Omicron: મોદી સરકારે ઓમિક્રોનના ખતરા વચ્ચે રાજ્ય સરકારોને શું આપ્યા નિર્દેશ?

કેન્દ્ર સરકારે એવા રાજ્યો કે જ્યાં ભવિષ્યમાં ચૂંટણી યોજાવાની છે તે રાજ્યોને ખાસ નિર્દેશ આપ્યા છે.

ms_corona_pkg

નવી દિલ્હીઃ દેશમાં ઓમિક્રોનના વધતા કેસને ધ્યાનમાં રાખીને કેન્દ્ર  સરકારે રાજ્યો અને કેન્દ્રશાસિત પ્રદેશોને નિર્દેશ આપ્યા છે. કેન્દ્ર સરકારે રાજ્યોને જરૂરી તમામ સાવધાનીઓ રાખવા કહ્યું છે. કોરોનાના વધતા કેસને ધ્યાનમાં રાખીને કેન્દ્રએ રાજ્યોને સલાહ આપી છે કે તેઓ સતર્ક રહે અને સકારાત્મક રીતે મોનિટરિંગ કરે. તે સિવાય જિલ્લામાં નવા કેસ અને ડબલિંગ રેટ પર પણ નજર રાખવામાં આવે.

કેન્દ્ર સરકારે એવા રાજ્યો કે જ્યાં ભવિષ્યમાં ચૂંટણી યોજાવાની છે તે રાજ્યોને ખાસ નિર્દેશ આપ્યા છે. ઓમિક્રોનના ખતરાને જોતા કેન્દ્ર સરકારે રાજ્યોને કહ્યું કે તે કોરોના વેક્સિનેશન પ્રોગ્રામમાં ઝડપ લાવે. ખાસ કરીને એવા જિલ્લામાં જ્યાં ઓછું વેક્સિનેશન થયું છે. કેન્દ્ર સરકારે રાજ્યોને કહ્યું કે તહેવારની સીઝનને જોતા લોકોને એકઠા થવા પર પ્રતિબંધો લગાવવા પર વિચાર કરવામાં આવે.

કન્ટેઇનમેન્ટને લઇને રાજ્યોને નાઇટ કર્ફ્યૂ લગાવવા, મોટી સભાઓ પર પ્રતિબંધો, કન્ટેઇનમેન્ટ ઝોન નોટિફાઇ કરવા અને નવા કોવિડ-19 કલસ્ટરમાં બફર ઝોનને લઇને નિર્દેશ આપ્યા છે.

વેક્સિનેશનને લઇને કેન્દ્ર સરકારે રાજ્યોને 100 ટકા કવરેજ કરવા કહ્યું છે. જે લોકો પ્રથમ અને બીજો ડોઝ લગાવવાને યોગ્ય છે તેને વધારવાની જરૂર છે. ડોર ટુ ડોર વેક્સીનેશનલ મજબૂત કરવામાં આવે. તે સિવાય એવા સ્થળો જ્યાં વેક્સીનેશન કવરેજ નેશનલ એવરેજથી ઓછું હોય ત્યાં વધારવાની જરૂર છે.