Gujarat Rain: આવતીકાલે ગુજરાતના આ જિલ્લાઓમાં વરસાદ તૂટી પડશે, જાણો શું છે લેટેસ્ટ આગાહી?

Rain Alert: બનાસકાંઠાથી વલસાડ સુધી ગાજવીજ સાથે હળવાથી મધ્યમ વરસાદની શક્યતા; સૌરાષ્ટ્રના કેટલાક વિસ્તારોમાં પણ છૂટાછવાયા ઝાપટાં પડશે.

Gujarat Rain Alert: ગુજરાતમાં ચોમાસાની શરૂઆત પહેલાં જ રાજ્યના અનેક જિલ્લાઓમાં મેઘ મહેર જોવા મળશે. હવામાન વિભાગે આવતીકાલે, ૩ જૂનના રોજ રાજ્યના વિવિધ વિસ્તારોમાં ગાજવીજ સાથે હળવાથી મધ્યમ વરસાદની આગાહી કરી છે.

ગુજરાતમાં ઉનાળાની આકરી ગરમી બાદ હવે વરસાદી માહોલ જામવાની શક્યતા છે.

હવામાન વિભાગ દ્વારા આવતીકાલે, ૩ જૂન, ૨૦૨૫ ના રોજ રાજ્યના અનેક જિલ્લાઓમાં ગાજવીજ સાથે હળવાથી મધ્યમ વરસાદની આગાહી કરવામાં આવી છે.

કયા જિલ્લાઓમાં પડશે વરસાદ? હવામાન વિભાગની આગાહી મુજબ, અમુક સ્થળોએ ગાજવીજ સાથે હળવાથી મધ્યમ વરસાદ પડશે તેવા જિલ્લાઓમાં નીચેનાનો સમાવેશ થાય છે: બનાસકાંઠા, પાટણ, મહેસાણા, અરવલ્લી, સાબરકાંઠા, ગાંધીનગર, અમદાવાદ, આણંદ, ખેડા,પંચમહાલ, દાહોદ, મહીસાગર, વડોદરા, છોટા ઉદેપુર, નર્મદા, ભરૂચ, સુરત, તાપી, નવસારી, ડાંગ, વલસાડ, દમણ, દાદરા અને નગર હવેલી

આ ઉપરાંત, સૌરાષ્ટ્રના કેટલાક જિલ્લાઓમાં પણ છૂટાછવાયા ગાજવીજ સાથે હળવાથી મધ્યમ વરસાદની શક્યતા છે. આ જિલ્લાઓમાં: સુરેન્દ્રનગર, બોટાદ, અમરેલી, ભાવનગર, ગીર સોમનાથ, દીવનો સમાવેશ થાય છે.

આ આગાહીને પગલે ખેડૂતો અને સામાન્ય જનતાને સાવચેત રહેવા અને જરૂરી તકેદારી રાખવા અપીલ કરવામાં આવી છે.