નીતિન પટેલના પુત્રના રિસેપ્શનમાં ભાજપના કયા દિગ્ગજ નેતાએ સન્ની અને સ્વરાને આપ્યા આશિર્વાદ, જાણો વિગત

ભાડજ સર્કલ પાસે આવેલા એક પાર્ટી પ્લોટ ખાતે સન્ની પટેલનું રિસેપ્શન રાખવામાં આવ્યું હતું. આ રિસેપ્શનમાં રાજકારણીઓનો જમાવડો જોવા મળ્યો હતો જેમાં ભૂતપૂર્વ મુખ્યમંત્રી કેશુભાઈ પટેલે પણ હાજરી આપી હતી જ્યાં સન્ની અને સ્વરાને આશિર્વાદ આપ્યા હતાં.

અમદાવાદ: ગુજરાતના ડેપ્યુટી સીએમ નીતિન પટેલના પુત્ર સન્નીના થોડા દિવસ પહેલાં લગ્ન થયા હતાં. નીતિન પટેલના પુત્ર સન્નીનાં લગ્ન સ્વરા સાથે લગ્નગ્રંથીથી જોડાયો હતો. આ લગ્નનું ભવ્ય રિસેપ્શન અમદાવાદના ભાડજ સર્કલ સ્થિત ખાનગી પાર્ટી પ્લોટમાં રાખવામાં આવ્યું હતું જેમાં ભાજપના દિગ્ગજ નેતાઓને પણ આમંત્રણ આપવામાં આવ્યું હતું.

નીતિન પટેલના પુત્રના રિસેપ્શનમાં ઉદ્યોગપતિ, ભાજપના મંત્રીઓ સહિત ધારાસભ્યો અને ભાજપના આગેવાનો ઉપસ્થિત રહ્યા હતાં. આ ઉપરાંત સમાજના સગા-સંબંધો સહિત અગ્રણીઓ હાજર રહ્યા હતાં. આ ઉપરાંત કોંગ્રેસના નેતાઓ પણ હાજર રહ્યા હતાં.