Himachal Pradesh: કુલ્લૂ-મનાલીમાં વરસાદનું રૌદ્ર સ્વરુપ, તબાહીના આ VIDEO જોઈ હચમચી જશો
હિમાચલ પ્રદેશના કુલ્લુમાં સતત ભારે વરસાદને કારણે પરિસ્થિતિ ખૂબ જ ગંભીર બની ગઈ છે. બિયાસ નદીમાં આવેલા પૂરથી અહીંના ઘણા વિસ્તારો પ્રભાવિત થયા છે.
હિમાચલ પ્રદેશના કુલ્લુમાં સતત ભારે વરસાદને કારણે પરિસ્થિતિ ખૂબ જ ગંભીર બની ગઈ છે. બિયાસ નદીમાં આવેલા પૂરથી અહીંના ઘણા વિસ્તારો પ્રભાવિત થયા છે. કુલ્લુ-મનાલી NH3 નો લગભગ 3 કિમી ભાગ ધોવાઈ ગયો છે. નદીની દિશા હવે NH તરફ વળી ગઈ છે, મનાલીના બહાંગ વિસ્તારમાં વધુ એક બે માળની ઇમારત પાણીમાં ધોવાઈ ગઈ હતી.
સતત ભૂસ્ખલનને કારણે પરિસ્થિતિ વધુ ખરાબ થઈ રહી છે. વહેલી સવારે અહીં 2 રેસ્ટોરન્ટ અને 2 દુકાનો પણ ધરાશાયી થઈ હતી. હવે બિયાસ નદીના વધતા પાણીના સ્તરને કારણે વધુ એક બે માળની ઇમારત ધરાશાયી થઈ ગઈ.
#WATCH | Kullu, Himachal Pradesh | Continuous rain in Kullu results in high water levels in the rivers. The roads are damaged, and the connectivity along the highways is affected at National Highway 3 pic.twitter.com/VtEMpoZISe
— ANI (@ANI) August 26, 2025
દવાડા નજીક બિયાસ નદી પર બનેલો ફૂટ બ્રિજ પણ નદીના જોરદાર મોજામાં ડૂબી ગયો. પાણીના સ્તરમાં વધારો થવાને કારણે પાણી પુલ સુધી પહોંચ્યું અને થોડી જ વારમાં આખો ફૂટ બ્રિજ તૂટી પડ્યો.
#WATCH | Mandi, Himachal Pradesh | Drone visuals of the Beas River. The water level is on the rise due to incessant rainfall.
— ANI (@ANI) August 26, 2025
The IMD has issued a Red Alert for Chamba, Kangra and Mandi for two days pic.twitter.com/LxRNfEGNz1
બિયાસ નદીનું પાણી હવે હાઇવે પર પહોંચી ગયું છે. દવાડા નજીક નેશનલ હાઇવેનો મોટો ભાગ પણ ધોવાઈ ગયો છે. વહીવટીતંત્રનું કહેવું છે કે નદીના પાણીના સ્તરમાં આ વધારો લાર્જી પાવર હાઉસ માટે પણ ખતરો ઉભો કરી રહ્યો છે. વર્ષ 2023 માં પણ અહીં આવી જ પરિસ્થિતિ ઉભી થઈ હતી, જ્યારે પાવર હાઉસને ભારે નુકસાન સહન કરવું પડ્યું હતું. આ વખતે પણ ભય યથાવત છે.
मनाली में व्यास नदी का कहर हाईवे बहा ले गई उफनती लहरें लगातार भारी बारिश से कुल्लू मनाली राष्ट्रीय राजमार्ग पतली कुल से आगे वाहनों की आवाजाही के लिए बंद है pic.twitter.com/AkUzi5bGWY
— Adv Rambadur Sagar (@advRambadur) August 26, 2025
બિયાસ નદીના વધતા પાણીના સ્તરને ધ્યાનમાં રાખીને, BBMB (ભાખડા બિયાસ મેનેજમેન્ટ બોર્ડ) એ પંડોહ ડેમના પાંચેય દરવાજા ખોલી નાખ્યા છે. ડેમમાંથી લગભગ 90 હજાર ક્યુસેક પાણી છોડવામાં આવી રહ્યું છે. પાણીમાં કાંપનું પ્રમાણ વધુ હોવાથી બગ્ગી ટનલમાં જતો પુરવઠો બંધ કરવો પડ્યો છે, જેના કારણે વીજ ઉત્પાદન પણ બંધ થઈ ગયું છે. BBMB એ જણાવ્યું હતું કે બિયાસ નદીમાં જે પણ પાણી આવી રહ્યું છે, તેને સીધું નદીમાં છોડવામાં આવી રહ્યું છે. પાણીના પ્રવાહને ધ્યાનમાં રાખીને, ડેમને ફ્લશિંગનું કરવાનું કામ પણ શરૂ કરવામાં આવ્યું છે.
ટોપ સ્ટોરી
ટ્રેન્ડિંગ સમાચાર
