આ જાણીતી કંપનીની મોટી જાહેરાત, કર્મચારીઓને સપ્તાહમાં ત્રણ દિવસ આપશે રજા

એક જાણીતી કંપનીમાં કામ કરતા લોકો માટે સારા સમાચાર છે. આ કંપનીએ જાહેરાત કરી છે કે તે તેના કર્મચારીઓને એક અઠવાડિયામાં ત્રણ રજાઓ આપશે

પ્રતિકાત્મક તસવીર

નવી દિલ્હીઃ એક જાણીતી કંપનીમાં કામ કરતા લોકો માટે સારા સમાચાર છે. આ કંપનીએ જાહેરાત કરી છે કે તે તેના કર્મચારીઓને એક અઠવાડિયામાં ત્રણ રજાઓ આપશે. એટલે કે કર્મચારીઓએ હવે અઠવાડિયામાં માત્ર 4 દિવસ જ કામ પર આવવું પડશે. કંપનીના આ નિર્ણયની દુનિયાભરમાં ચર્ચા થઈ રહી છે.

આ કંપનીનું નામ પેનાસોનિક  જે જાપાનની કંપની છે. Panasonic એ જાપાન સરકારની તાજેતરની માર્ગદર્શિકાને પગલે આ નિર્ણય લીધો છે જેમાં કંપનીઓને તેમના કર્મચારીઓને વૈકલ્પિક ત્રણ દિવસના વીકઓફ માટે પ્રોત્સાહિત કરવા જણાવ્યું હતું.

સરકારનું કહેવું છે કે વધારાના વેકેશનના દિવસોમાં કર્મચારીઓને તેમના બાળકો, માતા-પિતા, પરિવારના કોઈપણ વૃદ્ધ સભ્યની સંભાળ રાખવામાં અથવા સ્વયંસેવક કાર્ય કરવામાં મદદ કરવામાં આવશે.

અઠવાડિયામાં 3 રજાઓ

'જાપાન ટાઈમ્સ'ના અહેવાલ મુજબ, પેનાસોનિક કંપની દ્વારા કહેવામાં આવ્યું છે કે અઠવાડિયામાં 3 રજાઓ લેવાનો વિકલ્પ હાલમાં ટ્રાયલના રૂપમાં શરૂ કરવામાં આવ્યો છે. પરિણામ જોયા પછી તે પૂર્ણ સમય કરવા માટે વિચારણા કરવામાં આવશે. જોકે, જાપાનમાં Hitachi, Mizuho Financial Group, Fast Retailing, Uniqlo જેવી કંપનીઓ પેનાસોનિક પહેલા જ તેમના કર્મચારીઓને એક અઠવાડિયામાં ત્રણ રજાઓ ઓફર કરી રહી છે.

આ અંગે Recruit Works Instituteના વરિષ્ઠ રિસર્ચર હિરોમી મુરાતાએ જણાવ્યું હતું કે કંપનીઓ ટૂંકા વર્કવીક સ્કીમ દ્વારા કર્મચારીઓને રોકાયેલા રાખવા માંગે છે. કારણ કે નવા કર્મચારીઓની ભરતી અને ટ્રેન્ડિંગમાં સમય લાગે છે