અમેરિકાના જ્યોર્જિયામાં સ્કૂલમાં આડેધડ ફાયરિંગ, ચાર લોકોના મોત, 30 ઇજાગ્રસ્ત

છેલ્લા બે દાયકામાં અમેરિકામાં શાળાઓ અને કોલેજોની અંદર ફાયરિંગની અનેક ઘટનાઓ બની છે

(Photo: X/@Worldsource24)

Source : (Photo: X/@Worldsource24)

અમેરિકાના જ્યોર્જિયાની એક હાઈસ્કૂલમાં બુધવારે થયેલા ફાયરિંગમાં ઓછામાં ઓછા 4 લોકોના મોત થયા છે. વિન્ડરમાં અપાલાચી હાઇસ્કૂલમાં થયેલા ગોળીબારમાં 30 લોકો ઘાયલ પણ થયા હતા. શાળાના પ્રવક્તાએ જણાવ્યું હતું કે સ્થિતિ પર નિયંત્રણમાં છે. વિદ્યાર્થીઓને બપોરે રજા આપી દેવામાં આવી હતી.

BREAKING: A 14-year-old student at a Georgia high school will be charged with murder after two students and two teachers were killed in a shooting, officials say. https://t.co/gUyHnacRJt

— The Associated Press (@AP) September 4, 2024

એબીસી ન્યૂઝે ઘટનાને નજરે જોનારા વિદ્યાર્થી સર્જિયો કાલ્ડેરાને ટાંકીને જણાવ્યું હતું કે જ્યારે તેણે ગોળીબારનો અવાજ સાંભળ્યો ત્યારે તે કેમેસ્ટ્રીના વર્ગમાં હતો. 17 વર્ષીય કાલ્ડેરાએ એબીસીને જણાવ્યું કે તેના શિક્ષકે દરવાજો ખોલ્યો અને અન્ય શિક્ષક દોડીને આવ્યા અને તેમને દરવાજો બંધ કરવાનું કહ્યું કારણ કે એક વ્યક્તિ ગોળીબાર કરી રહ્યો હતો. જ્યારે વિદ્યાર્થીઓ અને શિક્ષકો રૂમમાં એકઠા થયા ત્યારે કોઈએ તેમના વર્ગખંડનો દરવાજો જોરથી ખટખટાવ્યો અને તેને ખોલવા માટે ઘણી વખત બૂમો પાડી. જ્યારે દરવાજો ખટખટાવાનું બંધ થયું તો કાલ્ડેરાએ વધુ ફાયરિંગનો અવાજ સાંભળ્યો હતો. તેણે લોકોની ચીસો પણ સાંભળી હતી

#BREAKING Four killed in US school shooting in Georgia: law enforcement pic.twitter.com/LbMdZ0PhqP

— AFP News Agency (@AFP) September 4, 2024

નોંધનીય છે કે છેલ્લા બે દાયકામાં અમેરિકામાં શાળાઓ અને કોલેજોની અંદર ફાયરિંગની અનેક ઘટનાઓ બની છે. આમાંથી સૌથી ભયાનક ઘટના 2007માં વર્જિનિયા ટેક ખાતે બની હતી, જેમાં 30 થી વધુ લોકોના મોત થયા હતા. આ હત્યાકાંડે અમેરિકાના ગન કાયદાઓ અને યુએસ બંધારણમાં બીજા સુધારા અંગે માંગ ઉઠી હતી, જે હથિયાર રાખવાના અધિકારની બાંયધરી આપે છે.

વ્હાઇટ હાઉસે એક નિવેદનમાં જણાવ્યું હતું કે રાષ્ટ્રપતિ જો બાઇડનને ફાયરિંગ વિશે માહિતી આપવામાં આવી છે અને તેમની સરકાર ફેડરલ, રાજ્ય અને સ્થાનિક અધિકારીઓ સાથે સંકલન કરવાનું ચાલુ રાખશે. આ અંગે વધુ માહિતી મેળવવામાં આવી રહી છે.                     

આ પણ વાંચોઃ હવે સ્કૂલોમાં બાળકો મોબાઇલનો ઉપયોગ નહીં કરી શકે, આ દેશની સરકારે લીધો મોટો નિર્ણય, જાણો કારણ