‘જો ભારતમાં હિન્દુ બહુમતી ન હોત તો...’ આ મુસ્લિમ નેતાએ પણ મોહન ભાગવતના નિવેદનનું સમર્નથ કર્યું
Mukhtar Abbas Naqvi: મુખ્તાર અબ્બાસ નકવીએ RSS વડાના નિવેદનનો બચાવ કરતા કહ્યું હતું કે, ભારતની ઓળખ તેની વિવિધતામાં એકતા છે.
Mukhtar Abbas Naqvi: રાષ્ટ્રીય સ્વયંસેવક સંઘ (RSS) ના સરસંઘચાલક મોહન ભાગવતના 'હિન્દુ રાષ્ટ્ર' વાળા નિવેદન પર રાજકીય ગરમાવો આવ્યો છે. હવે ભાજપના (BJP) વરિષ્ઠ નેતા મુખ્તાર અબ્બાસ નકવીએ ભાગવતનું ખુલ્લું સમર્થન કર્યું છે. તેમણે દાવો કર્યો કે જો ભારતમાં હિન્દુઓની બહુમતી ન હોત, તો ધર્મનિરપેક્ષતા (Secularism) ની કલ્પના કરવી પણ મુશ્કેલ હતી. આ સાથે જ તેમણે રાહુલ ગાંધી, મમતા બેનર્જી અને બાંગ્લાદેશના મુદ્દે પણ આકરા પ્રહારો કર્યા છે.
હિન્દુ બહુમતી અને ભારતની સનાતન સંસ્કૃતિ
મુખ્તાર અબ્બાસ નકવીએ RSS વડાના નિવેદનનો બચાવ કરતા કહ્યું હતું કે, ભારતની ઓળખ તેની વિવિધતામાં એકતા છે. દેશની સનાતન સંસ્કૃતિના (Sanatan Culture) કારણે જ આજે ભારત વિશ્વમાં ધર્મનિરપેક્ષતાનું ઉદાહરણ છે. તેમણે ભારપૂર્વક કહ્યું કે, "આ દેશમાં હિન્દુ બહુમતી (Hindu Majority) છે, તેના કારણે જ સેક્યુલરિઝમ સુરક્ષિત છે. જો આવું ન હોત, તો સેક્યુલરિઝમની કલ્પના પણ થઈ શકી ન હોત." તેમણે ઉમેર્યું કે આપણે બધા સાથે મળીને કામ કરીએ છીએ તે જ ભારતની સાચી તાકાત છે.
રાહુલ ગાંધી અને કોંગ્રેસ પર કટાક્ષ
કેન્દ્રીય ગૃહમંત્રી (Home Minister) અમિત શાહના નિવેદનનો ઉલ્લેખ કરતા નકવીએ કહ્યું કે રાહુલ ગાંધી પાસે રાજકીય રીતે ગુમાવવા માટે હજુ ઘણું બાકી છે. તેમણે કટાક્ષ કર્યો કે રાહુલ ગાંધી અને કોંગ્રેસ (Congress) ના નેતાઓ જેટલો વધુ હોબાળો કરે છે, પ્રજા તેમને એટલો જ જાકારો આપે છે. કોંગ્રેસનો ઇતિહાસ રહ્યો છે કે જ્યારે પણ તે સત્તાથી બહાર જાય છે ત્યારે તે તૂટી જાય છે અને વિખેરાઈ જાય છે.
મમતા બેનર્જીની 'ટેમ્પલ પોલિટિક્સ'
પશ્ચિમ બંગાળના (West Bengal) મુખ્યમંત્રી મમતા બેનર્જી પર નિશાન સાધતા તેમણે કહ્યું કે દીદી પોતાની જ જાળમાં ફસાઈ ગયા છે. પહેલા તેમણે મુસ્લિમ વોટબેંક માટે બાબરી મસ્જિદનો રાગ આલાપ્યો, પણ જ્યારે બાબરના નામથી ફાયદો ન થયો ત્યારે હવે મંદિરો બનાવવાની વાત કરી રહ્યા છે. નકવીએ કહ્યું કે મમતા બેનર્જીની આ રાજકીય ચાલાકી તેમને જ ભારે પડશે.
બાંગ્લાદેશ અને 'જલ્લાદ-જેહાદી' તત્વો
પડોશી દેશ બાંગ્લાદેશની (Bangladesh) વર્તમાન સ્થિતિ પર ચિંતા વ્યક્ત કરતા ભાજપ નેતાએ કહ્યું કે, હાલમાં બાંગ્લાદેશ "જલ્લાદ અને જેહાદી" (Jihadi) તત્વો દ્વારા હાઈજેક થઈ ચૂક્યું છે. ત્યાં જે કંઈ પણ થઈ રહ્યું છે તે કોઈ પણ રાષ્ટ્ર માટે યોગ્ય નથી. તેમણે ખાતરી આપી કે ભારત સરકાર આ મામલે અત્યંત સંવેદનશીલ છે અને પરિસ્થિતિ પર નજર રાખી રહી છે. દિગ્વિજય સિંહ અને અન્ય નેતાઓ દ્વારા RSS પર કરાતી ટીકાઓનો જવાબ આપતા તેમણે કોંગ્રેસની સરખામણી કોસી નદી સાથે કરી જે માત્ર સંઘને શાપ આપવાનું કામ કરે છે.
ટોપ સ્ટોરી
ટ્રેન્ડિંગ સમાચાર
