Surat: મુંબઇની યુવતીને સુરતના રિક્ષાચાલકે પ્રેમજાળમાં ફસાવી, હોટલમાં લઇ જઇ બાંધ્યા શારીરિક સંબંધ

Surat: પીડિતાએ મહિધરપુરા પોલીસમાં રિક્ષા ચાલક વિરુદ્ધ દુષ્કર્મની ફરિયાદ નોંધાવી હતી.

પ્રતિકાત્મક તસવીર

Source : Getty Images

Surat: સુરતમાં રહેતી મુંબઈની યુવતીને રિક્ષાચાલકે લગ્નની લાલચ આપી શારીરિક સંબંધ બાંધ્યા હતા.  જોકે બાદમાં રિક્ષાચાલક યુવકે અન્ય યુવતી સાથે બે મહિના પૂર્વે લગ્ન કરી લીધા હતાં. આ અંગે જાણ થતા ભોગ બનનાર યુવતીએ પોલીસમાં ફરિયાદ નોંધાવી હતી.જેના આધારે મહિધરપુરા પોલીસે રિક્ષાચાલક સમાધાન મહીરાડેની ધરપકડ કરી હતી.

યુવતીએ આરોપ લગાવ્યો હતો કે પ્રેમજાળમાં ફસાવી લગ્નની લાલચ આપી યુવક તેને અલગ-અલગ હોટલમાં લઈ જતો હતો અને શારીરિક સંબંધો બાંધતો હતો. આટલું જ નહીં ટુકડે ટુકડે કરીને લગ્ન માટે 2 લાખ 35 હજાર રૂપિયા પણ પડાવી લીધા હતાં. પોલીસની તપાસમાં એ પણ સામે આવ્યું કે ભોગ બનનાર યુવતીના મામાનો દીકરો આરોપીનો મિત્ર છે.

મુંબઈમાં નોકરી કરતી 26 વર્ષીય યુવતી મામાના ઘરે સુરતમાં પાંડેસરા આવતી હતી. તે વખતે મામાના દીકરાના મિત્ર એવા સમાધાન સાથે તેની મિત્રતા થઈ હતી.  બાદમાં તેઓ ફોન પર વાત કરતા હતા. સમયની સાથે આ મિત્રતા પ્રેમમાં પરિણમી હતી. પોતાની ફરિયાદમાં પીડિતાએ આરોપ લગાવ્યો હતો કે રિક્ષા ચાલક સમાધાન મહીરાડેએ તેને લગ્નનું વચન આપ્યું હતું અને તેને પ્રેમજાળમાં ફસાવી તેને હોટલમાં લઇ જઇને શારીરિક સંબંધ બાંધ્યા હતા. એટલું જ નહી આરોપીએ યુવતી પાસેથી 2.35 લાખની રકમ પણ પડાવી લીધી હતી.

જોકે બાદમા રિક્ષાચાલકે પીડિતાને તરછોડી બીજી યુવતી સાથે 2 મહિના પહેલા લગ્ન કરી લીધા હતા. આ ઘટનાની જાણ થતાં પીડિતાએ મહિધરપુરા પોલીસમાં રિક્ષા ચાલક વિરુદ્ધ દુષ્કર્મની ફરિયાદ નોંધાવી હતી. પીડિતાએ આરોપ લગાવ્યો હતો કે આરોપીએ હોટેલમાં યુવતીને સિંદુર પુરી દીધું હતું. ત્રણ વર્ષ સુધી સંબંધો રાખી તેને તરછોડી હતી. પોલીસે આ મામલે વધુ તપાસ હાથ ધરી હતી.

પાટણના ચાણસ્મા તાલુકામાં સગીરા પર દુષ્કર્મ ગુજારનારા મહેસાણાના ઉપરચી ગામના નરાધમ ભૂવા ભગા ચૌધરીના પોલીસે ત્રણ દિવસના રિમાન્ડ મેળવ્યા હતા. ભગા ચૌધરીના રિમાન્ડ મેળવી પ્રાથમિક પૂછપરછ કરતા ફરિયાદ બાદ પોલીસ પકડથી બચવા તેના ભત્રીજાના ઘરે ભાગી છૂટ્યાની કબૂલાત કરી હતી. જેથી પોલીસે ભૂવાને મદદ કરનારા અને મહેસાણામાં રહેતા ગૌરવ ચૌધરીને પણ મોડી સાંજે ઉઠાવી લીધો હતો. ભગા ઉર્ફે શંકર ચૌધરી નામના ભૂવાએ એક કિશોરીને પોતાની હવસનો શિકાર બનાવી હતી. આ પાખંડીએ સગીરા સાથે અશ્લીલ વીડિયો બનાવ્યો હતો. સગીરાના પિતાએ સમગ્ર મામલે પોલીસને જાણ કરી હતી. પોલીસમાં ફરિયાદ પણ નોંધાવી હતી.