Mahisagar : ટાયર ફાટતાં ઘઉં અને 14 મજૂરો સાથેનું પીકઅપ પલટી ગયું, લોકોએ કરી મૂકી ચીસાચીસ
લુણાવાડાના હાડોડ મહીસાગર નદી પરના નવીન બ્રિજ પાસે ઘઉંની બોરી અને મજૂરો ભરેલ પીકઅપ ડાલાનું ટાયર ફાટતા અકસ્માત નડ્યો હતો. હાડોડ નવા બ્રિજ પાસે મજૂર ભરેલી પિકપ ગાડી પલટતા 12થી 14 લોકો ઈજાગ્રસ્ત થયા હતા.
મહીસાગરઃ લુણાવાડાના હાડોડ મહીસાગર નદી પરના નવીન બ્રિજ પાસે ઘઉંની બોરી અને મજૂરો ભરેલ પીકઅપ ડાલાનું ટાયર ફાટતા અકસ્માત નડ્યો હતો. હાડોડ નવા બ્રિજ પાસે મજૂર ભરેલી પિકપ ગાડી પલટતા 12 થી 14 લોકો ઈજાગ્રસ્ત થયા હતા. પીકઅપ પલટી મારતાં મજૂરોએ ચીસાચીસ કરી મૂકી હતી. ઇજાગ્રસ્તોને 108ની મદદથી લુણાવાડા શહેરની જનરલ હોસ્પિટલમાં ખસેડવામાં આવ્યા હતા.
દહેગામથી મજુરી કરી અને ઘઉં લઈ મજૂરો દાહોદ વતન તરફ જઈ રહ્યા હતા. પુરઝડપે જઇ રહેલ પિકપડાલાનું ટાયર અચાનક ફાટ્યું. પિકઅપ ડાલાનું ટાયર ફાટતા ઘઉંની બોરી મજૂરો નીચે દટાયા હતા. ગંભીર રીતે ઇજાગ્રસ્ત મજુરોને સારવાર અર્થે ખસેડવામાં આવ્યા તો વધુ ઇજાગ્રસ્ત ચાર લોકો ને ગોધરા રીફર કરાયા. લુણાવાડા જનરલ હોસ્પિટલમાં સુવિધાના અભાવે ઇજગ્રસ્તોને બાકડા પર તો કેટલા ઇજગ્રસ્તોને નીચે સુવડાવી રાખ્યા હતા.
બનાસકાંઠા: ડીસા-કાંટ રોડ પર અકસ્માત સર્જાયો છે. ટ્રકે એક્ટિવા ચાલકને અડફેટે લેતા તેમનું મોત નિપજ્યું છે. મૃતકનું નામ રાહુલ મોઢ છે અને તેઓ વ્યવસાયે શિક્ષક હતા. ઘટનાને લઈ ઘટના સ્થળે લોકોના ટોળેટોળાં ઉમટી પડ્યા હતા. આ ઉપરાંત ઘટનાની જાણ થતા જ પોલીસ પણ ઘટના સ્થળે પહોંચી ગઈ હતી.પોલીસે ટ્રક ચાલકની અટકાયત કરી લીધી છે અને આગળની કાર્યવાહી હાથ ધરી છે.
નેશનલ હાઇવે નંબર 48 પર હિટ એન્ડ રનની ઘટના
વડોદરા: નેશનલ હાઇવે નંબર 48 પર હિટ એન્ડ રનની ઘટના ઘટી છે. નેશનલ હાઇવે નંબર 48 પર વડોદરા ભરૂચના ટ્રેક પર વાહનચાલકે 3 લોકોને અડફેટે લીધા હતા. આ ઘટનામાં એક શ્રમિક સહીત એક બાળકનું ઘટનાસ્થળે કમકમાટીભર્યું મોત નીપજ્યું છે. મૃત પામેલ બાળક, શ્રમિકને 108 મારફતે કરજણ સામુહિક આરોગ્ય કેન્દ્ર ખાતે, જ્યારે બીજા શ્રમિકને સારવાર અર્થે વડોદરા SSG હોસ્પિટલ ખસેડવામાં આવ્યો છે.
આ શ્રમિકો કંડારી ગામે ભંડારામાં જમવા જતા હતા તે દરમિયાન ઘટના ઘટી હોવાનું કહેવામાં આવી રહ્યું છે. કરજણના કંડારી ગામે ખેડૂતને ત્યાં ખેતીકામ કરતા શ્રમિક તેમજ બીજા ખેડૂતને ત્યાં ખેતીકામ કરતા શ્રમિક પોતાના બાળક સાથે ભંડારામાં જમવા માટે ચાલીને જતા હતા. કંડારી ગામે બંને શ્રમિકો અલગ અલગ ખેડૂતને ત્યાં ખેતી કામ કરતા હતા. હિટ એન્ડ રનની આ ઘટનામાં કરજણના પાછીયાપુરા ગામનો ખેતીકામ અર્થે કંડારી ગામે રહેતા શ્રમિકનું ઘટના સ્થળે મોત થયું છે. કરજણ પોલીસ ઘટના સ્થળે દોડી વધુ તપાસ હાથ ધરી છે.
માંગલેજ ચોકડી પાસે અકસ્માતમાં બે લોકોના મોત
9 એપ્રિલે કરજણ નેશનલ હાઇવે નં. 48 પર માંગલેજ ચોકડી પાસે વડોદરા ભરૂચના ટ્રેક પર કાર ચાલકે રાહદારીને અડફેટે લીધો છે. પુરઝડપે આવતા કારચાલકે કરજણના માંગલેજ ગામના વ્યક્તિને અડફેટે લેતા તેનું ઘટનાસ્થળે જ કમાટીભર્યું મોત થયું છે. અકસ્માત બાદ કાર ચાલક કાર મુકી ફરાર થઈ ગયો હતો. કારનો નંબર GJ 06 FQ 0051 હોવાની વાત સામે આવી છે. તો બીજી તરફ કરજણ પોલીસે અકસ્માતનો ગુનો નોંધી વધૂ તપાસ હાથ ધરી છે.
ટોપ સ્ટોરી
ટ્રેન્ડિંગ સમાચાર
