'આઝાદી પછી અત્યાર સુધીનો સૌથી મોટો નિર્ણય', GST સુધારા પર બોલ્યા PM મોદી 

પ્રધાનમંત્રી નરેન્દ્ર મોદીએ GST સુધારાઓ પર કહ્યું કે આ આઝાદી પછી અત્યાર સુધીનો સૌથી મોટો નિર્ણય છે.  રાષ્ટ્રીય પુરસ્કાર વિજેતા શિક્ષકો સાથેના એક કાર્યક્રમ દરમિયાન તેમણે GST સુધારાનો ઉલ્લેખ કર્યો હતો.

પ્રધાનમંત્રી મોદી

Source : ANI

નવી દિલ્હી: પ્રધાનમંત્રી નરેન્દ્ર મોદીએ GST સુધારાઓ પર કહ્યું કે આ આઝાદી પછી અત્યાર સુધીનો સૌથી મોટો નિર્ણય છે.  રાષ્ટ્રીય પુરસ્કાર વિજેતા શિક્ષકો સાથેના એક કાર્યક્રમ દરમિયાન તેમણે GST સુધારાનો ઉલ્લેખ કર્યો હતો. તેમણે કહ્યું- 'સમય પર બદલવા વગર, આપણે આજની વૈશ્વિક પરિસ્થિતિઓમાં આપણા દેશને તેનું યોગ્ય સ્થાન આપી શકતા નથી. આ વખતે 15 ઓગસ્ટના રોજ મેં લાલ કિલ્લા પરથી કહ્યું હતું કે ભારતને આત્મનિર્ભર બનાવવા માટે સુધારા જરૂરી છે. મેં દેશવાસીઓને વચન પણ આપ્યું હતું કે આ દિવાળી અને છઠ પૂજા પહેલા ખુશીઓનો ડબલ ધમાકો થશે.'

નવરાત્રિના પહેલા દિવસથી નવા દરો લાગુ કરવામાં આવશે - PM મોદી

PM મોદીએ કહ્યું કે હવે GST વધુ સરળ થઈ ગયું છે. GSTના મુખ્યત્વે બે દર રહ્યા છે, 5 ટકા અને 18 ટકા. PM મોદીએ કહ્યું કે 22 સપ્ટેમ્બરથી. સોમવાર, એટલે કે નવરાત્રિના પહેલા દિવસથી GSTના નવા દરો લાગુ કરવામાં આવશે. તેમણે કહ્યું કે 21મી સદીમાં આગળ વધતા ભારતમાં GSTમાં પણ આગામી પેઢીના સુધારા કરવામાં આવ્યા છે. GST-2 એ દેશ માટે સપોર્ટ અને ગ્રોથનો ડબલ ડોઝ છે.

#WATCH | Delhi | On #GSTReforms, Prime Minister Narendra Modi says, "... Now GST has become even simpler... On 22 September, which is the first day of Navratri, the next gen reform will be implemented as all these things are definitely related to the 'Matrishakti'."

(Source: DD… pic.twitter.com/EEx6Ssmx5i

— ANI (@ANI) September 4, 2025

અર્થતંત્રમાં પંચરત્ન ઉમેરાયા - પીએમ મોદી

પીએમ મોદીએ કહ્યું કે GSTમાં સુધારાઓથી ભારતના અર્થતંત્રમાં પંચરત્ન જોડાયા છે. પ્રથમ, કર વ્યવસ્થા ઘણી સરળ બની છે. બીજું, ભારતના નાગરિકોના જીવનની ગુણવત્તામાં વધુ સુધારો થશે. ત્રીજું consumption અને growth  બંનેને એક નવું બુસ્ટર મળશે. ચોથું ઈઝ ઓફ ડૂઈંગ  વ્યવસાયથી રોકાણ અને  રોજગારને વેગ મળશે. પાંચમું, વિકસિત ભારત માટે cooperative federalism  વધુ મજબૂત બનશે.

GST દરોમાં મોટી રાહત

કેન્દ્ર સરકારે સામાન્ય માણસ અને મધ્યમ વર્ગ માટે GST દરોમાં મોટી રાહત આપી છે. નાણામંત્રી નિર્મલા સીતારમણે બુધવારે (03 સપ્ટેમ્બર) જણાવ્યું હતું કે ઘણી રોજિંદા વસ્તુઓ પર GST દર 18% અથવા 12% થી ઘટાડીને 5% કરવામાં આવ્યો છે. એટલે કે હવે 12% અને 28% દરના સ્લેબ નાબૂદ કરવામાં આવ્યા છે. સરકાર દ્વારા આ ખૂબ જ મોટી જાહેરાત કરવામાં આવી છે.