Haryana Assembly Elections 2024:રાજકારણમાં એન્ટ્રી બાદ તેમના પહેલા ભાષણમાં જ વિનેશ ફોગાટે કરી આ વાત

Haryana Assembly Elections 2024: કોંગ્રેસ પાર્ટીએ આ વખતે વિનેશ ફોગટને જુલાના સીટથી મેદાને ઉતાર્યા છે. નોંધનિય છે કે, તાજેતરમાં વિનેશ ફોગાટ કોંગ્રેસ પાર્ટીમાં જોડાઈ છે.

વિનેશ ફોગાટે રાહુલ ગાંધીના કર્યો વખાણ

Source : x tweeter

Haryana Assembly Elections 2024: હરિયાણા વિધાનસભા ચૂંટણી 2024ની રણભેરી  વાગી ચૂકી છે.  આ વખતે વિધાનસભા ચૂંટણીમાં કોંગ્રેસે જુલાણા સીટ પરથી વિનેશ ફોગટને ઉતારી છે.  વિનેશ ફોગાટે પણ પોતાનું અભિયાન શરૂ કરી દીધું છે.

 દરમિયાન, તેમણે તેમના સસરાના ઘર બખ્તા ખેડા ખાતે જાહેર સભાને સંબોધી હતી. આ દરમિયાન તેણે કહ્યું હતું કે, તે વિપક્ષના નેતા રાહુલ ગાંધીનું ખૂબ સન્માન કરે છે.

વિનેશ ફોગાટે રાહુલ ગાંધીના વખાણ કરતા આ વાત કહી

બખ્તા ખેડામાં જાહેર સભાને સંબોધિત કરતી વખતે વિનેશ ફોગાટે રાહુલ ગાંધીના વખાણ કર્યા અને કહ્યું, 'હું વિપક્ષના નેતા રાહુલ ગાંધીનું ખૂબ સન્માન કરું છું. મેં જોયું છે કે, તે છેલ્લા બે-ત્રણ વર્ષથી તેઓ  રસ્તા પર જઇને દરેક નાના વ્યક્તિને મળે છે અને  આ દરમિયાન તે દરેક સાથે વાત પણ કરે છે.

 કોંગ્રેસ અધ્યક્ષ મલ્લિકાર્જુન ખડગે સાથેની વાતચીતનો પણ ઉલ્લેખ કર્યો છે.

કોંગ્રેસ અધ્યક્ષ મલ્લિકાર્જુન ખડગે સાથેની વાતચીતનો ઉલ્લેખ કરતાં તેમણે લખ્યું, 'જ્યારે અમે મલ્લિકાર્જુન ખડગે જીને મળવા ગયા તો તેમણે અમને કહ્યું કે, હું  વૃદ્ધ થઈ ગયો છું, હવે  જે કરવાનું છે તમારે કરવું પડશે.' આ દરમિયાન તેણે લોકોનો આભાર માનતા કહ્યું કે, ઓલિમ્પિક પછી હું ભાંગી પડી હતી, પરંતુ અહીંના લોકોનો પ્રેમ જોઈને મને ફરીથી ઉત્સાહનો અનુભવ થયો.

 'લોકોનો ખૂબ  પ્રેમ મેળ્યો'

જુલાના વિધાનસભા મતવિસ્તારના કોંગ્રેસના ઉમેદવાર વિનેશ ફોગાટે કહ્યું, “અમે સારું અનુભવી રહ્યા છીએ, લોકો ખૂબ જ ઉત્સાહિત છે, અમને જે જવાબદારી સોંપવામાં આવી છે, કોંગ્રેસ પાર્ટીએ અમને અહીં ઉમેદવાર તરીકે મોકલ્યા છે, તેથી લોકો અમને પ્રેમ આપી રહ્યા છે અને અમારા લોકો અમારું સમર્થન કરી રહ્યા છે અને લોકોની નજરમાં હું વિજેતા છું, આનાથી વધુ કંઈ ન હોઈ શકે."                                                                        

આ પણ વાંચો