Jharkhand News: ઝારખંડમાં નવાજૂનીના એંધાણ, ધારાસભ્યો સાથે ચંપાઈ સોરેનના દિલ્હીમાં ધામા, બીજેપીમાં જોડાવાની અટકળો તેજ
Jharkhand News: ઝારખંડના પૂર્વ મુખ્યમંત્રી ચંપાઈ સોરેન અને ભાજપ વચ્ચે વાતચીત ચાલી રહી છે. આ દરમિયાન આજે સોરેન દિલ્હી પહોંચી ગયા છે. સૂત્રોના જણાવ્યા અનુસાર તેઓ અહીં અમિત શાહ અને જેપી નડ્ડા સાથે મુલાકાત કરી શકે છે.
Jharkhand News: ઝારખંડમાં વિધાનસભા ચૂંટણી પહેલા અહીં રાજકીય ગતિવિધિઓ જોરશોરથી જોવા મળી રહી છે. ચંપાઈ સોરેન આજે (18 ઓગસ્ટ) કોલકાતાથી દિલ્હી પહોંચી ગયા છે. ચંપાઈ સોરેન અને ભાજપ વચ્ચે વાતચીત ચાલી રહી છે. જેએમએમના સમીર મોહંતી, લોબીન હેમબ્રમ અને રામ દાસ સોરેન એ ત્રણ ધારાસભ્યો ચંપાઈના સંપર્કમાં છે, જેમની સાથે ચંપાઈ સોરેન ભાજપમાં જોડાઈ શકે છે.
Former Jharkhand Chief Minister Champai Soren arrived in Kolkata late last night and checked into the Park Hotel. He met with BJP leaders late at night and is scheduled to depart for Delhi in the morning on Air India Flight 0769.
— IANS (@ians_india) August 18, 2024
In Delhi, he is expected to meet with senior BJP… pic.twitter.com/PGP35iF9lX
શનિવારે ઝારખંડની રાજધાની રાંચીમાં પત્રકારો સાથે વાત કરતી વખતે, ચંપાઈ સોરેને ભાજપમાં જોડાવાની અટકળો પર કહ્યું હતું કે હું જ્યાં હતો ત્યાં જ છું. આ અંગે તેમણે કોઈ સ્પષ્ટ જવાબ ન આપ્યો પરંતુ તેઓ રવિવારે સવારે દિલ્હી પહોંચી ગયા છે.
ચંપાઈએ પત્રકારોના સવાલોના જવાબમાં કહ્યું હતું કે, અમે જ્યાં છીએ ત્યાં છીએ. બધાને પછી કહીશ. અમને ખબર નથી કે શું સમાચાર ફેલાય રહ્યા છે. અમને ખબર નથી કે તે ક્યાં જઈ રહ્યા છીએ કે નહીં. તો બીજી તરફ ધારાસભ્ય લોબિન હેમ્બ્રમ ચંપાઈ સોરેનને મળ્યા હતા, શું આ બેઠકમાં ભાજપમાં જોડાવાની કોઈ ચર્ચા થઈ હતી? આના જવાબમાં ચંપાઈએ કહ્યું હતું કે, લોબીન સાથે પણ એવું જ થયું જે સામાન્ય રીતે થાય છે. ભાજપ વિશે કોઈ વાત થઈ નથી.
CM પદ પરથી હટાવવાથી ચંપાઈ: નારાજ?
તમને જણાવી દઈએ કે જ્યારે 31 જાન્યુઆરીએ ED દ્વારા હેમંત સોરેનની ધરપકડ કરવામાં આવી હતી, ત્યારે તેમણે સીએમ પદ પરથી રાજીનામું આપી દીધું હતું અને કમાન ચંપાઈ સોરેનને સોંપવામાં આવી હતી, પરંતુ જૂનમાં જ્યારે હેમંત જામીન પર બહાર આવ્યા હતા, ત્યારે હેમંતે ફરી પોતાની હાથમાં સત્તાની કમાન સંભાળી હતી. એવું માનવામાં આવે છે કે ચંપાઈ સોરેન આ નિર્ણયથી ખુશ નથી. ત્યારથી તેમના જેએમએમ છોડવાની અટકળો ચાલી રહી છે.
ભાજપે ચંપાઈ પર આ વાત કહી હતી
જેએમએમના નેતાઓના સંપર્કમાં હોવાના મામલે આસામના સીએમ હિમંતા બિસ્વા સરમાએ કહ્યું હતું કે ભાજપના કોઈ નેતાએ સંપર્ક કર્યો નથી. અને ચંપાઈ સોરેન વરિષ્ઠ રાજકારણી છે. તેના વિશે કોઈ નિવેદન આપવા માંગતો નથી.
આ પણ વાંચો...
Nuclear Weapon: ભારતના પરમાણુ હથિયારો વિશેની માહિતી લીક! જાણો યોગના ફોટો સાથે શું છે કનેક્શન
ટ્રેન્ડિંગ સમાચાર
ટોપ સ્ટોરી
