા ઈલેક્ટ્રોલનું પાણી પીવાની સલાહ આપે છે

પ્રતિકાત્મક તસવીર

Ors And Electral Powder: ઉલટી, ઝાડા અથવા ડિહાઈડ્રેશનના કિસ્સામાં ડોકટરો વારંવાર ઓઆરએસ અથવા ઈલેક્ટ્રોલનું પાણી પીવાની સલાહ આપે છે.  ઇલેક્ટ્રોલ એટલું સામાન્ય છે કે તે લગભગ દરેક ઘરમાં હાજર છે. જ્યારે શરીરમાં પાણીની તીવ્ર ઉણપ સર્જાય છે ત્યારે ઈલેક્ટ્રોલનું પાણી અથવા ઓઆરએસ પીવામાં આવે છે. પણ શું આ બે વસ્તુઓ એક જ છે?

ઇલેક્ટ્રોલ અને ઓઆરએસ વચ્ચેનો તફાવત

શું તમે આ બંને વચ્ચેનો તફાવત જાણો છો? ઘણા લોકો એ પણ જાણતા નથી કે ORS સોલ્યુશન અને ઈલેક્ટ્રોલાઈટ વોટર બેમાંથી શું સારું છે. જો તમે નથી જાણતા તો આજે જાણી લો કે આ વસ્તુઓમાં શું તફાવત છે અને તેના ફાયદા કે આડઅસર શું છે.

ઇલેક્ટ્રોલ શું છે?

ઇલેક્ટ્રોલ એ FDC પ્રાઇવેટ લિમિટેડ કંપનીનું એક પ્રોડક્ટ છે. જે WHO એટલે કે વર્લ્ડ હેલ્થ ઓર્ગેનાઈઝેશન દ્વારા આપવામાં આવેલી ફોર્મ્યુલા પર તૈયાર કરવામાં આવી છે. એક પાઉચની અંદર 21.80 ગ્રામ પાવડર મેળવી શકો છો. જો કોઈ વ્યક્તિ ગેસ, પથરીની સમસ્યા, સોડિયમની ઉણપ, શરીરમાં ઈલેક્ટ્રોલાઈટીક અસંતુલનથી પીડિત હોય તો તેને ઈલેક્ટ્રોલ પીવાની સલાહ આપવામાં આવે છે ત્યારે આ પાવડર ફાયદાકારક છે.

ORS શું છે?

ઓઆરએસનું સંપૂર્ણ ફુલફોર્મ હોય છે ઓરલ રીહાઈડ્રેશન સોલ્યુશન છે. તેના નામ પરથી એ પણ અનુમાન લગાવી શકાય છે કે જ્યારે શરીર વધુ ડિહાઇડ્રેટ થઈ જાય ત્યારે ORSનું સોલ્યુશન પીવું ફાયદાકારક છે. ઇલેક્ટ્રોલાઇટની જેમ ORS સોલ્યુશન પણ WHO દ્વારા સૂચવવામાં આવેલા ફોર્મુલા પર આધારિત છે. સોડિયમ ક્લોરાઇડ અને પોટેશિયમ ક્લોરાઇડ ઉપરાંત સોડિયમ સાઇટ્રેટ અને ડેક્સ્ટ્રોઝ એનહાઇડ્રસ પણ તેમાં હાજર છે.

ફાયદાઓ અને આડઅસરો શું છે?

તે ઇલેક્ટ્રોલાઇટ અથવા ઓઆરએસ સોલ્યુશન હોય, બંનેનો ઉપયોગ વધુ કે ઓછા સમાન પરિસ્થિતિઓમાં થાય છે. વધુ પડતી ઉલટી, ઝાડા કે ગંભીર કબજિયાત હોય તો બેમાંથી કોઈ એકનું સેવન કરી શકાય. જો કે, કેટલીકવાર તે ડૉક્ટરની સલાહ પર નિર્ભર કરે છે કે ઇલેક્ટ્રોલાઇટ પાણી પીવું કે ORS સોલ્યુશન પીવું વધુ ફાયદાકારક છે.

બંનેના કેટલાક ફાયદા છે અને કેટલીક આડઅસરો પણ છે. જે અલગ-અલગ લોકોને અલગ-અલગ રીતે અસર કરી શકે છે. તેના કારણે પેટમાં દુખાવો, માથાનો દુખાવો અને શ્વાસ લેવામાં તકલીફ થઈ શકે છે. કેટલાક લોકોને સ્કિનની એલર્જી પણ હોઈ શકે છે.

Disclaimer: સમાચારમાં આપવામાં આવેલી કેટલીક માહિતી મીડિયા રિપોર્ટ્સ પર આધારિત છે. કોઈપણ સૂચનાને અમલમાં મૂકતા પહેલા તમારે સંબંધિત નિષ્ણાતની સલાહ લેવી જોઈએ.