સુરતમાં મહિલા PSI અને વકીલને 10 હજારની લાંચ લેતા ACBએ રંગેહાથ ઝડપ્યા

સરકારી કચેરીઓમાં ભ્રષ્ટાચાર એ હદે વ્યાપી ગયો છે કે નાના કર્મચારીઓથી લઈને ઊંચા હોદ્દા પર બેસતા સરકારી બાબુઓ કે પોલીસ અધિકારીઓ રૂપિયા લીધા વગર કામ કરતા  જ નથી.

PSI_surat

સુરત: સરકારી કચેરીઓમાં ભ્રષ્ટાચાર એ હદે વ્યાપી ગયો છે કે નાના કર્મચારીઓથી લઈને ઊંચા હોદ્દા પર બેસતા સરકારી બાબુઓ કે પોલીસ અધિકારીઓ રૂપિયા લીધા વગર કામ કરતા  જ નથી. આ જ કારણ છે કે ઉચ્ચ પગાર હોવા છતાં લાંચ માંગતા અનેક લોકો પકડાયા છે.

પોતાનું કામ કરવા માટે સામાન્ય માણસને સામા વ્યક્તિના ખિસ્સા ભરવા જ પડે છે એનો દાખલો આપતો વધુ એક કિસ્સો સામે આવ્યો છે. પોલીસ ખાતામાં પણ રૂપિયા વગર કોઈ કામ થતું નથી તેનું વધુ એક ઉદાહરણ સામે આવ્યું છે. જેમાં લાંચ માંગતા એક મહિલા કોન્સ્ટેબલ અને અન્ય એક વ્યક્તિની ધરપકડ કરવામાં આવી છે. આ બંનેને એસીબીએ પોલીસ સ્ટેશનની બહાર જ લાંચ લેતા રંગેહાથ પકડી પાડ્યા છે.

સુરતમાં મહિલા પોલીસ સ્ટેશનના PSI 10 હજારની લાંચ લેતા ઝડપાયા છે. મહિલા PSI કમલાબેન ગામીતને પોલીસ સ્ટેશન બહાર લાંચ લેતા ACBએ રંગેહાથે ઝડપી લીધા હતા.  મહિલા PSIએ ફરિયાદી પાસેથી પતિ વિરુદ્ધ પોલીસ કેસ કરવા બદલ 10 હજારની લાંચ માંગી હતી. મહિલા PSIએ વકીલ મારફતે લાંચ માંગી હતી. જેથી ACBએ PSI કમલાબેન ગામિતની સાથે વકીલ પંકજ માકોડેની પણ ધરપકડ કરી. 

સુરતના મહિલા પોલીસ સ્ટેશનમાં ફરજ બજાવતા પોલીસ સબ ઇન્સ્પેકટર કમલાબેન ગામીત અને એડવોકેટ પંકજભાઈ માકોડે આ લાંચ માંગી હતી. એક ફરિયાદી મહિલા તેના પતિ વિરુદ્ધ ગુનો દાખલ કરવા માંગતી હતી. જે માટે તેણે અરજી આપી હતી. પણ ગુનો નોંધવા માટે એડવોકેટ મારફતે આ મહિલા પીએસઆઈએ 10 હજાર રૂપિયા માંગ્યા હતા.