Stock Market Today: સ્ટોક માર્કેટમાં ‘મંગળ’ શરૂઆત, સેન્સેક્સ 550 પોઈન્ટ ઉપર, નિફ્ટી 17800ની નજીક, INFY-HCL ટોપ ગેઈનર્સ
આઇટી, ઓટો, મેટલ, ફાર્મા, રિયલ્ટી અને એફએમસીજીમાં પણ સારી વૃદ્ધિ જોવા મળી રહી છે. વૈશ્વિક બજારોની ધીમી ચાલને કારણે સ્થાનિક બજારને પણ સપોર્ટ મળી રહ્યો છે અને સેન્સેક્સ-નિફ્ટીમાં મોમેન્ટમ જળવાઈ રહ્યો છે.
Stock Market Today: ભારતીય શેરબજારમાં મંગળ શરૂઆત થઈ છે અને બજારના તમામ ક્ષેત્રીય સૂચકાંકો લીલા નિશાનમાં ખુલ્લા છે. બેન્ક નિફ્ટીમાં જોરદાર મોમેન્ટમ જોવા મળી રહ્યું છે અને તેના તમામ 12 શેર ઉછાળા સાથે ખુલ્યા છે. આઇટી, ઓટો, મેટલ, ફાર્મા, રિયલ્ટી અને એફએમસીજીમાં પણ સારી વૃદ્ધિ જોવા મળી રહી છે. વૈશ્વિક બજારોની ધીમી ચાલને કારણે સ્થાનિક બજારને પણ સપોર્ટ મળી રહ્યો છે અને સેન્સેક્સ-નિફ્ટીમાં મોમેન્ટમ જળવાઈ રહ્યો છે.
કેવી રીતે ખુલ્યું બજાર
જો આજના ટ્રેડિંગ પર નજર કરીએ તો BSE ના 30 શેરો વાળા ઈન્ડેક્સ સેન્સેક્સ 415.68 પોઈન્ટ અથવા 0.70 ટકાના ઉછાળા સાથે 59,556.91 પર ખુલ્યો છે. NSEનો 50 શેરવાળો ઈન્ડેક્સ નિફ્ટી 148.15 પોઈન્ટ અથવા 0.84 ટકાના વધારા સાથે 17,770 પર ખુલવામાં સફળ રહ્યો છે.
આજે સેન્સેક્સ અને નિફ્ટીમાં તેજી સાથે શરૂઆત થઈતી
આજે ઓપનિંગ સમયે સેન્સેક્સના તમામ 30 શેરો ઉછાળા સાથે ટ્રેડ કરી રહ્યા છે. બીજી તરફ, નિફ્ટીના તમામ 50 શેરોમાં ઉછાળા સાથે ટ્રેડિંગ લીલા નિશાનમાં જોવા મળી રહ્યાં છે.
તમામ સેક્ટોરલ ઇન્ડેક્સમાં તેજીની ચાલ
મેટલ સ્ટોક 1.61 ટકા અને બેન્ક સેક્ટર 1.30 ટકા ઉપર છે. નિફ્ટી ઓટોમાં 1.48 ટકાનો મજબૂત વધારો છે. આઇટી સેક્ટર 1.5 ટકા અને રિયલ્ટી શેર 1.12 ટકા ઉપર છે. આ સિવાય કન્ઝ્યુમર ડ્યુરેબલ્સ શેર 1.61 ટકાના જબરદસ્ત ઉછાળા પર છે.
વૈશ્વિક બજારમાં તેજી
આજના કારોબારમાં એશિયાના મુખ્ય બજારોમાં ખરીદારી જોવા મળી રહી છે. તે જ સમયે, યુએસ ફેડની બેઠક પહેલા, યુએસ બજારો પણ મજબૂત થયા છે. સોમવારે ડાઉ જોન્સ 197.26 અંક વધીને 31,019.68 ના સ્તર પર બંધ થયો હતો. S&P 500 ઇન્ડેક્સ 0.69 ટકા વધીને 3,899.89 પર બંધ થયો હતો. જ્યારે નાસ્ડેક 0.76 ટકા વધીને 11,535.02ના સ્તરે બંધ રહ્યો હતો.
ક્રૂડ નરમ
બ્રેન્ટ ક્રૂડ નરમ છે. આંતરરાષ્ટ્રીય બજારમાં ક્રૂડ 92 ડોલર પ્રતિ બેરલ પર છે. જ્યારે યુએસ ક્રૂડ પ્રતિ બેરલ 86 ડોલર છે. તે જ સમયે, યુએસમાં 10-વર્ષના બોન્ડ યીલ્ડ 3.481 ટકાના સ્તરે છે. એશિયન બજારોની વાત કરીએ તો, SGX નિફ્ટી 0.89 ટકા ઉપર છે, જ્યારે Nikkei 225માં 0.42 ટકાનો વધારો જોવા મળી રહ્યો છે. સ્ટ્રેટ ટાઇમ્સ 0.36 ટકા અને હેંગસેંગ 1.32 ટકા ઉપર છે. તાઇવાન વેઇટેડ 0.41 ટકા વધ્યો છે, જ્યારે કોસ્પી પણ 0.55 ટકાનો વધારો દર્શાવે છે. શાંઘાઈ કમ્પોઝિટ 0.47 ટકા ઉપર છે.
ટોપ સ્ટોરી
ટ્રેન્ડિંગ સમાચાર
