AAPના ધારાસભ્યએ રાજીનામું પરત ખેચ્યું, કાલે અચાનક રાજકારણ છોડવાની કરી હતી જાહેરાત
પંજાબના ખરડથી આમ આદમી પાર્ટીના ધારાસભ્ય અનમોલ ગગન માને ધારાસભ્ય પદેથી પોતાનું રાજીનામું પરત ખેંચી લીધું છે.
પંજાબના ખરડથી આમ આદમી પાર્ટીના ધારાસભ્ય અનમોલ ગગન માને ધારાસભ્ય પદેથી પોતાનું રાજીનામું પરત ખેંચી લીધું છે. પાર્ટીના પંજાબ પ્રમુખ અમન અરોરા આજે તેમને મળ્યા હતા અને ત્યારબાદ તેમણે રાજીનામું પાછું ખેંચવાનો નિર્ણય લીધો છે. હકીકતમાં, શનિવારે (19 જુલાઈ) તેમણે ધારાસભ્ય પદ પરથી રાજીનામું આપ્યું હતું. તેમણે રાજકારણ છોડવાની પણ જાહેરાત કરી હતી.
પાર્ટીના પ્રદેશ પ્રમુખ અમન અરોરાના જણાવ્યા અનુસાર, પાર્ટીએ તેમનું રાજીનામું નકારી કાઢ્યું હતું જેને ધારાસભ્યએ સ્વીકારી લીધું છે અને તેઓ પાર્ટી માટે કામ કરવાનું ચાલુ રાખશે.
Kharar MLA Anmol Gagan Mann has withdrawn her resignation after a meeting with Punjab Party President Aman Arora. Aman Arora shared a post in which he said they met in a family-like atmosphere where she accepted the party’s decision to reject her resignation. They will continue… pic.twitter.com/qI4kthp9Gw
— Gagandeep Singh (@Gagan4344) July 20, 2025
અમન અરોરાએ એક પોસ્ટ શેર કરીને કહ્યું કે તેમની મુલાકાત પારિવારિક વાતાવરણમાં થઈ હતી અને તેમણે પાર્ટીના રાજીનામાને નકારવાના નિર્ણયને સ્વીકાર્યો હતો. તેમણે કહ્યું કે તેઓ પાર્ટી અને પ્રદેશની પ્રગતિ માટે કામ કરવાનું ચાલુ રાખશે અને અનમોલ અરવિંદ કેજરીવાલ અને આમ આદમી પાર્ટી પરિવારનો ભાગ રહ્યા છે અને રહેશે.
2020 માં પાર્ટીમાં જોડાયા
અનમોલ ગગન માન પંજાબ સરકારમાં પર્યટન મંત્રી રહી ચૂક્યા છે. પંજાબી ગાયિકાથી મંત્રી બનવા સુધીની અનમોલ ગગન માનની સફર ખૂબ જ રસપ્રદ છે. તેઓ 2020 માં આમ આદમી પાર્ટીમાં જોડાયા હતા. 2022ની વિધાનસભા ચૂંટણીમાં તેમણે શિરોમણી અકાલી દળના ઉમેદવાર રણજીત સિંહ ગિલને લગભગ 37718 મતોથી હરાવ્યા હતા. તેઓ 2022 ની વિધાનસભા ચૂંટણી જીતનારા સૌથી યુવા નેતાઓમાંના એક છે. અનમોલ ગગન માન પાર્ટીના પ્રચાર ગીતની રચના પણ કરી હતી.
મોડેલિંગ અને ગાયકીમાં નામ બનાવ્યું
અનમોલ ગગન માનનો જન્મ 1990 માં માનસામાં થયો હતો. તેમણે ચંદીગઢમાં અભ્યાસ કર્યો હતો. આ પછી, તેમણે પહેલા મોડેલિંગ અને પછી ગાયનમાં કારકિર્દી બનાવી. ગયા વર્ષે જૂનમાં તેમના લગ્ન એડવોકેટ શાહબાઝ સોહી સાથે થયા હતા.
આમ આદમી પાર્ટીના ખરડથી ધારાસભ્ય અને પૂર્વ મંત્રી અનમોલ ગગન માને ધારાસભ્ય પદેથી રાજીનામું આપતા પોતાના સોશિયલ મીડિયા પર લખ્યું હતું કે તેમનું દિલ ભારે છે પરંતુ તેમણે રાજકારણ છોડવાનો નિર્ણય લીધો છે. અચાનક એક દિવસમાં જ તેમણે પોતાનો નિર્ણય બદલી નાખ્યો છે.
ટોપ સ્ટોરી
ટ્રેન્ડિંગ સમાચાર
