ગેરકાયદેસર લોકો બાદ હેવ વિદ્યાર્થીઓ પર ડોનાલ્ડ ટ્રમ્પની તવાઈ, ધડાધડ વિઝા રદ થઈ રહ્યા છે, ભારતીયો પણ લિસ્ટમાં....
કેમ્પસ એક્ટિવિઝમ અને સોશિયલ મીડિયા પ્રવૃત્તિના કારણે કાર્યવાહી, ૩૦૦થી વધુ વિઝા રદ કરાયા.
USA F1 visa revoked: અમેરિકામાં અભ્યાસ કરી રહેલા સેંકડો આંતરરાષ્ટ્રીય વિદ્યાર્થીઓ, જેમાં ભારતીય વિદ્યાર્થીઓનો પણ સમાવેશ થાય છે, તેઓ ડોનાલ્ડ ટ્રમ્પ વહીવટીતંત્રના એક અચાનક નિર્ણયથી ભયના ઓથાર હેઠળ જીવી રહ્યા છે. યુએસ ડિપાર્ટમેન્ટ ઓફ સ્ટેટ (DOS) દ્વારા આ વિદ્યાર્થીઓને ચોંકાવનારા ઈમેલ મોકલવામાં આવ્યા છે, જેમાં તેમના F-1 એટલે કે સ્ટુડન્ટ વિઝા તાત્કાલિક અસરથી રદ કરવામાં આવ્યા હોવાનું જણાવવામાં આવ્યું છે.
આ કાર્યવાહી પાછળનું કારણ કેમ્પસમાં થતી વિદ્યાર્થીઓની પ્રવૃત્તિઓ અને તેમની સોશિયલ મીડિયા પરની એક્ટિવિટી હોવાનું માનવામાં આવે છે. અમેરિકી વિદેશ મંત્રી માર્કો રુબિયોએ આ વાતની પુષ્ટિ કરતાં જણાવ્યું છે કે ૩૦૦થી વધુ વિદ્યાર્થીઓના વિઝા રદ કરવામાં આવ્યા છે. તેમણે ગુયાનામાં એક પ્રેસ કોન્ફરન્સ દરમિયાન જણાવ્યું હતું કે 'રાષ્ટ્ર વિરોધી' ગતિવિધિઓમાં સામેલ વિદ્યાર્થીઓના વિઝા રદ કરવામાં આવશે અને આ કાર્યવાહી દરરોજ કરવામાં આવે છે.
ટાઈમ્સ ઓફ ઈન્ડિયામાં પ્રકાશિત થયેલા અહેવાલ અનુસાર, ઘણા ભારતીય વિદ્યાર્થીઓ પણ આ કાર્યવાહીની ઝપેટમાં આવ્યા છે. આશ્ચર્યની વાત એ છે કે માત્ર વિરોધમાં સામેલ વિદ્યાર્થીઓ જ નહીં, પરંતુ ઘણા એવા વિદ્યાર્થીઓ પણ નિશાન બન્યા છે જેમણે રાષ્ટ્ર વિરોધી પોસ્ટને લાઇક અથવા શેર કરી હતી. ઇમિગ્રેશન વકીલોએ પણ આ વાતને સમર્થન આપ્યું છે.
અમેરિકામાં લગભગ ૧૧ લાખ આંતરરાષ્ટ્રીય વિદ્યાર્થીઓ અભ્યાસ કરી રહ્યા છે, જેમાંથી ૩.૩૧ લાખ ભારતીય છે. આ કાર્યવાહીના કારણે ઘણા વિદ્યાર્થીઓના આગળના અભ્યાસ પર પ્રશ્નાર્થ ચિન્હ લાગી ગયું છે. વિદ્યાર્થીઓને મળેલા ઈમેલમાં તેમને તાત્કાલિક યુએસ છોડી દેવા માટે કહેવામાં આવ્યું છે અને તેના માટે ટ્રમ્પ વહીવટીતંત્ર દ્વારા ૧૦ માર્ચે લોન્ચ કરવામાં આવેલી CBP હોમ એપનો ઉપયોગ કરવા જણાવ્યું છે.
ઈમેલમાં વધુમાં લખવામાં આવ્યું છે કે, 'US સ્ટેટ ડિપાર્ટમેન્ટના બ્યુરો ઓફ કોન્સ્યુલર અફેર્સ તમને જણાવતા દુઃખ થાય છે કે તમારા વિઝા જારી થયા બાદ નવી માહિતી પ્રાપ્ત થઈ છે. તેથી, તમારો F-1 વિઝા, જેની સમાપ્તિ તારીખ XXXXXX છે, તે ઇમિગ્રેશન અને નેશનાલિટી એક્ટની કલમ ૨૨૧(i) હેઠળ રદ કરવામાં આવ્યો છે.' ઈમેલમાં એ પણ ચેતવણી આપવામાં આવી છે કે માન્ય વિઝા વિના યુએસમાં રહેવાથી દંડ, અટકાયત અથવા દેશનિકાલ થઈ શકે છે અને આ દેશનિકાલ અચાનક થઈ શકે છે, જેમાં વિદ્યાર્થીઓને પોતાનો સામાન ભેગો કરવાનો કે કામ પૂરું કરવાનો પણ સમય નહીં મળે.
વિદેશ મંત્રી માર્કો રુબિયોએ પણ આ કાર્યવાહીને યોગ્ય ઠેરવતા કહ્યું છે કે દરેક દેશને એ નક્કી કરવાનો અધિકાર છે કે તેના મહેમાન તરીકે કોણ આવશે અને કોણ નહીં. તેમની ઓફિસે 'કેચ એન્ડ રિવોક' નામની એક AI-સંચાલિત એપ પણ લોન્ચ કરી છે, જે આતંકવાદી સંગઠનોને સમર્થન કરતા વિદ્યાર્થીઓના વિઝા રદ કરે છે. આ અચાનક કાર્યવાહીથી અમેરિકામાં અભ્યાસ કરી રહેલા ભારતીય વિદ્યાર્થીઓમાં ભારે ગભરાટ અને ચિંતાનો માહોલ છે.
Before You Go
Mumbai | મુંબઈની ઈમારતમાં આગ લાગતા એકનું મોત, 10થી વધુ લોકોનું કરાયું રેસ્ક્યૂ
ટોપ સ્ટોરી
ટ્રેન્ડિંગ સમાચાર
