પીએમ મોદી આજથી બે દિવસના ગુજરાત પ્રવાસે,જાણો સંપૂર્ણ કાર્યક્રમ

પીએમ મોદી આજથી બે દિવસના ગુજરાત પ્રવાસે છે. પીએમ મોદી સાંજે 8 કલાકે અમદાવાદ એરપોર્ટ પર આવી પહોંચશે. ત્યાર બાદ રાજભવન ખાતે રાત્રિ રોકાણ કરશે. પીએમ 18મીએ સવારે ગાંધીનગરથી પાવાગઢ જવા રવાના થશે

પીએમ મોદી(ફાઈલ તસવીર)

PM Modi Gujarat visit: પીએમ મોદી આજથી બે દિવસના ગુજરાત પ્રવાસે છે. પીએમ મોદી સાંજે 8 કલાકે અમદાવાદ એરપોર્ટ પર આવી પહોંચશે. ત્યાર બાદ રાજભવન ખાતે રાત્રિ રોકાણ કરશે. રાત્રે અથવા 18મી વહેલી સવારે વડાપ્રધાન મોદી તેમના માતા હીરાબાને મળવા માટે જશે. 18 જૂને હીરાબાના 100 વર્ષ પુરા થશે. જેને લઈને ખાસ કાર્યક્રમનું આયોજન કરવામાં આવ્યું છે. પીએમ મોદીએ 18મીએ સવારે 8 વાગ્યે હેલિપેડ ગાંધીનગરથી પાવાગઢ જવા રવાના થશે. પાવાગઢમાં મહાકાળીનાં મંદિરે ધ્વજારોહણ કરશે. બાદમાં વડોદરા ખાતે જનસભાને સંબોધન કરશે.

 

Koo App

PM Narendra Modi to visit Gujarat on 17th and 18th June. Prime Minister to inaugurate and lay the foundation stone of development projects worth Rs 21,000 crores. (File Pic)

View attached media content

- Prasar Bharati News Services (@pbns_india) 16 June 2022

આ ઉપરાંત 18 તારીખે વડોદરાથી પ્રધાનમંત્રી મોદી સુરત અને ઉધના રેલવે સ્ટેશન રીડેવલપમેન્ટનું ખાતમુહૂર્ત કરશે. સુરત રેલવે સ્ટેશન 1100 કરોડના ખર્ચે રીડેવલપમેન્ટ થશે. 1100 કરોડમાંથી રેલવે 800 કરોડ જ્યારે ગુજરાત સરકાર 300 કરોડ આપશે. જ્યારે ઉધના 212 કરોડના ખર્ચે રીડેવલપમેન્ટ થશે. સુરત ઉધના સ્ટેશન માટે ટેન્ડરની પ્રક્રિયા પુરજોશમાં ચાલી રહી છે.

તો બીજી તરફ પીએમ નરેન્દ્ર મોદીના બંદોબસ્ત માટે વડોદરા શહેર પોલીસ કમિશનરે આખરી ઓપ આપ્યો છે. 5000 પોલીસ જવાનો બંદોબસ્તમાં ખડેપગ રહેશે. બે હજાર મહિલા પોલીસ ઉપરાંત બહારના બે હજાર પોલીસ કર્મીઓ બંદોબસ્ત માટે તૈનાત રહશે. 20 આઇપીએસ, 35 ડીવાયએસપી,100 પીઆઇ બંદોબસ્તમાં તૈનાત રહશે. એસઆરપીની પાંચ કંપની પણ બંદોબસ્તમાં તૈનાત રહેશે. 12 ઘોડેસવાર, એનએસજી કમાન્ડો સાથે ચેતક કમાન્ડો અને ક્રાઇમ બાન્ચ, એસઓજી, પીસીબીની ટિમો પણ હાજર રહશે. એસપીજીએ સભા સ્થળ અને રૂટનું નિરીક્ષણ કરી શહેર પોલીસના બંદોબસ્તની વિગતો મેળવી હતી. બૉમ્બ સ્કવોડની 10 ટિમો દ્વારા સભા સ્થળે રાઉન્ડ ધ ક્લોક ચેકિંગ હાથ ધરવામાં આવ્યું છે.

પીએમ મોદીના માતાના શતાયુ જન્મ દિવસની ઉજવણી કરવામાં આવશે. વડનગરના હાટકેશ્વર મંદિર અને અમદાવાદના જગન્નાથ મંદિરમાં ઉજવણી કરવામાં આવશે. પીએમ મોદીના પરિવાર દ્વારા જગન્નાથ મંદિરમાં વિશેષ ભંડારાનું આયોજન કરવામાં આવ્યું છે. કાળી રોટી ધોળી દાળના ભંડારાનું મંદિરમાં આયોજન કરાયું છે. હીરાબા પરિવાર સાથે જગન્નાથ મંદિરમાં દર્શન કરવા આવશે. ભગવાન જગન્નાથજી મંદિરમાં તૈયારીઓ શરૂ થઈ ગઈ છે.