Heart Attack Risk: બેઠાડું રીતે કામ કરવાથી, વધી શકે છે હાર્ટ એટેકનું જોખમ 

નિષ્ણાતોનું માનવું છે કે જે લોકો રોજ 5 થી 6 કલાક બેસીને કામ કરે છે તેની સરખામણીમાં 10 કલાક બેસી રહેનારાઓને હ્નદયરોગ તથા સ્ટ્રોકની શકયતાઓ વધુ રહેલી છે.

હાર્ટ એટેકનું જોખમ

આજકાલ બેઠાડું જીવન ઉપરાંત વર્કિગ સ્ટાઇલના લીધે સતત એક જ સ્થળે બેસી રહેવું પડે છે. ખાસ કરીને કાર્પોરેટ ક્ષેત્રમાં ક્મ્પ્યુટર અને લેપટોપ પર કલાકો સુધી બેઠે રહીને કામ કરવું પડે છે. એક સ્ટડી મુજબ જો માણસ રોજ 10 કલાકથી વધુ સમય એક જ સ્થળે બેસીને કામ કરશે તો તેઓમાં હાર્ટ એટેકનું જોખમ વધવાની શક્યતા છે. નિષ્ણાતોનું માનવું છે કે જે લોકો રોજ 5 થી 6 કલાક બેસીને કામ કરે છે, અને તેની સરખામણીમાં 10 કલાક બેસી રહેનારાઓને હ્નદયરોગ તથા સ્ટ્રોકની શકયતાઓ વધુ રહેલી છે.

તેઓના શરીરના ભાગ ખાસ કરીને પીઠ અને પેટ પરની માંસપેશીઓ નબળી પડી જાય છે. પગના હાડકા નબળા પડે છે એટલું જ નહી ગ્લુટેસ ઘટી જાય તેવા સંજોગોમાં ઇજ્જા થવાની શકયતા વધારે રહે છે. સાથે જ પાચક ગ્રંથીઓ જલદી વધુ સક્રિય થવાથી ઇન્સ્યૂલીન પણ વધારે ઉત્પન્ન થતું હોઈ છે.

બેસી રહેવા સમયે માંસ પેશીઓ નિષ્ક્રીય રહેવાથી, આ હોર્મોનનો યોગ્ય ઉપયોગ થઇ શકતો નથી જે ડાયાબિટીસ જેવા ગંભીર રોગોને આમંત્રણ આપે છે. કરોડરજજની સ્થિતિ સ્થાપકતા લાંબા ગાળે ઓછી થાય છે. બેઠાડુ વર્કથી વજન વધવાનો પણ ખતરો રહેલો છે.

સ્નાયુઓમાં તણાવ પેદા થવાથી ગરદન હાર્ડ થઇ જાય છે. આથી ખભા અને પીઠમાં દર્દનો અનુભવ થાય છે. ખૂબ બેસી રહેવાથી મસ્તિષ્કની પ્રોસેસ પણ ઘીમી પડી જાય છે.

માંસપેશીઓ નિષ્કીય રહેતી હોવાથી તેવા કિસ્સામાં લોહી અને ઓકિસજનનો પુરવઠો મગજ સુધી ઓછો પહોચે છે આથી મગજની કાર્યક્ષમતા પર વિપરીત અસર થાય છે. કારણ કે સતત બેસવાથી માંસપેશીઓ,હાડકા, બ્લડ શુગર લેવલ અને બ્લડ પ્રેશર ડિસ્ટર્બ થાય છે. સતત બેસી રહેવાથી બ્લડ ક્લોટ થવાની પણ શકયતા રહે છે

આવા સંજોગોમાં વધારે પડતું રોજ સતત બેસી રહેવાનું ટાળવું સલાહભર્યુ છે. સૌથી સારો ઉપાય કામ કરતી વચ્ચે બ્રેક લેવાનો છે. બ્રેક દરમિયાન થોડૂક વોક કરો તે ફાયદાકારક છે. જો નોકરી કે વ્યવસાયના ભાગરુપે રોજ 10 કલાક જેટલું બેસી રહેવાનું ફરજીયાત થતું હોય તેવા સંજોગોમાં હેલ્થનું રુટિન ચેક અપ કરાવતા રહેવું જરુરી છે.