દિલ્હીમાં કોરોનાના કેસમાં સતત થઇ રહ્યો છે ઘટાડો, છેલ્લા 24 કલાકમાં 1000થી પણ ઓછા નોંધાયા કેસ

રાજધાની દિલ્હીમાં છેલ્લા 24 કલાકમાં કોરોનાના નવા કેસમાં ઘટાડો નોંધાયો છે. જોકે, એક દર્દીનું પણ મોત થયું હતું

પ્રતિકાત્મક તસવીર

નવી દિલ્હીઃ રાજધાની દિલ્હીમાં છેલ્લા 24 કલાકમાં કોરોનાના નવા કેસમાં ઘટાડો નોંધાયો છે. જોકે, એક દર્દીનું પણ મોત થયું હતું. છેલ્લા 24 કલાકમાં 1238 સંક્રમિત દર્દીઓ સ્વસ્થ થયા છે. રાહતની વાત એ છે કે આ દરમિયાન કોરોનાના સંક્રમણ દરમાં ઘટાડો નોંધાયો છે.

Delhi reports 970 new Covid19 cases today; Active cases at 5,202 pic.twitter.com/8JMS6mjftq

— ANI (@ANI) May 11, 2022

બુધવારે દિલ્હીમાં કોરોનાના 970 નવા કેસ નોંધાયા હતા. દરમિયાન કોરોનાનો સંક્રમણ દર 3.4 ટકા નોંધાયો હતો, જે 10 મેના રોજ 4.3 ટકા નોંધાયો હતો. દિલ્હીમાં હાલમાં કુલ 5202 એક્ટિવ કેસ છે, જેમાંથી 161 દર્દીઓ હોસ્પિટલમાં દાખલ છે અને 4071 દર્દીઓ હોમ આઇસોલેશનમાં છે.

નોંધનીય છે કે મંગળવારે દિલ્હીમાં કોરોનાના 1118 નવા કેસ નોંધાયા હતા અને કોરોનાનો સંક્રમણ દર 4.3 ટકા હતો. કોરોના ટેસ્ટિંગની વાત કરીએ તો આ સમયગાળા દરમિયાન કુલ 29,037 ટેસ્ટ કરવામાં આવ્યા છે. તેમાંથી 19,740 RT-PCR અને 9,297 રેપિડ એન્ટિજેન ટેસ્ટ દ્વારા કરવામાં આવ્યા છે. છેલ્લા 24 કલાકમાં દિલ્હીમાં કુલ 31,011 રસીના ડોઝ આપવામાં આવ્યા છે. ઉપરાંત, 15-17 વર્ષની વયના બાળકોને 1,305 ડોઝ પણ આપવામાં આવ્યા છે.

દિલ્હીમાં 5,202 એક્ટિવ કેસ

દિલ્હીમાં અત્યાર સુધીમાં કુલ 18,97,141 કોરોના કેસ નોંધાયા છે. જેમાંથી 18,65,755 દર્દીઓ સ્વસ્થ થયા છે. જ્યારે 26,184 દર્દીઓના મોત થયા છે. હાલમાં દિલ્હીમાં 5,202 એક્ટિવ કેસ છે. દિલ્હીમાં કન્ટેનમેન્ટ ઝોનની વાત કરીએ તો તે વધીને 1,882 થઈ ગયા છે.