Government Job: આ યોગ્યતા હોય તો તરત જ કરી દો સરકારી નોકરી માટે અરજી, મળશે મહિનામાં દોઢ લાખ પગાર

જો તમે સરકારી નોકરી શોધી રહ્યા છો તો તમે કાઉન્સિલ ફોર સાયન્ટિફિક એન્ડ ઇન્ડસ્ટ્રિયલ રિસર્ચમાં આ ખાલી જગ્યાઓ માટે અરજી કરી શકો છો. હાલમાં રજીસ્ટ્રેશન ચાલી રહ્યું છે.

પ્રતિકાત્મક તસવીર

જો તમે સરકારી નોકરી શોધી રહ્યા છો તો તમે કાઉન્સિલ ફોર સાયન્ટિફિક એન્ડ ઇન્ડસ્ટ્રિયલ રિસર્ચમાં આ ખાલી જગ્યાઓ માટે અરજી કરી શકો છો. હાલમાં રજીસ્ટ્રેશન ચાલી રહ્યું છે.

થોડા સમય પહેલા CSIR એ સેક્શન ઓફિસર અને આસિસ્ટન્ટ સેક્શન ઓફિસરની જગ્યા માટે ભરતીની જાહેરાત કરી હતી. અરજીઓ ચાલુ છે અને અરજી કરવાની છેલ્લી તારીખ 12 જાન્યુઆરી 2024 છે.

આ ભરતી અભિયાન દ્વારા CSIR માં સેક્શન ઓફિસર અને આસિસ્ટન્ટ સેક્શન ઓફિસરની કુલ 444 જગ્યાઓ ભરવામાં આવશે.

આ પોસ્ટ માટે માત્ર ઓનલાઈન અરજી કરી શકાશે. આ કરવા માટે તમારે CSIR ની સત્તાવાર વેબસાઇટ પર જવું પડશે, જેનું એડ્રેસ છે – csir.res.in.

આ જગ્યાઓ પર ઉમેદવારોની પસંદગી પરીક્ષા દ્વારા કરવામાં આવશે. આ પછી ઈન્ટરવ્યુ અને કોમ્પ્યુટર પ્રોફિશિયન્સ ટેસ્ટ પણ લેવામાં આવશે. પરીક્ષાની તારીખ કન્ફર્મ નથી પરંતુ પરીક્ષા ફેબ્રુઆરીમાં યોજવામાં આવી શકે છે.

અરજી કરવા માટે ઉમેદવાર પાસે માન્ય યુનિવર્સિટીમાંથી ડિગ્રી હોવી આવશ્યક છે. આ સાથે વય મર્યાદા 33 વર્ષ છે.

અરજી કરવા માટે જનરલ, OBC અને EWS ઉમેદવારોએ 500 રૂપિયાની ફી ચૂકવવી પડશે. જ્યારે SC, ST, PH, ભૂતપૂર્વ સૈનિકોએ કોઈ ફી ચૂકવવાની જરૂર નથી.

સેક્શન ઓફિસરની પોસ્ટ માટેનો પગાર 47600 થી 1,51,000 રૂપિયા સુધીનો છે. જ્યારે આસિસ્ટન્ટ સેક્શન ઓફિસરની પોસ્ટનો પગાર 1,42,400 રૂપિયા સુધી છે.