Panchmahal Rain: પાવાગઢમાં ધોધમાર વરસાદ, પગથિયાં પર નદી વહેતી હોય તેવા દ્રશ્યો

પાવાગઢમાં ઘોઘમાર વરસાદ વરસ્યો છે. પાવાગઢમાં ભારે વરસાદ વરસતા પગથિયાં પરથી નદી વહેતી હોય તેવા દ્રશ્યો જોવા મળ્યા છે.

Written By : gujarati.abplive.com | Updated at : 24 Jun 2025 05:55 PM (IST)

Heavy Rain in Pavagadh panchmahal Panchmahal Rain: પાવાગઢમાં ધોધમાર વરસાદ, પગથિયાં પર નદી વહેતી હોય તેવા દ્રશ્યો

પાવાગઢમાં વરસાદ

Source : તસવીર-ABP અસ્મિતા

પંચમહાલ: પાવાગઢમાં ઘોઘમાર વરસાદ વરસ્યો છે. પાવાગઢમાં ભારે વરસાદ વરસતા પગથિયાં પરથી નદી વહેતી હોય તેવા દ્રશ્યો જોવા મળ્યા છે. ધોધમાર વરસાદને લઈને પાવાગઢ ડુંગર પરથી વરસાદી પાણી પગથિયા પર ફરી વળ્યા હતા. રેવા પથ વિસ્તારના પગથિયા પરથી વરસાદી પાણીનો ધોધ વહેતો હોય તેવા દ્રશ્યો સામે આવ્યા છે.

પાવાગઢ ખાતે આવેલા દર્શનાર્થીઓ પાણીના ભારે પ્રવાહને લઈને પગથિયા વચ્ચે બનાવેલ રેલિંગ ઉપર બેસી ગયા હતા. રેવા પથ વિસ્તારના પગથિયામાં પણ કેડ સમા પાણી વહી રહ્યા હોવાનો વીડિયો સામે આવ્યો છે.

આજે આ જિલ્લાઓમાં ભારે વરસાદની આગાહી

હવામાન વિભાગની આગાહી મુજબ, આજે વડોદરા, ભરૂચ, સુરત, નવસારી, વલસાડ, દમણ, દાહોદ, મહીસાગર અને દાદરાનગર હવેલીમાં ભારેથી અતિભારે વરસાદની આગાહી સાથે રેડ એલર્ટ આપવામાં આવ્યું છે.

આ સિવાય સાબરકાંઠા, ગાંધીનગર, અરવલ્લી, ખેડા, આણંદ, પંચમહાલ, છોટાઉદેપુર અને ડાંગમાં ઓરેન્જ એલર્ટ સાથે વરસાદની આગાહી હવામાન વિભાગ દ્વારા કરાઈ છે.

જ્યારે બનાસકાંઠા, પાટણ, મહેસાણા, અમદાવાદમાં આજે ભારે વરસાદની આગાહી હવામાન વિભાગે કરી છે. રથયાત્રાના દિવસે પણ રાજ્યમાં વરસાદી માહોલ રહેશે. હવામાન વિભાગના જણાવ્યા મુજબ આગાહી સાત દિવસ સુધી રાજ્યમાં વરસાદી માહોલ યથાવત રહેશે. કેટલાક જિલ્લાઓમાં ધીમીધારે વરસાદ વરસશે તો કેટલાક જિલ્લાઓમાં અનરાધાર વરસાદ વરસી શકે છે. સૌરાષ્ટ અને કચ્છમાં ભારેથી અતિ ભારે વરસાદની આગાહી કરવામાં આવી છે.

આજના દિવસમાં 112 તાલુકામાં નોંધાયો વરસાદ

દક્ષિણ ગુજરાત, મધ્ય ગુજરાતના તાલુકામાં સતત વરસાદી માહોલ જામ્યો છે. 36 તાલુકામાં એકથી પોણા નવ ઈંચ સુધીનો વરસાદ વરસ્યો છે. હવામાન વિભાગની વરસાદની આગાહી વચ્ચે આજે પણ વહેલી સવારથી અનેક જિલ્લાઓમાં વરસાદ વરસી રહ્યો છે.