મહાકુંભમાં ઠંડીનો કહેર! સ્નાન બાદ નેતા-સંત સહિત ત્રણનાં મોત, 3000થી વધુ લોકો બીમાર
તેમણે વધુમાં જણાવ્યું કે 650 દર્દીઓની તપાસ કરવામાં આવી હતી. રાત્રે 8 વાગ્યા સુધી સેન્ટ્રલ હોસ્પિટલમાં 20 દર્દીઓ દાખલ હતા
Mahakumbh 2025: મહાકુંભ 2025 સોમવાર (13 જાન્યુઆરી, 2025) ના રોજ ઉત્તર પ્રદેશના પ્રયાગરાજમાં શરૂ થયો હતો. કરોડો લોકો ખૂબ જ ઉત્સાહથી તેમાં ભાગ લઈ રહ્યા છે, જ્યારે મહાકુંભ પર પણ કાતિલ ઠંડીનો કહેર જોવા મળી રહ્યો છે. શાહી સ્નાન પછી ત્રણ લોકોના મોત થયા હતા જ્યારે 3 હજારથી વધુ લોકો બીમાર પડ્યા હતા.
તબિયત ખરાબ થયા બાદ શરદ પવારની પાર્ટીના નેતાને તેમના મિત્રો સવારે 8:30 વાગ્યે સબ સેન્ટ્રલ હોસ્પિટલ ઝૂંસી લઈ ગયા હતા જ્યાં ડોક્ટરોએ તેમને મૃત જાહેર કર્યા હતા. આ સાથે રાજસ્થાનના કોટાના અન્ય એક વ્યક્તિ સુદર્શન સિંહ પંવારનું પણ મૃત્યુ થયું હતું. સુદર્શન સિંહ પણ તેમના મિત્રો સાથે મહાકુંભમાં સ્નાન કરવા આવ્યા હતા. સ્નાન કર્યા પછી જ્યારે તેમની તબિયત બગડી ત્યારે તેમના મિત્રો તેમને ઝૂંસીની સબ સેન્ટ્રલ હોસ્પિટલ લઈ ગયા. મૃત્યુ કાર્ડિયાક અરેસ્ટને કારણે થયું હોવાની શંકા છે. પોસ્ટમોર્ટમ રિપોર્ટ આવ્યા પછી જ મૃત્યુનું સાચું કારણ બહાર આવશે. આ ઉપરાંત, 85 વર્ષીય અર્જુન ગિરીને હૃદયરોગનો હુમલો આવતાં હોસ્પિટલ લઈ જવામાં આવી રહ્યા હતા, ત્યારે રસ્તામાં જ તેમનું મૃત્યુ થયું હતું.
મુખ્ય તબીબી અધિકારીએ શું કહ્યું?
માહિતી આપતાં કેન્દ્રિય હોસ્પિટલના મુખ્ય તબીબી અધિકારી ડૉ. મનોજ કૌશિકે જણાવ્યું હતું કે, 13 જાન્યુઆરી, 2025ના રોજ ૩ હજારથી વધુ લોકો સારવાર માટે ઓપીડી પહોંચ્યા હતા. જેમાંથી 262 દર્દીઓને દાખલ કરવામાં આવ્યા હતા અને 37 દર્દીઓની હાલત ગંભીર હોવાથી તેમને બીજી હોસ્પિટલમાં મોકલવામાં આવ્યા હતા. આ લોકોને મેળા વિસ્તારની ઝૂંસી અને અરૈલ હોસ્પિટલોમાંથી SRNમાં રિફર કરવામાં આવ્યા છે.
તેમણે વધુમાં જણાવ્યું કે 650 દર્દીઓની તપાસ કરવામાં આવી હતી. રાત્રે 8 વાગ્યા સુધી સેન્ટ્રલ હોસ્પિટલમાં 20 દર્દીઓ દાખલ હતા. તેમાંથી કેટલાક ભક્તો હતા અને કેટલાક ફાયર વિભાગના કર્મચારીઓ હતા. મેળા વિસ્તાર અને સેન્ટ્રલ હોસ્પિટલ અને SRN હોસ્પિટલ વચ્ચે એમ્બ્યુલન્સની અવરજવર સવારથી રાત સુધી ચાલુ રહી હતી.
11 શ્રદ્ધાળુઓના મોતના ખોટા સમાચાર પર પોલીસે કાર્યવાહી કરી
બીજી તરફ, 11 શ્રદ્ધાળુઓના મૃત્યુના ખોટા સમાચાર પણ સામે આવ્યા હતા, જેના પર પોલીસે કાર્યવાહી કરી છે. તપાસ દરમિયાન પોલીસને આ સમાચાર ખોટા લાગ્યા અને તેમણે આ મામલે FIR નોંધી હતી. સોશિયલ મીડિયા પર ભ્રમ ફેલાવતી પોસ્ટ્સ દૂર કરવામાં આવી રહી છે.
મહાકુંભની વાયરલ ‘સાધ્વી’ એ મચાવ્યો તહેલકો, રાતોરાત વધ્યા ઈન્સ્ટાગ્રામ પર આટલા ફોલોવર્સ
ટોપ સ્ટોરી
ટ્રેન્ડિંગ સમાચાર
