Gujarat: બુલેટ ટ્રેન પ્રોજેક્ટની સાઈટ પર દુર્ઘટના, પિલર તૂટી પડતા બે લોકોના મોત

અમદાવાદ-મુંબઈ બુલેટ ટ્રેન પ્રોજેક્ટ દરમિયાન આ અકસ્માત થયો હતો. એક નિર્માણાધીન પિલર તૂટી પડ્યો. કોન્ક્રીટના ભારે કાટમાળ નીચે કામદારો ફસાયા હતા.

બુલેટ ટ્રેન પ્રોજેક્ટ દરમિયાન અકસ્માત

Source : ABP LIVE

અમદાવાદ-મુંબઈ બુલેટ ટ્રેન પ્રોજેક્ટ દરમિયાન આ અકસ્માત થયો હતો. એક નિર્માણાધીન પિલર તૂટી પડ્યો. કોન્ક્રીટના ભારે કાટમાળ નીચે કામદારો ફસાયા હતા. બે મજૂરોના મૃતદેહ મળી આવ્યા હતા. અકસ્માત બાદ તરત જ રેસ્ક્યુ શરૂ કરી દેવામાં આવ્યું હતું. આ દુર્ઘટના મહી નદી પાસે ચાલી રહેલા બુલેટ ટ્રેન પ્રોજેક્ટમાં બની હતી. આ ઘટનાનો વીડિયો પણ સામે આવ્યો છે.

નેશનલ હાઇ સ્પીડ રેલ કોર્પોરેશન લિમિટેડ (NHSRCL) એ એક નિવેદનમાં જણાવ્યું હતું કે મંગળવારે (5 નવેમ્બર) સાંજે ત્રણ મજૂરો મહી નદી પર કોંક્રિટ બ્લોક્સ વચ્ચે ફસાયા હતા. એક મજૂરને બચાવીને હોસ્પિટલમાં દાખલ કરવામાં આવ્યો છે.

#WATCH | Gujarat: Concrete blocks collapsed at a construction site of the bullet train project in Anand, today. Rescue operations are underway. Anand police, fire brigade officials have reached the spot.

National High Speed Rail Corporation Limited says, "Today evening at Mahi… pic.twitter.com/LapwfEOo5h

— ANI (@ANI) November 5, 2024

અત્યાર સુધીમાં 12 પુલનું બાંધકામ

તમને જણાવી દઈએ કે મુંબઈ-અમદાવાદ બુલેટ ટ્રેન કોરિડોર માટે ગુજરાતમાં કુલ 20 નદી પુલમાંથી 12નું નિર્માણ પૂર્ણ થઈ ગયું છે. મુંબઈ-અમદાવાદ બુલેટ ટ્રેન કોરિડોર કુલ 508 કિલોમીટર લાંબો છે. NHSRCLએ જણાવ્યું હતું કે ગુજરાતના નવસારી જિલ્લામાં ખરેરા નદી પર 120 મીટર લાંબો પુલ તાજેતરમાં પૂર્ણ થયો હતો. આ સાથે 12 બ્રિજનું બાંધકામ પૂર્ણ થયું છે.

ગુજરાતમાં 352 કિમીનો પ્રોજેક્ટ

બુલેટ ટ્રેન પ્રોજેક્ટ ગુજરાતના 352 કિમી અને મહારાષ્ટ્રના 156 કિમી વિસ્તારને આવરી લે છે. જેમાં મુંબઈ, થાણે, વિરાર, બોઈસર, વાપી, બીલીમોરા, સુરત, ભરૂચ, વડોદરા, આણંદ/નડિયાદ, અમદાવાદ અને સાબરમતી જેવા કુલ 12 સ્ટેશનોનું આયોજન કરવામાં આવ્યું છે.

મુંબઈ-અમદાવાદની મુસાફરી ત્રણ કલાકમાં પૂરી થશે

આ પ્રોજેક્ટ પૂર્ણ થયા બાદ અમદાવાદ-મુંબઈ વચ્ચેનું અંતર માત્ર ત્રણ કલાકમાં કાપવામાં આવશે. હાલમાં આ પ્રવાસ છથી આઠ કલાકનો સમય લે છે. નવસારી જિલ્લામાં ખરેરા નદી પરનો પુલ 29 ઓક્ટોબર 2024ના રોજ પૂર્ણ થયો છે. મુંબઈ-અમદાવાદ બુલેટ ટ્રેનના વાપી અને સુરત બુલેટ ટ્રેન સ્ટેશનો (દક્ષિણ ગુજરાતમાં) વચ્ચે નવ પુલ છે. ખરેરા એ અંબિકા નદીની ઉપનદીઓમાંની એક છે. તે ગુજરાત અને મહારાષ્ટ્રના સરહદી વિસ્તારમાં વાંસદા તાલુકાના ટેકરીઓમાંથી ઉદભવે છે. આ નદી વાપી બુલેટ ટ્રેન સ્ટેશનથી લગભગ 45 કિલોમીટર અને બીલીમોરા સ્ટેશનથી 6 કિલોમીટર દૂર છે.