Sugar Side Effects: ઉંમરથી પહેલા વૃદ્ધ થવા માંગે છો તો સુગરનું ભરપેટ કરો સેવન, જાણો કેટલી હાનિકારક

Sugar Side Effect: મોટાભાગના લોકોને સ્વીટ ખાવાના શોખિન હોય છે. જો કે, કોઈપણ વસ્તુનો અતિરેક આપણા માટે હાનિકારક છે. જાણીએ શા માટે ખાંડને સફેદ ઝેર કહેવાય છે.

પ્રતીકાત્મક તસવીર

Source : freepik

Sugar Side Effect:આજકાલ ઘણા લોકો ત્વચા સંબંધિત સમસ્યાઓથી પરેશાન છે. ઘણી વખત લોકો ખરાબ ત્વચા માટે પ્રદૂષણ અને ધૂળને દોષ આપે છે, પરંતુ તમારો ખોરાક પણ ત્વચાના સ્વાસ્થ્યને ઘણી હદ સુધી અસર કરે છે. ઘણા લોકો માને છે કે, ખાંડના વધુ પડતા સેવનથી ડાયાબિટીસ જેવી સ્વાસ્થ્ય સમસ્યાઓ થાય છે, પરંતુ શું તમે જાણો છો કે ખાંડ માત્ર તમારા સ્વાસ્થ્યને જ નહીં પરંતુ તમારી ત્વચાને પણ અસર કરે છે.

સ્વીટનું સેવન તમારી ત્વચા માટે નુકસાનકારક હોઈ શકે છે. ખાંડનું વધુ પડતું સેવન કરવાથી ત્વચાની વિવિધ સમસ્યાઓ થઈ શકે છે. આ સમસ્યાઓ તમારા રંગ અને એકંદર ત્વચાના સ્વાસ્થ્યને અસર કરે છે. આવો જાણીએ વધારાની ખાંડથી ત્વચાને થતા નુકસાન વિશે-

સોજો

ખાંડ  સોજોને  પ્રોત્સાહન આપે છે, જેનાથી શરીરમાં લાલાશ અને સોજો વધે છે. આવી સ્થિતિમાં તેનાથી છુટકારો મેળવવા માટે તમારા આહારમાં ફળો, શાકભાજી અને ઓમેગા-3થી ભરપૂર ખોરાકનો સમાવેશ કરો.

ગ્લાયકેશન

ખાંડ ગ્લાયકેશન દ્વારા ત્વચાના વૃદ્ધત્વને વેગ આપે છે, જેના કારણે કોલેજન અને ઇલાસ્ટિન ફાઇબર્સ સખત અને ઓછા લચીલા બનાવે  છે. આવી સ્થિતિમાં, અકાળ વૃદ્ધત્વને રોકવામાં મદદ કરવા માટે ઓછી ગ્લાયકેમિક ખોરાકની વસ્તુઓ પસંદ કરો.

કરચલીઓ

ખાંડ કોલેજન અને ઈલાસ્ટિન ફાઈબરને નુકસાન  પહોચાડે છે. જેના કારણે સ્કિન ઢીલી બને છે અને કરચલીઓ વધે છે.

કોલેજન

ખાંડ કોલેજન ઉત્પાદનને નુકસાન પહોંચાડે છે, જે ત્વચાની સ્થિતિસ્થાપકતા માટે જરૂરી છે. શક્કરિયા અને ગાજર જેવા વિટામિન A-સમૃદ્ધ ખાદ્ય પદાર્થો  કોલેજનને બૂસ્ટ કરે છે.

બ્રેકઆઉટ્સ

ખાંડ સીબમનું પ્રોડકશન વધારીને  બ્રેકઆઉટને ટ્રિગર કરે છે. આવી સ્થિતિમાં સ્વસ્થ આંતરડા માટે સંતુલિત આહાર પસંદ કરો અને આહારમાં પ્રોબાયોટીક્સનો સમાવેશ કરો.

ડલનેસ

ખાંડનું અતિ સેવન સ્કિને ડેમેજ કરે છે. અને સ્કિનને ડલ અને ડ્રાય બનાવે છે. ટૂંકમાં ખાંડનું સેવન સ્કિનને ખૂબ ખરાબ રીતે ડેમેજ કરી જલ્દી વૃદ્ધ બનાવે છે.

અસંતુલન

ખાંડ ત્વચાના કુદરતી સંતુલનને ખલેલ પહોંચાડે છે, જે કુદરતી સંતુલન સ્કિનમાં મોશ્ચર બનાવતા તત્વોને ડેમેજ કરે છે.  

ફ્રી રેડિકલ

ખાંડ  ફ્રી રેડિકલ ઉત્પન્ન કરે છે, જેનાથી  સેલ્યુલરને નુકસાન પહોંચે  છે. જો સુગરના અતિરિક્ત સેવનથી સ્કિન ડેમેજ થઇ ગઇ હોય તો સુગરને બંધ કરીને ડાયટમાં  ગ્રીન ટી, સીડસ શક્કરિયાનું  અને બદામમાં મળતા એન્ટીઓક્સીડેન્ટ્સથી ઓક્સિડેટીવ સ્ટ્રેસને નિયંત્રિત કરી શકાય છે.