Kidney Stone: શું ટમેટા ખાવાથી કિડનીમાં પથરી થઈ જાય છે ? જાણો મહત્વની જાણકારી

Kidney Stone: શું ટમેટા ખાવાથી કિડનીમાં પથરી થઈ જાય છે ? જાણો મહત્વની જાણકારી

તસવીર-સોશિયલ મીડિયા

કિડની પથરીની સમસ્યા આજકાલ ખૂબ જ સામાન્ય બની ગઈ છે. કારણ કે સમગ્ર વિશ્વમાં મોટી સંખ્યામાં લોકો આ સમસ્યાનો સામનો કરી રહ્યા છે. આવા ઘણા પરિબળો છે, જેના કારણે કિડનીમાં પથરીની સમસ્યા ઉભી થાય છે.

એવું માનવામાં આવે છે કે ટામેટાં કિડનીની પથરીને પ્રોત્સાહન આપવાનું પણ કામ કરે છે. કારણ કે તેમાં નાના બીજ જોવા મળે છે. એવો દાવો કરવામાં આવે છે કે ઘણી વખત આ બીજ કિડનીમાં પથરી બનાવવાનું કામ કરે છે. હવે સવાલ એ થાય છે કે શું આ દાવો સાચો છે ?

વાસ્તવમાં પથરી એટલે કે કિડની સ્ટોન કેલ્શિયમ ઓક્સાલેટના ક્રિસ્ટલમાંથી બને છે. આ ઓક્સાલેટ અલગ-અલગ પ્રકારના ખાદ્ય પદાર્થોમાં જોવા મળે છે. કહેવાય છે કે હાઈ ઓક્સાલેટ લેવાથી જ આ સમસ્યા ઉદભવે છે. જોકે ટામેટાંમાં ઓક્સાલેટનું પ્રમાણ ઘણું ઓછું હોય છે. આ જ કારણ છે કે તેના કારણે કિડનીમાં પથરીનો એટલો ખતરો નથી જેટલો દાવો કરવામાં આવે છે.

ટામેટાં કિડનીને સ્વસ્થ રાખવા માટે ખૂબ જ ફાયદાકારક છે. કારણ કે તેમાં પાણીનું પ્રમાણ ઘણું વધારે છે. તે શરીરને હાઇડ્રેટેડ રાખે છે અને કિડનીમાં પથરી બનતા પણ અટકાવે છે.

ટામેટાંમાં લાઈકોપીન જોવા મળે છે, જે એક પ્રકારનું એન્ટીઓક્સીડેન્ટ છે. લાઇકોપીન કિડનીમાં પથરીનું જોખમ ઘટાડે છે. કિડનીની પથરી માટે ઘણા પરિબળો જવાબદાર હોય છે, જેમ કે ડિહાઇડ્રેશન, વધુ પડતા મીઠાનું સેવન, બિનઆરોગ્યપ્રદ ખોરાક લેવો, પૌષ્ટિક ખોરાક ન ખાવો વગેરે.