Seema Haider: સીમાના ભારતમાં પ્રવેશને લઇને કાર્યવાહી, નેપાલ બોર્ડર પર તૈનાત SSBના બે જવાન સસ્પેન્ડ

નેપાળ થઇને ગેરકાયદેસર રીતે ભારતમાં પ્રવેશેલી પાકિસ્તાની મહિલા સીમા હૈદરના મામલામાં મોટી કાર્યવાહી કરવામાં આવી છે

સીમા-સચિન

નેપાળ દ્વારા ગેરકાયદેસર રીતે ભારતમાં પ્રવેશેલી પાકિસ્તાની મહિલા સીમા હૈદરના મામલામાં મોટી કાર્યવાહી કરવામાં આવી છે. ભારત-નેપાળ સરહદ પર સુરક્ષામાં તૈનાત એક SSB ઈન્સ્પેક્ટર અને એક જવાનને સસ્પેન્ડ કરવામાં આવ્યા છે. બંને સામે ફરજમાં બેદરકારી દાખવવા બદલ કાર્યવાહી કરવામાં આવી છે. તપાસમાં SSB એ બંન્નેને દોષિત ગણાવ્યા હતા.  સીમા તેના ચાર બાળકો સાથે નેપાળ બોર્ડર ઓળંગીને આ રસ્તેથી ભારતમાં પ્રવેશી અને પછી ગ્રેટર નોઈડા પહોંચી હતી.

UPDATE: The SSB, which guards the India-Nepal border, has suspended an inspector and a jawan for alleged dereliction of duty in checking the bus in which Pakistani national Seema Haider entered the country.

READ: https://t.co/oQ8TopyZNK

— Press Trust of India (@PTI_News) August 3, 2023

એજન્સીના સમાચાર મુજબ સશસ્ત્ર સીમા દળ (SSB)ની 43મી બટાલિયનના ઈન્સ્પેક્ટર સુજીત કુમાર વર્મા અને હેડ કોન્સ્ટેબલ ચંદ્ર કમલ કલિતાને સસ્પેન્ડ કરવામાં આવ્યા છે. કારણ કે, 13 મેના રોજ ઉત્તર પ્રદેશના સરહદી જિલ્લા સિદ્ધાર્થ નગરમાં આ બંન્ને દ્વારા પેસેન્જર વાહનની તપાસ કરવામાં આવી હતી, જેમાં સીમા તેના ચાર બાળકો સાથે મુસાફરી કરી રહી હતી.

સૂત્રોના જણાવ્યા અનુસાર સીમા હૈદર કેસની સંપૂર્ણ તપાસ થાય ત્યાં સુધી SSB ઈન્સ્પેક્ટર અને જવાનને સસ્પેન્ડ કરવામાં આવ્યા છે. તેની સામે કોર્ટ ઑફ ઇન્ક્વાયરી પ્રક્રિયા શરૂ થશે અને તે દિવસે (13 મે) ફરજ પરના અન્ય કર્મચારીઓની ભૂમિકા સિવાય, પ્રારંભિક તપાસ દરમિયાન આવરી લેવામાં ન આવતા ઘટનાના તમામ પાસાઓની હવે તપાસ કરવામાં આવશે.

સૂત્રોનું એમ પણ કહેવું છે કે સીમા હૈદરની ધરપકડના સમાચાર આવ્યા બાદ એસએસબીએ વિભાગીય તપાસ શરૂ કરી હતી. જો કે, એસએસબીના અધિકારીઓએ આ અંગે કોઈ ટિપ્પણી કરી નથી.

