UP Elections: AAPએ જાહેર કરી 150 ઉમેદવારોની પ્રથમ યાદી, ડોક્ટર્સ, એન્જિનિયર પણ સામેલ

ઉત્તર પ્રદેશ વિધાનસભા ચૂંટણી માટે આમ આદમી પાર્ટીએ પોતાના 150 ઉમેદવારોની પ્રથમ યાદી જાહેર કરી છે

લખનઉઃ ઉત્તર પ્રદેશ વિધાનસભા ચૂંટણી માટે આમ આદમી પાર્ટીએ પોતાના 150 ઉમેદવારોની પ્રથમ યાદી જાહેર કરી છે. ઉત્તર પ્રદેશના પ્રભારી અને રાજ્યસભાના સાંસદ સંજય સિંહે લખનઉમાં પ્રેસ કોન્ફ્રન્સ કરી આ યાદી જાહેર કરી હતી. આમ આદમી પાર્ટીએ પોતાની પ્રથમ યાદીમાં 8 એમબીએ, 38 પોસ્ટ ગ્રેજ્યુએટ, 4 ડોક્ટર, 8 પીએચડી અને સાત એન્જિનિયર સામેલ છે. તે સિવાય આઠ બીએડ, 39 ગ્રેજ્યુએટ, છ ડિપ્લોમા છે. 55 ઓબીસી ઉમેદવાર, 31 અનુસૂચિત જાતિ, 14 મુસ્લિમ અને છ કાયસ્થ અને 36 બ્રાહ્મણ ઉમેદવાર છે

विधानसभा चुनाव के लिए AAP की पहली सूची... https://t.co/Vg3kjGJLQR

— Sanjay Singh AAP (@SanjayAzadSln) January 16, 2022

સંજય સિંહે પ્રેસ કોન્ફ્રન્સે કહ્યું કે બદલાવની રાજનીતિ અને ગંદી રાજનીતિ પર ઝાડૂ ચલાવવા માટે દિલ્હીના મુખ્યમંત્રી અરવિંદ કેજરીવાલ અને પાર્ટીના કેન્દ્રિય સહમતિથી રાજ્યના તમામ 403 વિધાનસભા બેઠકો પર ઉમેદવાર ઉતારવાનો નિર્ણય લીધો છે. જેમાંથી 150 બેઠકો પર ઉમેદવારોની પ્રથમ યાદી જાહેર કરાઇ છે. કેજરીવાલ અને કેન્દ્રિય નેતૃત્વ દ્ધારા જે યોગ્ય ઉમેદવારોના નામ પર સહમતિ બની છે તેમાં 8 એમબીએ, 38 પોસ્ટ ગ્રેજ્યુએટ, 4 ડોક્ટર, 8 પીએચડી અને સાત એન્જિનિયર સામેલ છે. તે સિવાય આઠ બીએડ, 39 ગ્રેજ્યુએટ, છ ડિપ્લોમા છે. 55 ઓબીસી ઉમેદવાર, 31 અનુસૂચિત જાતિ, 14 મુસ્લિમ અને છ કાયસ્થ અને 36 બ્રાહ્મણ ઉમેદવાર છે.

સંજયસિંહે કહ્યું કે હવે ઉત્તર પ્રદેશની જનતા પર નિર્ભર છે કે તે આપના યોગ્ય ઉમેદવારોને જીતાડીને રાજનીતિની ગંદકી સાફ કરે છે કે નહી. આપની પ્રથમ લિસ્ટમાં જાતિ આધારિત સમીકરણોનું પણ ધ્યાન રાખવામાં આવ્યું છે. નોંધનીય છે કે ઉત્તર પ્રદેશમાં સાત તબક્કામાં ચૂંટણી યોજાવાની છે. 10 માર્ચના રોજ મતગણતરી યોજાશે