IPL 2025 Mega Auction: મોટા સમાચાર! IPLની મેગા ઓક્શન આ વખતે ભારતમાં નહીં યોજાય, જાણો કયા દેશમાં થશે આયોજન

IPL 2025 Mega Auction Venue: IPL 2025ની મેગા ઓક્શનને લઈને એક મહત્વપૂર્ણ માહિતી સામે આવી છે. રિપોર્ટ્સ અનુસાર આ વખતે ઓક્શન વિદેશમાં થશે.

આઇપીએલ 2025 મેગા ઓક્શન કયા યોજાશે

IPL 2025 ની મેગા હરાજી નવેમ્બરના અંતિમ સપ્તાહ અથવા ડિસેમ્બરના પ્રથમ સપ્તાહમાં યોજવામાં આવી શકે છે. આ અંગે એક મહત્વપૂર્ણ સમાચાર સામે આવ્યા છે. આ વખતે મેગા ઓક્શન વિદેશમાં થઈ શકે છે. છેલ્લી વખત દુબઈમાં મેગા ઓક્શન યોજાઈ હતી.

જો મીડિયા રિપોર્ટ્સનું માનીએ તો મેગા ઓક્શન માટે લંડન અથવા UAE પસંદ કરી શકાય છે. IPL 2024 ની હરાજી દુબઈમાં યોજાઈ હતી. તેથી, આ વખતે લંડનની પસંદગી કરી શકાય છે.

મેગા ઓક્શન પહેલા ટીમો માટે રીટેન્શન નિયમો પણ આવશે. ભારતીય ક્રિકેટ કંટ્રોલ બોર્ડ ટૂંક સમયમાં આની જાહેરાત કરી શકે છે.

ટીમોને ખેલાડીઓની રીટેન્શન લિસ્ટ જાહેર કરવા માટે 15 નવેમ્બરની સમયમર્યાદા મળી શકે છે. IPL ટીમો ખેલાડીઓની રીલીઝ અને રીટેન્શન યાદી જાહેર કરશે.

IPL 2025 પહેલા રીટેન્શનના નવા નિયમો પણ હશે, જેની જાહેરાત સપ્ટેમ્બરના છેલ્લા સપ્તાહમાં થઈ શકે છે.

તમને જણાવી દઈએ કે આ વખતે હરાજીમાં ઘણા મોટા ખેલાડીઓ હશે. તેથી સૌથી વધુ બોલીનો રેકોર્ડ તૂટી શકે છે.