સુરત: ભાજપ અધ્યક્ષને આવકારવા લગાવવામાં આવેલા બેનરો ફાડી નાખવામાં આવતા રાજકારણ ગરમાયું
ભાજપના રાષ્ટ્રીય અધ્યક્ષ જેપી નડ્ડા ગુજરાત આવી રહ્યા છે ત્યારે કડોદરા ખાતે લગાવવામાં આવેલા બેનરો ફાડી નાખવામાં આવતા ભાજપમાં રોષ જોવા મળી રહ્યો છે. રાત્રે પોણા ત્રણ વાગ્યે બેનરો ફાડી નાખવામાં આવ્યા હતા
સુરત: ભાજપના રાષ્ટ્રીય અધ્યક્ષ જેપી નડ્ડા ગુજરાત આવી રહ્યા છે ત્યારે સુરતના કડોદરા ખાતે લગાવવામાં આવેલા બેનરો ફાડી નાખવામાં આવતા ભાજપમાં રોષ જોવા મળી રહ્યો છે. રાત્રે પોણા ત્રણ વાગ્યે બેનરો ફાડી નાખવામાં આવ્યા હતા આ ઘટનાના દ્રશ્યો CCTVમાં પણ કેદ થયા છે. મોટસાયકલ ઉપર કેટલાક ઈસમો આવ્યા હતા અને બેનર ફાડી નાસી છૂટ્યા હતા. તમને જણાવી દઈએ કે, આગામી તારીખ 7 મેના રોજ જેપી નડ્ડા કડોદરા પધારવાના છે જેને લઈને ભાજપ દ્વારા તૈયારીઓ પૂરી કરી લેવામાં આવી છે. ભાજપ અધ્યક્ષના સ્વાગત માટે બેનરો લગાવવામાં આવ્યા હતા, જો કે ગત રાત્રે કોઈએ આ બેનરો ફાડી નાખતા રાજકારણ ગરમાયું છે. તો આ અંગે ભાજપ દ્વારા પોલીસ ફરિયાદ આપવાની તજવીજ હાથ ધરી છે.
વિધાનસભા ચૂંટણી પહેલા ગુજરાત આવી કોંગ્રેસ- ભાજપમાં ગાબડુ પાડશે કેજરીવાલ
Arvind Kejriwal Saurashtra visit:: ગુજરાત ભાજપના ગઢ રાજકોટમાં દિલ્હીના સીએમ કેજરીવાલ સભા ગજવવાના છે. દિલ્હીના CM અરવિંદ કેજરીવાલ 11મી એ સૌરાષ્ટ્રના પ્રવાસે આવશે. સૌરાષ્ટ્રના પાટનગર રાજકોટથી વિધાનસભા ચૂંટણી 2022ના પ્રચારનો આરંભ કરશે. રાજકોટમાં 11મેના રોજ શાસ્ત્રી મેદાનમાં કેજરીવાલની જંગી જાહેરસભા યોજાવાની છે. રાજકોટ સહીત સૌરાષ્ટ કચ્છના AAPના કાર્યકરો આ સભામાં હાજરી આપશે. રાજકોટના શાસ્ત્રી મેદાનમાં અરવિંદ કેજરીવાલની જાહેરસભાને લઇને તૈયારીઓ શરૂ થઈ ગઈ છે. અરવિંદ કેજરીવાલ 11મી સાંજે 5 વાગ્યે જાહેરસભા સંબોધશે. આ દરમિયાન રાજકોટમાં AAPના ઇંદ્રનીલ રાજ્યગુરુ, વશરામ સાગઠીયા, રાજભા ઝાલા અને શિવલાલ બારસીયા સહીત અગ્રણીઓ તૈયારીમાં લાગ્યા છે. અરવિંદ કેજરીવાલની હાજરીમાં કોંગ્રેસ- ભાજપના કેટલાક નેતાઓ AAPની ટોપી પહેરે તેવી રાજકીય હલચલ જોવા મળી રહી છે.
નરેશ પટેલ બાદ હાર્દિક પટેલ ભાજપના નેતાઓ સાથે જોવા મળતા રાજકારણ ગરમાયું
જામનગર: છેલ્લા થોડા દિવસથી હાર્દિક પટેલ અને નરેશ પટેલને લઈને રાજકારણ ગરમાયું છે. નરશે પટેલ તાજેતરમાં જ ભાજપના નેતાઓ સાથે જોવા મળતા અટકળો વહેતી થઈ હતી કે શું તેઓ ભાજપમાં જોડાશે? તો હવે કોંગ્રેસના સ્ટેટ નેતૃત્વથી નારાજ ચાલી રહેલા હાર્દિક પટેલ ભાજપના નેતાઓ સાથે જોવા મળતા રાજકારણ ગરમાયું છે. હકિકતમાં જામનગરમાં ધારાસભ્ય હકુભા જાડેજા દ્વારા આયોજિત ભાગવત સપ્તાહમાં ગતરાત્રીએ ડાયરો યોજાયો હતો જેમા અનેક નેતાઓ જોવા મળ્યા હતા. જેમા હાર્દિક પટેલ , જીતુ વાઘાણી, રમેશ ધડુક, કાંધલ જાડેજા, જયેશ રાદડિયા સહિતના નેતાઓ હાજર રહ્યા હતા. આ દરમિયાન હાર્દિક પટેલે તમામ નેતાઓ સાથે હાથ મીલાવ્યા હતા. તેથી એવી પણ અટકળો લગવવામાં આવી રહી છે કે શું હવે હાર્દિક હાથનો સાથ છોડશે?
ટોપ સ્ટોરી
ટ્રેન્ડિંગ સમાચાર
