Local Body Election Result 2025:  અસદુદ્દીન ઓવૈસીની પાર્ટી AIMIMએ આ નગરપાલિકામાં એક બેઠક જીતી

સ્થાનિક સ્વરાજની ચૂંટણીના પરિણામો આજે જાહેર થઈ રહ્યા છે. સવારે 9 વાગ્યાથી મતગણતરી શરૂ કરવામાં આવી હતી.

અસદુદ્દીન ઓવૈસી

Source : X

Local Body Election Result 2025 :  સ્થાનિક સ્વરાજની ચૂંટણીના પરિણામો આજે જાહેર થઈ રહ્યા છે. સવારે 9 વાગ્યાથી મતગણતરી શરૂ કરવામાં આવી હતી. જૂનાગઢ મહાનગરપાલિકા, 68 નગરપાલિકા અને 3 તાલુકા પંચાયતની ચૂંટણી માટે સરેરાશ 57 ટકા મતદાન થયું હતું. સ્થાનિક સ્વરાજની ચૂંટણીમાં ભારતીય જનતા પાર્ટીનો દબદબો જોવા મળી રહ્યો છે. ઉપલેટા પાલિકામાં ભાજપનો ભગવો લહેરાયો છે. ઉપલેટા પાલિકામાં  અસદુદ્દીન ઓવૈસીની પાર્ટી AIMIMએ એક બેઠક પર જીત મેળવી છે.

અસદુદ્દીન ઓવૈસીની પાર્ટી AIMIM નું ખાતું ખુલ્યું

ઉપલેટા નગરપાલિકાની 36 બેઠકોમાંથી 27 બેઠકો પર ભાજપે શાનદાર જીત મેળવી છે.  ઉપલેટા પાલિકાના વોર્ડ 9 ના 36  બેઠકોમાંથી ભારતીય જનતા પાર્ટીએ 27 બેઠકો પર જીત મેળવી હતી. જ્યારે અહીં  કૉંગ્રેસે 6 બેઠકો જીતી છે. જ્યારે અપક્ષને 2 બેઠકો મળી છે. ઉપલેટામાં અસદુદ્દીન ઓવૈસીની પાર્ટી AIMIM નું ખાતું ખુલ્યું છે. ઉપલેટા પાલિકામાં એક બેઠક પર AIMIMના ઉમેદવારની જીત થઈ છે. ઉપલેટા પાલિકામાં ભાજપને સ્પષ્ટ બહુમતી મળી છે. 

માંગરોળમાં બસપા કિંગ મેકર 

જૂનાગઢ જિલ્લામાં પણ ભાજપે શાનદાર પ્રદર્શન કર્યું છે. જૂનાગઢ જિલ્લાની માંગરોળ નગરપાલિકામાં ટાઈ થઈ છે. અહીં ભાજપ અને કૉંગ્રેસને 15-15 બેઠકો મળી છે. જ્યારે માયાવતીની પાર્ટી બહુજન સમાજપાર્ટીએ અહીં 4 બેઠકો પર જીત મેળવી છે.  બસપાના ઉમેદવારો જેની સાથે જશે તેમની પાલિકામાં સત્તા આવશે. 

રાણાવાવ અને કુતિયાણા બેઠક પર એસપીનો કબજો

ગુજરાત સ્થાનિક સ્વરાજ્યની ચૂંટણીમાં એસપીએ જોરદાર પ્રદર્શન કર્યું છે. રાણાવાવ અને કુતિયાણા નગરપાલિકા પર એસપીનો વિજય થયો છે. તમને જણાવી દઈએ કે, આ નગરપાલિકામાં કાંધલ જાડેજાનો દબદબો છે.  કુતિયાણા નગરપાલિકાની 24 સીટમાંથી સમાજવાદી પાર્ટીને 14 સીટ મળતા કાંધલ જાડેજાનો દબદબો યથાવત રહ્યો છે. જ્યારે ભાજપને 10 સીટ મળતા ઢેલી બહેનને મોટો ફટકો પડ્યો છે. 

ગુજરાતમાં યોજાયેલી સ્થાનિક સ્વરાજ્યની ચૂંટણીનું ચિત્ર હવે લગભગ સ્પષ્ટ થઈ ગયું છે. જુનાગઢ મનપા અને 68 નગરપાલિકાના પરિણામની જાહેરાત પૂર્ણતાને આરે છે. જાહેર પરિણામમાં 58 નગરપાલિકામાં ભાજપને સ્પષ્ટ બહુમતી મળતી દેખાઈ રહી છે. તો સલાયા નગરપાલિકામાં કોંગ્રેસને બહુમતી મળી છે. જ્યારે રાજ્યની એક નગરપાલિકામાં ટાઈ થઈ છે. તો બે નગર પાલિકા પર સમાજવાદી પાર્ટીએ કબજો કરી લીધો છે.

આ પણ વાંચો.....