PHOTO | India-Nepal border guarding force SSB has suspended a jawan, pending final inquiry, for alleged dereliction of duty in properly checking a passenger bus through which Pakistani national Seema Haider entered into the country and reached Greater Noida near Delhi, official… pic.twitter.com/L1kMuquCjl

— Press Trust of India (@PTI_News) August 3, 2023

તમામની તપાસ કરવી સરળ નથીઃ સૂત્રો

સૂત્રોએ એમ પણ કહ્યું છે કે નેપાળથી ભારતમાં પ્રવેશતા દરેક વ્યક્તિની ઓળખ તપાસવી અને શોધવી "માનવીય રીતે અશક્ય" છે કારણ કે તે ખુલ્લી સરહદ છે અને બંને દેશોના નાગરિકો વિઝા વિના મુસાફરી કરી શકે છે.

તેમણે કહ્યું કે કોઈપણ ત્રીજા દેશના નાગરિકોને માન્ય વિઝા અને મુસાફરી દસ્તાવેજો વિના આ સરહદ પાર કરવાની મંજૂરી નથી, પરંતુ ભારતના પડોશી દેશોના લોકોના કિસ્સામાં સમાન શારીરિક દેખાવ અને વર્તનને કારણે તેને ઓળખવા ખૂબ મુશ્કેલ હોઈ શકે છે. કોણ ક્યાંથી છે તે જાણી શકાય નહી.

સીમા હૈદર નેપાળ થઈને ભારતના નોઈડા પહોંચી હતી

ઉલ્લેખનીય છે કે, પાકિસ્તાનના સિંધ પ્રાંતની રહેવાસી સીમા હૈદર તેના ચાર બાળકો સાથે ગૌતમ બુદ્ધ નગર જિલ્લાના ગ્રેટર નોઈડાના રબુપુરા વિસ્તારમાં ભારતીય પ્રેમી સચિન મીના પાસે પહોંચી હતી. જે બાદ મામલો ગરમાયો હતો. ભારતમાં ગેરકાયદેસર રીતે પ્રવેશ કરવા બદલ સીમાની 4 જુલાઈના રોજ ધરપકડ કરવામાં આવી હતી. ઉપરાંત, સચિન મીનાને ગેરકાયદેસર વસાહતીઓ (સીમા હૈદર અને તેના બાળકોને) આશ્રય આપવા બદલ જેલમાં મોકલવામાં આવ્યો હતો.

જોકે, 7 જુલાઈના રોજ સ્થાનિક કોર્ટે બંનેને જામીન આપ્યા હતા અને ત્યારથી બંને રબુપુરામાં ભાડાના મકાનમાં સાથે રહે છે. સીમા કહે છે કે તે પાકિસ્તાન પરત જવા માંગતી નથી અને સચિન સાથે રહેવા માંગે છે. તેમણે સનાતન ધર્મ પણ અપનાવ્યો છે.

સીમાને ચૂંટણી લડવાની ઓફર મળી

સીમા હૈદરને રિપબ્લિકન પાર્ટી ઓફ ઈન્ડિયા (RPI), એનડીએના સહયોગી અને કેન્દ્રીય મંત્રી રામદાસ અઠ્ઠાવલેને પાર્ટીમાં જોડાવા માટે આમંત્રણ આપવામાં આવ્યું છે. કહેવામાં આવી રહ્યું છે કે સીમા હૈદરે પણ આરપીઆઈનું આમંત્રણ સ્વીકાર્યું છે. પાર્ટીના અધિકારીઓનો દાવો છે કે સીમાને પાર્ટીની મહિલા પાંખની અધ્યક્ષ બનાવવામાં આવશે. આ સાથે તેમની બોલવાની શૈલીને ધ્યાનમાં લઈને પાર્ટીના પ્રવક્તા પણ બનાવવામાં આવશે. પાર્ટીએ પણ સીમા હૈદરને રિપબ્લિકન પાર્ટી ઓફ ઈન્ડિયાના ચિહ્ન પર ચૂંટણી લડવાની વાત કરી છે. હવે બસ પાર્ટી સુરક્ષા એજન્સીઓની તપાસમાં સીમાને ક્લીનચીટ મળે તેની રાહ જોઈ રહી છે.