સુરત મહાનગરપાલિકાનું 6003 કરોડનું બજેટ, 9 બ્રિજ અને 15 નવા ફાયર સ્ટેશન બનાવાશે

શહેરમાં 9 બ્રિજ,150 ઈલેક્ટ્રીક બસ, રિવર ફ્રન્ટ ડેવલપમેન્ટ પ્રોજેક્ટ માટે 3,904 કરોડ રૂપિયાનો ખર્ચ કરવામાં આવશે.

સુરત: સુરત મહાનગરપાલિકાનું વર્ષ 2020-21નું બજેટ રજુ કરવામાં આવ્યું હતું. બજેટનું કદ 6003 કરોડનું રાખવામાં આવ્યું હતું. બજેટને મનપા કમિશ્નર બંછાનીધી પાનીએ સ્માર્ટ બજેટ ગણાવ્યું હતું. શહેરને કચરાથી મુક્ત કરવા માટેનું આયોજન કરવામાં આવ્યું છે. દરેક વોર્ડમાં નળથી 24 કલાક પાણી મળી રહે તેવી વ્યવસ્થા કરવાનો લક્ષ્યાંક છે. શહેરમાં 9 બ્રિજ,150 ઈલેક્ટ્રીક બસ, રિવર ફ્રન્ટ ડેવલપમેન્ટ પ્રોજેક્ટ માટે 3,904 કરોડ રૂપિયાનો ખર્ચ કરવામાં આવશે. આઇ પ્રોજેકટ અંતર્ગત નવા 1 હજાર કેમેરા, તાપી શુધ્ધીકરણ અને રીવર ફ્રન્ટ ડેવલેપમેન્ટના પ્રોજકટોનો પણ સમાવેશ કરવામાં આવ્યો હતો. ઉપરાંત તાપી નદી પર એક બેરેજ બનાવવાની કામગીરી પણ ચાલુ વર્ષમાં શરૂ કરવામાં આવશે. ફાયરના બજેટમાં બમણો વધારો કરી દેવામાં આવ્યો છે, જેમાં 15 નવા ફાયર સ્ટેશન બનાવવા અને ટ્રેનિગ સેન્ટર બનાવવાની પણ જોગવાઇ કરવામાં આવી છે. સુરત મહાનગર પાલિકા એલઇડી સ્ક્રીનો શહેરમાં 50 મુકશે અને તેની જાહેરાત થકી વાર્ષિક 100 કરોડની આવક મેળવવાનું આયોજન કરશે. કમિશ્નરે રેવન્યુ ખર્ચ 3228 કરોડ કરોડ અને રેવન્યુ 3231 કરોડની આવક દર્શાવી હતી. સુરત શહેરનું પ્રથમ ડ્રાફ્ટ બજેટ રજૂ કરતાં કમિશનર બંછાનિધી પાનીએ સુરતને 9.2 ટકાના ગ્રોથ સાથે ફાસ્ટેસ્ટ ગ્રોઈંગ સિટી ગણાવ્યું હતું. સ્માર્ટ સિટીની થીમ મુખ્ય હોવાથી સ્માર્ટ સિટીમાં બેસ્ટે પર્ફોમન્સના એવોર્ડ મળ્યા હોવાનું જણાવતાં ડ્રાફ્ટ બજેટ રજૂ કર્યું હતું.