Cars Launch in January: જાન્યુઆરીમાં લોન્ચ થઇ આ શાનદાર કારો, કિઆ સોનેટથી લઇને મૈકલારેન પણ લિસ્ટમાં સામેલ

Cars Launch in January:જો તમે પણ નવી કાર ખરીદવાનું વિચારી રહ્યા છો, તો અમે તમને કેટલાક સારા વિકલ્પો વિશે જણાવવા જઈ રહ્યા છીએ જે આ મહિને માર્કેટમાં આવી ગયા છે.

પ્રતિકાત્મક તસવીર

જો તમે પણ નવી કાર ખરીદવાનું વિચારી રહ્યા છો, તો અમે તમને કેટલાક સારા વિકલ્પો વિશે જણાવવા જઈ રહ્યા છીએ જે આ મહિને માર્કેટમાં આવી ગયા છે.

MGએ તેની Aster SUV અપડેટ કરી છે. Aster SUVની એક્સ-શોરૂમ કિંમત 9.98 લાખ રૂપિયાથી શરૂ થાય છે. આ અપડેટેડ રેન્જ પાંચ ટ્રિમ્સમાં ઉપલબ્ધ છે, જેમાં સ્પ્રિન્ટ, શાઈન, સિલેક્ટ, શાર્પ પ્રો અને નવા રજૂ કરાયેલા સેવી પ્રોનો સમાવેશ થાય છે. તમામ વેરિઅન્ટ 1.5L નેચરલી એસ્પિરેટેડ પેટ્રોલ એન્જિનથી સજ્જ છે, જે 110PS પાવર અને 144Nm ટોર્ક જનરેટ કરવામાં સક્ષમ છે.

Mahindra XUV700 SUVને નવા ફીચર્સ અને નવા બ્લેક કલરમાં વધુ કોસ્મેટિક ફેરફારો સાથે અપડેટ કરવામાં આવી છે. XUV700 ના AX ટ્રીમની કિંમત 13.99 લાખ રૂપિયાથી શરૂ થાય છે, જ્યારે ટોપ એન્ડ AX7Lની કિંમત 23.99 લાખ રૂપિયા છે. નવી XUV700 માં 2.2 લિટર ડીઝલ અને 2.0 લિટર ટર્બો પેટ્રોલ લાઇનઅપમાં ઓટોમેટિક અને મેન્યુઅલ ગિયરબોક્સ વિકલ્પોમાં કોઈ ફેરફાર કરવામાં આવ્યો નથી.

લક્ઝરી કાર નિર્માતા કંપની McLaren એ દેશમાં 750S લોન્ચ કરી છે. 720Sની સક્સેસર 750Sની એક્સ-શોરૂમ કિંમત રૂ. 5.91 કરોડ છે. CBU રૂટ દ્વારા સંપૂર્ણ આયાતી મોડલ તરીકે આવતી McLaren 750S બે ડેરિવેટિવ્સમાં ઉપલબ્ધ છે - કૂપ અને સ્પાઈડર (હાર્ડટોપ).

નવી સોનેટ ફેસલિફ્ટની કિંમત એક્સ-શોરૂમ રૂ. 7.99 લાખથી શરૂ થાય છે અને ટોપ મોડલ માટે 15.69 લાખ રૂપિયા ચૂકવવા પડશે. તે ત્રણ એન્જિન વિકલ્પોમાં ઉપલબ્ધ છે. અપડેટેડ સોનેટ હવે ઘણા ફીચર્સથી સજ્જ છે. આમાં 360 ડિગ્રી કેમેરા, પાવર્ડ ડ્રાઇવર સીટ, ADAS લેવલ 1, એમ્બિયન્ટ લાઇટિંગ, પહેલાની જેમ બોસ ઓડિયો સિસ્ટમ, સનરૂફ, કનેક્ટેડ કાર ટેક્નોલોજી વગેરેનો સમાવેશ થાય છે.

જાન્યુઆરી મહિનામાં મહિન્દ્રા એન્ડ મહિન્દ્રાએ ભારતમાં તેની મિડ-સાઇઝ XUV400 ઇલેક્ટ્રિક SUVની પ્રો રેન્જ લૉન્ચ કરી છે. 2024 Mahindra XUV400 Pro રેન્જ બે વેરિઅન્ટ EC Pro અને EL Proમાં ઉપલબ્ધ છે, જેની એક્સ-શોરૂમ કિંમતો અનુક્રમે રૂ. 15.49 લાખથી રૂ. 17.49 લાખ છે.