WhatsApp માં આવશે આ ટૉપ-5 ફીચર્સ, બદલાઈ જશે ઘણું બધુ

WhatsApp બીટા પ્લેટફોર્મ પર ઘણી નવી સુવિધાઓનું પરીક્ષણ કરી રહ્યું છે, જે ટૂંક સમયમાં રજૂ કરવામાં આવી શકે છે. આ માહિતી WhatsApp ફીચર ટ્રેકિંગ વેબસાઈટ WABetaInfo દ્વારા આપવામાં આવી છે.

ફાઈલ તસવીર

Screenshot Blocking: વોટ્સએપ આવા ફીચર પર કામ કરી રહ્યું છે, જેના આવ્યા પછી ચેટ અને ફોટોના સ્ક્રીનશોટ લઈ શકાશે નહીં. સ્ક્રીન-રેકોર્ડિંગ પણ કરી શકાતું નથી. અમને વેબ બીટા ઇન્ફોમાંથી આ માહિતી મળી છે.

Clickable Links : વોટ્સએપનું સ્ટેટસ ફીચર શાનદાર છે. યુઝર્સ આ ફીચર દ્વારા ફોટો, વીડિયો અને ટેક્સ્ટ શેર કરે છે. આને લગતું ફીચર ટૂંક સમયમાં લોન્ચ કરવામાં આવશે. લોન્ચ થયા બાદ યુઝર્સ કોઈપણ વેબસાઈટના યુઆરએલને સ્ટેટસ તરીકે શેર કરી શકશે, જેને દર્શકો એક ક્લિકમાં ખોલી શકશે.

સાઇડબારઃ ઇન્સ્ટન્ટ મેસેજિંગ એપ WhatsApp ટૂંક સમયમાં ડેસ્કટોપ વર્ઝન પર સાઇડબાર ઉમેરવાની યોજના બનાવી રહી છે, જે વપરાશકર્તાઓને તેમના કોન્ટેક્ટ્સ દ્વારા કોમ્પ્યુટર અથવા લેપટોપ પર શેર કરેલા સ્ટેટસ જોવાની મંજૂરી આપશે.

WhatsApp Avatars: મીડિયા રિપોર્ટ્સ અનુસાર, વોટ્સએપ તેના યુઝર્સ માટે એક ખાસ ફીચર લાવવાની તૈયારી કરી રહ્યું છે, જેનાથી યુઝર્સ પોતાનો અવતાર બનાવી શકશે. સાથે જ યુઝર્સને અવતારને સ્ટીકર તરીકે શેર કરવાની સુવિધા પણ મળશે.

WhatsApp Premium : કંપની પ્રીમિયમ સબસ્ક્રિપ્શન પર પણ કામ કરી રહી છે, જે બિઝનેસ યુઝર્સ માટે ઓફર કરવામાં આવશે. આમાં યુઝર્સને કસ્ટમ બિઝનેસ લિંક્સની સાથે એક ફોનમાં 3થી વધુ એકાઉન્ટ ઓપરેટ કરવાની સુવિધા આપવામાં આવી શકે છે.

(તમામ તસવીર સૌજન્યઃ Getty Images)