Ahmedabad: પરિમલ ગાર્ડન પાસેની બિલ્ડિંગમાં લાગી આગ, જીવ બચાવવા લોકો ધાબે ચડ્યા, ક્રેઈનથી કરાયું રેસ્ક્યૂ ઓપરેશન

અમદાવાદમાં આગ

અમદાવાદના પરિમલ ગાર્ડન પાસે આગ લાગવાની ઘટના સામે આવી છે. દેવ કોમ્પલેક્સ બિલ્ડિંગના ત્રીજા માળે આગ લાગી હતી.

આ અંગે સામે આવેલી વિગતો અનુસાર ખાનગી ઓફિસના સર્વર રૂમમાં આગ લાગી હતી. આગ ઉપર કાબુ મેળવી તમામને સલામત બહાર કઢાયા છે.

આગના બનાવને પગલે કોમ્પલેક્ષમાં રહેલા લોકો જીવ બચાવવા માટે ધાબા પર પહોંચી ગયા હતા. જેમને ક્રેઇનની મદદથી નીચે ઉતારવામાં આવ્યા હતા.

કંપનીના સર્વરરૂમમાં આગ લાગતા કોમ્પલેક્ષમાં આવેલી દુકાનો અને ઓફિસોમાં રહેલા લોકોમાં નાસભાગ મચી ગઇ હતી.

છ બાળકો, સાત મહિલાઓ સહિત 50 થી વધુ લોકોનું સફળ રેસ્ક્યુ કરવામાં આવ્યું છે. બાળકો અને મહિલાઓને સ્નોરકેલ દ્વારા નીચે ઉતારી રેસ્ક્યુ કરવામાં આવ્યું.

આગના પગલે અફડા તફડી મચી ગઈ હતી.