Gujarat Election 2022: BJPના ઉમેદવાર રિવાબા સામે ચૂંટણીપંચમાં ફરિયાદ, પ્રચાર માટે બાળકોનો ઉપયોગ કરતા હોવાનો કૉંગ્રેસનો આરોપ

જામનગર પશ્ચિમના ભાજપ ઉમેદવાર રિવાબા સામે કૉંગ્રેસે ફરિયાદ નોંધાવી છે. કૉંગ્રેસના નેતા અને રવિન્દ્ર જાડેજાના બેન નયનાબાએ રિવાબા પર પ્રચાર માટે બાળકોનો ઉપયોગ કરતા હોવાનો આરોપ લગાવ્યો છે. 

રિવાબા જાડેજા

Gujarat Election 2022: ક્રિકેટર રવિન્દ્ર જાડેજાના પત્ની અને જામનગર પશ્ચિમના ભાજપ ઉમેદવાર રિવાબા સામે કૉંગ્રેસે ફરિયાદ નોંધાવી છે. કૉંગ્રેસના નેતા અને રવિન્દ્ર જાડેજાના બેન નયનાબાએ રિવાબા પર પ્રચાર માટે બાળકોનો ઉપયોગ કરતા હોવાનો આરોપ લગાવ્યો છે. 

જામનગર ઉત્તર બેઠક  જ્યાંથી ભાજપની ટિકિટ પર ક્રિકેટર રવીન્દ્ર જાડેજાના પત્ની રિવાબાને મેદાનમાં ઉતર્યા છે.   રિવાબા સામે તેમના જ નણંદ નયનાબાએ શબ્દબાણ  છોડ્યા છે.  નયનાબાના મતે તેમના ભાભી રિવાબાને માત્ર રવીન્દ્ર જાડેજાના નામે પબ્લિસિટી જ મેળવવી છે.  કેમ કે, 6 વર્ષમાં રિવાબાને અટક સુધારવાનો પણ સમય નથી મળ્યો.  નયનાબાએ કહ્યું કે, રિવાબા જાડેજા અટકનો માત્ર ઉપયોગ કરવા માગે છે.  નયનાબાએ રિવાબાને આયાતી ઉમેદવાર ગણાવી દાવો કર્યો કે તેઓ રાજકોટ પશ્ચિમ બેઠકના મતદાર છે.  નયનાબાએ  એક વીડિયો પણ જાહેર કરી  આરોપ લગાવ્યો કે તેઓ પ્રચારમાં બાળકોનો ઉપયોગ કરી રહ્યા છે.

Gujarat election 2022: હિમાચલ પ્રદેશના મુખ્યમંત્રી જયરામ ઠાકુર સાથે ખાસ વાતચીત, વિપક્ષ પર કર્યા આકરા પ્રહાર

ગાંધીનગર:  હિમાચલ પ્રદેશના મુખ્યમંત્રી જયરામ ઠાકુરે એબીપી અસ્મિતા સાથે એક્સક્લુઝિવ વાતચીત કરી હતી.  જયરામ ઠાકુરે રાહુલ ગાંધી અને આમ આદમી પાર્ટી પર શાબ્દિક પ્રહાર કર્યા હતા.  કૉંગ્રેસની રણનીતિ રહી છે કે જ્યારે ચૂંટણી હોય ત્યારે રાહુલ ગાંધીને પ્રચારમાથી દૂર રાખવામાં આવે છે. જ્યારે ચૂંટણી હોય છે ત્યારે પાર્ટીનું નેતૃત્વ બધુ કામ છોડીને પાર્ટીની જીત માટે પ્રયાસ કરતું હોય છે.

આ પહેલી વાર જોવા મળ્યું છે કે હિમાચલ અને ગુજરાતમાં ચૂંટણી છે અને કોંગ્રેસના નેતા યાત્રા પર નીકળ્યા છે.  બની શકે કે એમના આવવાથી ચૂંટણીઓમાં કોંગ્રેસને નુકસાન થઈ જાય. કોંગ્રેસ ચૂંટણીને ગંભીરતાથી નથી લઈ રહી.  ગુજરાતમાં એક તરફી ચૂંટણીનો માહોલ છે, ક્યાંય કોઈ સામે મુકાબલો જ નથી.  બધી બાબતો એક તરફ છે અને નરેન્દ્ર મોદી એક તરફ છે.

ગુજરાતે  પ્રધાનમંત્રી નરેન્દ્ર મોદીને તાકાત આપી છે.  ગુજરાતમાં ભાજપની જીત એવી જ થશે કે લોકો ઇતિહાસમાં યાદ રાખશે. હિમાચલમાં આમ આદમી પાર્ટી આવી જ નથી શકી કેમકે હિમાચલમાં તો ઉપર ચડવું પડે છે.  પહાડ પર ચડતા ચડતા એમના શ્વાસ ફુલાઈ ગયા એટલે ત્યાંથી ફરી પાછા ગયા. હિમાચલ અને ગુજરાતમાંથી પાર્ટીની ડિપોઝિટ પણ જવાની છે. ભ્રષ્ટાચાર વિરોધી વાત કરવા વાળા પક્ષના નેતાઓ જેલમાં છે. સત્યેન્દ્ર જૈને જેલમાં મસાજ કરાવવું દુર્ભાગ્યપૂર્ણ છે એવી નોબત જ કેમ આવી કે ભ્રષ્ટાચાર આરોપ લાગે અને જેલમાં જવું પડે.  દિલ્હીમાં પણ ટિકિટ માટે પૈસા માંગવામાં આવે છે. 

પંજાબમાં પણ ત્રણ મહિનાની અંદર એક મંત્રીને સસ્પેન્ડ કરવા પડ્યા છે.  પંજાબમાં પણ કાનૂની વ્યવસ્થા ઉપર સવાલ ઊભા થઈ રહ્યા છે. આમ આદમી પાર્ટી એવું કલ્ચર ઊભું કરી રહી છે કે આવનાર સમયમાં મોટું નુકસાન થશે.  8 તારીખે ચૂંટણીના પરિણામોમાં હિમાચલને ગુજરાતમાં ભાજપની જીત થશે.