Jharkhand Politics: હૈદરાબાદના આ આલીશાન રિસોર્ટમાં રોકાયા છે ઝારખંડના ધારાસભ્યો, જાણો એક દિવસનું કેટલું છે ભાડું

Jharkhand News: ઝારખંડમાં રાજકીય ડ્રામા ચાલુ છે. હવે રાજ્યમાં રિસોર્ટ રાજકારણ શરૂ થયું છે. આ દરમિયાન ઝારખંડના ધારાસભ્યો હૈદરાબાદ પહોંચી ગયા છે.

લિયોનિયા રિસોર્ટ

Jharkhand Resort Politics: ઝારખંડમાં ચાલી રહેલા રાજકીય સંકટ વચ્ચે, શાસક ઝારખંડ મુક્તિ મોરચા (JMM) પાર્ટીના 39 ધારાસભ્યો શુક્રવારે (2 ફેબ્રુઆરી) હૈદરાબાદ એરપોર્ટ પહોંચ્યા. તેઓ શહેર લિયોનિયા રિસોર્ટમાં રોકાયા છે. આ રિસોર્ટમાં ધારાસભ્યો માટે 70 રૂમ બુક કરવામાં આવ્યા છે.

Yatra.com અનુસાર, આ રિસોર્ટમાં એક રૂમનું દૈનિક ભાડું લગભગ 6 થી 7 હજાર રૂપિયા છે. ધારાસભ્યો માટે કુલ 70 રૂમ બુક કરવામાં આવ્યા છે, જેથી ધારાસભ્યોના રિસોર્ટમાં રહેવાનો ખર્ચ પ્રતિદિન 4 લાખ 90 હજાર રૂપિયા જેટલો થશે.

આ રિસોર્ટ હુસૈન સાગર તળાવ અને બિરલા મંદિરથી 29 કિમી દૂર છે. રિસોર્ટમાં ધારાસભ્યો ફ્રી વાઈ-ફાઈ, વેલનેસ સ્પા, લીઓ જુવેન્ટા જેવી સુવિધાઓનો આનંદ માણશે. આ ઉપરાંત, રિસોર્ટમાં આંતરરાષ્ટ્રીય સંમેલન કેન્દ્ર અને થિયેટર પણ છે.

ધારાસભ્યો રિસોર્ટમાં ઇન્ડોર અને આઉટડોર ગેમ્સ પણ માણી શકશે. આ સિવાય અહીં સ્વિમિંગ પૂલ, લાઈવ એન્ટરટેઈનમેન્ટ પ્રોગ્રામ્સ, સર્ફિંગ રિજ અને બાર પણ ઉપલબ્ધ છે. હોટલમાં બે લાઉન્જ અને બાર છે, જેનો ઉપયોગ રિસોર્ટમાં આવતા ધારાસભ્યો કરી શકે છે

જેએમએમ નેતા ચંપાઈ સોરેને શુક્રવારે ઝારખંડના 12મા મુખ્યમંત્રી તરીકે શપથ લીધા હતા. રાંચીના રાજભવનમાં રાજ્યપાલ સીપી રાધાકૃષ્ણન દ્વારા તેમને પદના શપથ લેવડાવ્યા હતા. શપથ સમારોહમાં જેએમએમની આગેવાની હેઠળના ગઠબંધનના વરિષ્ઠ નેતાઓએ હાજરી આપી હતી.

રાજભવનના દરબાર હોલમાં આયોજિત સમારોહમાં કોંગ્રેસના વરિષ્ઠ નેતા આલમગીર આલમ અને આરજેડી નેતા સત્યાનંદ ભોક્તાએ પણ રાજ્ય મંત્રી તરીકે શપથ લીધા હતા. ગુરુવારે, ચંપાઈ સોરેન રાજ્યના રાજ્યપાલને મળ્યા હતા અને સરકાર બનાવવાનો દાવો કર્યો હતો. તેમની પાસે બહુમત સાબિત કરવા માટે 10 દિવસનો સમય છે.