Health Tips: શું ખાલી પેટ વર્કઆઉટ શરીરને નુકસાન પહોંચાડે છે, જાણો એક્સ્પર્ટનો મત

આજકાલ મોટાભાગના લોકો વર્કઆઉટ, વ્યાયામ, જિમ, યોગ દ્વારા પોતાને ફિટ રાખવાનો પ્રયાસ કરે છે. આવી સ્થિતિમાં મનમાં વારંવાર એક પ્રશ્ન ફરે છે કે શું ખાલી પેટે વર્કઆઉટ કરવું યોગ્ય છે?

પ્રતીકાત્મક તસવીર

Health :આજકાલ મોટાભાગના લોકો વર્કઆઉટ, વ્યાયામ, જિમ, યોગ દ્વારા પોતાને ફિટ રાખવાનો પ્રયાસ કરે છે. આવી સ્થિતિમાં મનમાં વારંવાર એક પ્રશ્ન ફરે છે કે શું ખાલી પેટે વર્કઆઉટ કરવું યોગ્ય છે?

 આ ભાગદોડ ભરેલી જિંદગીમાં પોતાની ફિટનેસનું ધ્યાન રાખવું એ સૌથી મોટી વાત છે. આજકાલ મોટાભાગના લોકો વર્કઆઉટ, વ્યાયામ, જિમ, યોગ દ્વારા પોતાને ફિટ રાખવાનો પ્રયાસ કરે છે. આવી સ્થિતિમાં મનમાં વારંવાર એક પ્રશ્ન ફરે છે કે શું ખાલી પેટે વર્કઆઉટ કરવું યોગ્ય છે? મોટાભાગના લોકો એવા હોય છે જેઓ સવારે નાસ્તો કરતા પહેલા કસરત કરે છે.

 ઘણા સ્વાસ્થ્ય નિષ્ણાતો માને છે કે, જો કોઈ વ્યક્તિ વજન ઘટાડવા માંગે છે, તો તેણે ખાલી પેટ પર કસરત કરવી જોઈએ. બીજી તરફ, ખાધા પછી કસરત કરવાથી તમને વધુ એનર્જી મળે છે અને તમે લાંબા સમય સુધી કસરત કરી શકો છો. આજે આ લેખના માધ્યમથી આપણે જાણીશું કે ખાલી પેટે કસરત કરવાના નુકસાનની સાથે-સાથે કસરત પહેલા અને પછી શું ખાવું જોઈએ. જેનાથી શરીરને ફાયદો થાય.

 શું ખાલી પેટ પર વર્કઆઉટ કરવાથી તમારું વજન ઓછું થાય છે?

ખાલી પેટ પર કસરતને 'ફાસ્ટેડ કાર્ડિયો' કહેવાય છે. આવી સ્થિતિમાં, આ સિદ્ધાંત કામ કરે છે કે તમે જે ખોરાક ખાધો તે તમારા શરીર દ્વારા પચવામાં આવ્યો હતો અને ચરબી અને કાર્બોહાઇડ્રેટ્સમાં પરિવર્તિત થાય છે જે શરીરમાં ફીડ થાય છે જેના કારણે શરીરમા ફેટ ઓછુ જમા થાય છે

શું ખાલી પેટ પર વર્કઆઉટ કરવું સલામત છે?

 જો કે ખાલી પેટ પર વર્કઆઉટ કરવાના સમર્થનમાં કેટલાક સંશોધનો છે, તેનો અર્થ એ નથી કે તે સાચું છે. જ્યારે તમે ખાલી કસરત કરો છો, ત્યારે તમે તમારા શરીરના જરૂરી પ્રોટીન અને ચરબીને પણ ખતમ કરો  છો. બ્લડ સુગર લેવલ ઓછું હોવાને કારણે કસરત દરમિયાન ચક્કર આવે છે. ઉબકા, ધ્રુજારી પણ અનુભવી શકાય છે.

 વર્કઆઉટ પહેલાં કે પછી ક્યારે ખાવું?

 વર્કઆઉટ, જિમ ટ્રેનિંગ, બેડમિન્ટન, યોગ, વૉકિંગ, ગોલ્ફિંગ, રનિંગ, ટેનિસ, ક્રિકેટ આવી બધી આઉટડોર એક્ટિવિટીઝ છે. જેમાં તમને ઘણી ઉર્જાની જરૂર હોય છે. ઉર્જા માટે, તમારે તમારા શરીરને તંદુરસ્ત ખોરાક આપવો જોઇએ.  જો તમે એક કલાકથી વધુ સમય માટે વર્કઆઉટ કરવાની યોજના ઘડી રહ્યા હોવ તો થોડું ખાવું અને શરીરને હાઇડ્રાઇટ રાખવા પાણી પીવું  જરૂરી છે.