Sirmour News: ગર્લ્સ હોસ્ટેલના વોશરૂમમાં સફાઈ કર્મચારીએ બનાવ્યો વીડિયો; રોષે ભરાયેલી વિદ્યાર્થિનીઓ ચખાડ્યો મેથીપાક

Himachal Pradesh News: સિરમોરમાં આવેલી એટરનલ યુનિવર્સિટીના ગર્લ્સ હોસ્ટેલમાં એક શરમજનક ઘટના પ્રકાશમાં આવી છે, જ્યાં એક સફાઈ કર્મચારી મહિલા વિદ્યાર્થીઓનો વીડિયો બનાવતા ઝડપાઈ ગયો છે. વિદ્યાર્થીઓએ આરોપી ચેચન સાહુને પકડીને પોલીસને સોંપી દીધો.

ગર્લ્સ હોસ્ટેલમાં વિવાદ

Source : Prakarm Chand

Show Quick Read

Key points generated by AI, verified by newsroom

• યુનિવર્સિટી હોસ્ટેલમાં સફાઈ કર્મચારી વિદ્યાર્થીનીઓના વીડિયો બનાવતો ઝડપાયો.
• વિદ્યાર્થીનીઓએ આરોપીને પકડી, માર મારી પોલીસને સોંપ્યો.
• યુનિવર્સિટી મેનેજમેન્ટ પર મામલો દબાવવાનો પ્રયાસનો આરોપ.
• પોલીસે આરોપીની ધરપકડ કરી, ફોરેન્સિક તપાસ શરૂ કરી.

Himachal Pradesh News: હિમાચલ પ્રદેશના સિરમૌર જિલ્લાના નાહન (બડૂ સાહિબ) સ્થિત એટર્નલ યુનિવર્સિટી (Eternal University) માંથી સુરક્ષામાં અત્યંત શરમજનક અને ગંભીર ખામીનો મામલો સામે આવ્યો છે. અહીં ગર્લ્સ હોસ્ટેલના વોશરૂમમાં એક સફાઈ કર્મચારી દ્વારા કથિત રીતે વિદ્યાર્થીનીઓનો વીડિયો રેકોર્ડ કરવાની સનસનાટીભરી ઘટના બની છે. આ ઘટનાથી હોસ્ટેલમાં ભારે હડકંપ અને દહેશતનો માહોલ છે.

સૂત્રોના જણાવ્યા અનુસાર, આરોપી સફાઈ કર્મચારીની ઓળખ ઝારખંડના રહેવાસી છેદન સાહુ તરીકે થઈ છે. જ્યારે વિદ્યાર્થીનીઓને વોશરૂમમાં વીડિયો બનાવવામાં આવતો હોવાની શંકા ગઈ, ત્યારે તેમનો ગુસ્સો ફાટી નીકળ્યો હતો. આરોપીએ પોતાની જાતને ફસાયેલી જોઈને પોતાના મોબાઈલમાંથી વીડિયો ડિલીટ કરી પુરાવા મિટાવવાનો પ્રયાસ કર્યો અને ત્યાંથી ભાગવા લાગ્યો હતો. પરંતુ જાગૃત વિદ્યાર્થીનીઓએ સમજદારી બતાવી તેને ભાગતા પહેલા જ પકડી લીધો, તેની બરાબરની પીટાઈ કરી અને ત્યારબાદ તેને પોલીસને હવાલે કરી દીધો હતો.

યુનિવર્સિટી મેનેજમેન્ટ પર મામલો દબાવવાનો આરોપ
આ સમગ્ર હોબાળા વચ્ચે યુનિવર્સિટી મેનેજમેન્ટની ભૂમિકા પર પણ ગંભીર સવાલો ઉભા થઈ રહ્યા છે. એવું કહેવામાં આવી રહ્યું છે કે ઘટના બાદ અંદાજે અઢી કલાક સુધી મેનેજમેન્ટ ઉતાવળમાં બેઠકો કરીને મામલાને અંદરખાને જ શાંત કરવા અને દબાવવાનો પ્રયાસ કરતું રહ્યું હતું.

જોકે, જ્યારે વિદ્યાર્થીનીઓનો વિરોધ ઉગ્ર બન્યો અને મામલો હાથમાંથી બહાર જતો દેખાયો, ત્યારે છેક શુક્રવારે બપોરે પોલીસને આ અંગે સત્તાવાર જાણ કરવામાં આવી હતી. આ પહેલા મેસના જમવામાં જીવાત મળવા બાબતે પણ અહીં વિવાદ થઈ ચૂક્યો છે.

પોલીસે ધરપકડ કરી, ફોરેન્સિક તપાસ ચાલુ
મામલાની ગંભીરતાને જોતા પોલીસ સતર્કતાથી કાર્યવાહી કરી રહી છે. રાજગઢના DSP વિદ્યા ચંદ નેગીએ જણાવ્યું કે પોલીસે ઘટના સંદર્ભે તાત્કાલિક FIR નોંધી લીધી છે. આરોપી સફાઈ કર્મચારીની ધરપકડ કરવામાં આવી છે. ઘટનાસ્થળે તૈનાત અન્ય મજૂરોના મોબાઈલ ફોન પણ કબજે લેવામાં આવ્યા છે.  

પોલીસ હવે આ મોબાઈલની ટેકનિકલ અને ફોરેન્સિક તપાસ કરી રહી છે જેથી એ જાણી શકાય કે વીડિયો ડિલીટ થયા પહેલા ક્યાંક અન્ય કોઈને ફોરવર્ડ તો કરવામાં નથી આવ્યા ને.           

આ પણ વાંચો

ચોમાસું આગળ વધ્યું: આ રાજ્યોમાં અતિભારે વરસાદની આગાહી; 70 કિમીની ઝડપે વાવાઝોડું ફૂંકા

AAP છોડીને ભાજપમાં આવેલા રાઘવ ચઢ્ઢાનું વધ્યું કદ, રાજ્યસભામાં મળી આ મોટી જવાબદારી