Maharashtra Corona Cases: મહારાષ્ટ્રમાં કોરોનાના કેસમાં સતત ઘટાડો, મુંબઈમાં આજે 643 નવા કેસ

મહારાષ્ટ્રમાં કોરોના વાયરસના નવા કેસમાં સતત ઘટાડો થઈ રહ્યો છે. શનિવારે રાજ્યમાં 11 હજાર 394 નવા કેસ સામે આવ્યા છે, જે એક દિવસ પહેલા આવેલા કેસો કરતા 2 હજાર 446 ઓછા છે.

Maharashtra Corona Cases: મહારાષ્ટ્રમાં કોરોના વાયરસના નવા કેસમાં સતત ઘટાડો થઈ રહ્યો છે. શનિવારે રાજ્યમાં 11 હજાર 394 નવા કેસ સામે આવ્યા છે, જે એક દિવસ પહેલા આવેલા કેસો કરતા 2 હજાર 446 ઓછા છે. આ દરમિયાન મહારાષ્ટ્રમાં કોરોનાના કારણે 68 લોકોના મોત થયા હતા, જેમાંથી પુણે ડિવિઝનમાં 28 લોકોના મોત થયા હતા.

રાજ્યના આરોગ્ય વિભાગે જણાવ્યું કે, ગુરુવારે નોંધાયેલા કેસ કરતાં શુક્રવારે ચેપના દૈનિક કેસોની સંખ્યા 1 હજાર 412 ઓછી હતી. મહારાષ્ટ્રમાં હવે કોરોના વાયરસના કેસ વધીને 77 લાખ 94 હજાર 34 થઈ ગયા છે અને આ રોગથી મૃત્યુઆંક વધીને 1 લાખ 43 હજાર 8 થઈ ગયો છે. છેલ્લા 24 કલાકમાં રાજ્યની હોસ્પિટલોમાંથી કુલ 21 હજાર 677 દર્દીઓને રજા આપવામાં આવી છે, જેના કારણે આ રોગમાંથી સાજા થનારા લોકોની સંખ્યા વધીને 75 લાખ 13 હજાર 436 થઈ ગઈ છે. રાજ્યમાં હાલમાં કોરોનાના 1 લાખ 33 હજાર 655 સક્રિય કેસ છે.

મહારાષ્ટ્રમાં શનિવારે ઓમિક્રોન વેરિઅન્ટનો કોઈ નવો કેસ નોંધાયો નથી. પુણે શહેરમાં ચેપના 1 હજાર 494 કેસ નોંધાયા છે. આ પછી નાગપુરમાં 764, પિંપરી-ચિંચવડમાં 778 અને મુંબઈમાં 643 હતા. મહારાષ્ટ્રમાં લોકોના સાજા થવાનો દર 96.4 ટકા અને મૃત્યુ દર 1.83 ટકા નોંધાયો હતો.

ગુજરાતમાં કોરોના કેસ

ગુજરાતમાં કોરોનાના કેસમાં આજે સામાન્ય ઘટાડો થયો છે.  આજે રાજ્યમાં છેલ્લા 24 કલાકમાં કોરોના વાયરસના નવા 4710  કેસ નોંધાયા છે.  આ સાથે રાજ્યમાં કોરોનાના કુલ એક્ટિવ કેસનો આંકડો 51013 પર પહોંચી ગયો છે. રાજ્યમાં 236 લોકો વેન્ટીલેટર પર છે. 50777 લોકો સ્ટેબલ છે. અત્યાર સુધીમાં રાજ્યમાં 1134683 લોકોએ કોરોનાને મ્હાત આપી છે. રાજ્યમાં અત્યાર સુધીમાં કોરોના સંક્રમણથી 10648 લોકોના મોત થયા છે. રાજ્યમાં આજે સંક્રમણથી 34 લોકોના મોત થયા છે.

બીજી તરફ આજે 11184 દર્દીઓ રિકવર પણ થયા છે. તો બીજી તરફ કોરોનાનો રિકવરી રેટ પણ 94.85 ટકાએ પહોંચ્યો છે. રાજ્યમાં કોરોના સંક્રમણથી આજે  34 મોત થયા. આજે 2,71,887 લોકોનું રસીકરણ કરવામાં આવ્યું છે.

ગુજરાતમાં છેલ્લા 24 કલાકમાં સામે આવેલા આંકડા પ્રમાણે અમદાવાદ કોર્પોરેશનમાં 1451, વડોદરા કોર્પોરેશનમાં 781, ગાંધીનગર કોર્પોરેશનમાં 242, વડોદરા 231,   સુરત કોર્પોરેશનમાં 174,  સુરત 165, મહેસાણા 147, બનાસકાંઠા 144, રાજકોટ કોર્પોરેશન 137, ખેડા 115, આણંદ 114, ગાંધીનગર 105, કચ્છ 96, રાજકોટ 89,  પાટણ 74, ભરુચ 54, મોરબી 53, જામનગર કોર્પોરેશન 51, પંચમહાલ 50, તાપી 45, સાબરકાંઠા 42, નવસારી 39, ભાવનગર કોર્પોરેશન 36, અમદાવાદ 33,  ડાંગ 24, વલસાડ 23, જામનગર 22, છોટા ઉદેપુર 20, દેવભૂમિ દ્વારકા 20, ભાવનગર 19, અરવલ્લી 18, દાહોદ 16, ગીર સોમનાથ 16, મહીસાગર 15, સુરેન્દ્રનગર 15, અમરેલી 9, જૂનાગઢ કોર્પોરેશન 8, નર્મદા 7, જૂનાગઢ 5, પોરબંદર 4 અને બોટાદમાં 1  કેસ નોંધાયો છે.