7મું પગાર પંચ: હોળી પહેલા જ કેન્દ્રીય કર્મચારીઓ માટે દિવાળી! 12 માર્ચે મોદી કેબિટનેમાં થશે મોટી જાહેરાત
કેબિનેટની મંજૂરી બાદ 56% મોંઘવારી ભથ્થું અને જાન્યુઆરીથી એરિયર્સ મળવાની શક્યતા.
7th Pay Commission DA hike 2025: કેન્દ્રીય કર્મચારીઓ માટે હોળીના તહેવાર પહેલા સારા સમાચાર આવી રહ્યા છે. સરકાર તેમના મોંઘવારી ભથ્થા (Dearness Allowance - DA) માં વધારો કરવાની જાહેરાત ટૂંક સમયમાં કરી શકે છે. સૂત્રોના જણાવ્યા અનુસાર, આ જાહેરાત કેબિનેટ દ્વારા મંજૂર થયા બાદ હોળી પહેલાં કરવામાં આવી શકે છે. આ વધારા સાથે, મોંઘવારી ભથ્થું હાલના 53% થી વધીને 56% થવાની સંભાવના છે, એટલે કે કુલ 3% નો વધારો થશે.
મોંઘવારી ભથ્થાની ગણતરી માટે ઓલ ઈન્ડિયા કન્ઝ્યુમર પ્રાઈસ ઈન્ડેક્સ (AICPI) ના આંકડાને ધ્યાનમાં લેવામાં આવે છે. ડિસેમ્બર 2024 સુધીના AICPI ઇન્ડેક્સના સરેરાશ આંકડા 143.7 પોઈન્ટ રહ્યા છે, જેના આધારે DAનો સ્કોર 55.99% પર પહોંચે છે. નિયમો અનુસાર, 0.50 પહેલાના આંકડાને નીચલા સ્તરે અને તેનાથી ઉપરના આંકડાને ઉપલા સ્તરે રાઉન્ડ ઓફ કરવામાં આવે છે. આ ગણતરીના આધારે, મોંઘવારી ભથ્થું 56% નક્કી થવાની શક્યતા છે.
હવે આ દરને કેબિનેટની મંજૂરી મળવાની બાકી છે. માનવામાં આવે છે કે આગામી બુધવારે, 12 માર્ચ, 2025 ના રોજ યોજાનારી કેબિનેટ બેઠકમાં આ પ્રસ્તાવને મંજૂરી મળી શકે છે. જો આમ થશે તો, હોળી પહેલાં કેન્દ્રીય કર્મચારીઓ અને પેન્શનરો માટે આ એક મોટી ભેટ સાબિત થશે. પેન્શનરોને પણ આ DA વધારાનો લાભ મળશે અને તેમના પેન્શનમાં પણ સમાન વધારો થશે.
DA વધારાના ફાયદા
મોંઘવારીમાં રાહત: વધતું મોંઘવારી ભથ્થું કર્મચારીઓને મોંઘવારી સામે રક્ષણ પૂરું પાડશે.
પગારમાં સુધારો: DA વધારાથી કર્મચારીઓના પગારમાં વધારો થશે, જેનાથી તેમની ખર્ચ કરવાની ક્ષમતા વધશે.
પેન્શનરોને લાભ: પેન્શન પર DA લાગુ થવાથી વૃદ્ધાવસ્થામાં આર્થિક સુરક્ષા મળશે.
સરકારી તિજોરી પર અસર: DA વધારાથી સરકારની તિજોરી પર બોજ વધશે, પરંતુ કર્મચારીઓને રાહત મળશે.
મોંઘવારી ભથ્થાનો આ વધારો 1 જાન્યુઆરી, 2025થી અમલમાં આવશે. માર્ચ મહિનામાં જાહેરાત થવાની સંભાવના હોવાથી, કર્મચારીઓને માર્ચના પગાર સાથે જાન્યુઆરી અને ફેબ્રુઆરી મહિનાના એરિયર્સ પણ મળવાની શક્યતા છે. હોળીનો તહેવાર 14 માર્ચે હોવાથી, કેન્દ્રીય કર્મચારીઓ માટે આ DA વધારો હોળીની ખાસ ભેટ બની શકે છે. ઉલ્લેખનીય છે કે 1 જુલાઈ, 2024થી મોંઘવારી ભથ્થું 53% ના દરે ચૂકવવામાં આવી રહ્યું છે, જે હવે વધીને 56% થવાની સંભાવના છે.
આ પણ વાંચો...
જીએસટી દરમાં રાહતનાં સંકેત: ટૂંક સમયમાં ઘટશે દર, નાણામંત્રીની મોટી જાહેરાત
ટોપ સ્ટોરી
ટ્રેન્ડિંગ સમાચાર
