Indian Railways: આ તસવીરો તમને પણ મંત્રમુગ્ધ કરી દેશે, રેલ્વે મંત્રીએ કહ્યું ધરતીનું 'સ્વર્ગ', તમે પણ જુઓ

Indian Railways: ભારતીય રેલવેએ ટ્વિટર પર કાશ્મીર ઘાટીમાંથી પસાર થતી ટ્રેનની સુંદર તસવીર શેર કરી છે.

પ્રતિકાત્મક તસવીર

ભારતીય રેલવેએ ટ્વિટર પર કાશ્મીર ઘાટીમાંથી પસાર થતી ટ્રેનની સુંદર તસવીર શેર કરી છે. ફોટોમાં દેખાઈ રહ્યું છે કે ટ્રેન બરફથી ઢંકાયેલા રેલવે સ્ટેશન પરથી પસાર થઈ રહી છે.

રેલવે મંત્રી અશ્વની વૈષ્ણવે પણ ટ્વિટર પર બરફથી ઢંકાયેલા રેલવે ટ્રેક પરથી પસાર થતી ટ્રેનના સુંદર નજારાની તસવીર શેર કરી છે.

યૂઝર્સને ચેલેન્જ આપતા રેલ્વે મંત્રીએ પૂછ્યું સ્ટેશનનો અંદાજ લગાવો, તેમણે સવાલ પૂછ્યો, અનુમાન લગાવો કે આ ફોટો ક્યાં લેવામાં આવ્યો છે.

અશ્વની વૈષ્ણવે ટ્વિટર યુઝર્સને એક સંકેત આપતા લખ્યું, પૃથ્વી પરનું સ્વર્ગ. રેલ્વે મંત્રીએ રેલ્વે મંત્રાલયને પણ ટેગ કર્યું છે.

આ તસવીર જોઈને ઘણા ટ્વિટર યુઝર્સે લખ્યું છે. આ તસવીર કાશ્મીરની હોઈ શકે છે. રેલવે મંત્રીના એક અનુયાયીએ કહ્યું કે આ તસવીર જમ્મુ-કાશ્મીરના કાઝીગુંડ રેલવે સ્ટેશનની હોઈ શકે છે.