શું માત્ર એક સિઝન બાદ જ રુતુરાજ પાસેથી કેપ્ટન્સી છીનવાઈ જશે? CSKએ IPL 2025 માટે બનાવ્યો પ્લાન!
IPL 2025: આઈપીએલ 2025માં ચેન્નાઈ સુપર કિંગ્સમાં મોટો ફેરફાર જોવા મળી શકે છે. રુતુરાજ ગાયકવાડને ટીમની કેપ્ટનશિપની જવાબદારીમાંથી મુક્ત કરવામાં આવી શકે છે.
IPL 2025 CSK Captaincy: ગત સિઝનમાં એટલે કે IPL 2024 માં ચેન્નાઈ સુપર કિંગ્સ (CSK) ની કેપ્ટનશિપમાં મોટો ફેરફાર કરવામાં આવ્યો હતો. એમએસ ધોનીની જગ્યાએ ઓપનિંગ બેટ્સમેન રૂતુરાજ ગાયકવાડ કેપ્ટન તરીકે નિયુક્ત કરવામાં આવ્યો હતો. ગાયકવાડની કેપ્ટન્સીમાં ચેન્નાઈ 2024ની સિઝનમાં પ્લેઓફમાં પહોંચી શકી ન હતી. આવી સ્થિતિમાં હવે CSK IPL 2025માં કેપ્ટનના રૂપમાં મોટો ફેરફાર કરી શકે છે.
થોડા કલાકો પછી, તમામ IPL ફ્રેન્ચાઇઝી સત્તાવાર રીતે તેમના રિટેન કરાયેલા ખેલાડીઓની યાદી જાહેર કરશે. પરંતુ તે પહેલા જ ઘણી ટીમોનું ચિત્ર સ્પષ્ટ થઈ ગયું છે. મીડિયા રિપોર્ટ્સ અનુસાર, એ વાત લગભગ કન્ફર્મ થઈ ગઈ છે કે દિલ્હી કેપિટલ્સ ટીમ કેપ્ટન રિષભ પંતને રિટેન નહીં કરે. હવે એક્સપ્રેસ સ્પોર્ટ્સના રિપોર્ટમાં કહેવામાં આવ્યું છે કે ચેન્નાઈની ટીમ આઈપીએલ 2025 માટે પંતને ટીમમાં સામેલ કરવાની યોજના બનાવી રહી છે.
પંત ચેન્નાઈનો કેપ્ટન બની શકે છે
અહેવાલોમાં જણાવવામાં આવ્યું હતું કે એમએસ ધોની પોતે પંતને ચેન્નાઈ લાવવાની રણનીતિ બનાવી રહ્યા છે. આવી સ્થિતિમાં, તે સ્પષ્ટ થઈ રહ્યું છે કે જો પંત ચેન્નાઈમાં જોડાય છે, તો તેને 2025 IPLમાં કેપ્ટન બનાવવામાં આવી શકે છે. પંતને IPLમાં કેપ્ટનશિપનો સારો અનુભવ છે. તે છેલ્લા કેટલાક સમયથી દિલ્હીની કેપ્ટનશીપ કરી રહ્યો છે. જોકે, આ મામલે સત્તાવાર રીતે કંઈ સ્પષ્ટ કરવામાં આવ્યું નથી. હવે એ જોવાનું રસપ્રદ રહેશે કે પંત ચેન્નાઈમાં આવે છે કે નહીં.
CSK માં જશે ઋષભ પંત ?
ધ ઈન્ડિયન એક્સપ્રેસ અનુસાર, ચેન્નાઈ સુપર કિંગ્સ ઋષભ પંતને ખરીદવા માટે 20 કરોડ રૂપિયા આપવા તૈયાર છે, પરંતુ સમસ્યા એ છે કે પંતના હરાજીમાં જવા અંગે હજુ સુધી કંઈ નક્કી નથી થયું. જો CSKએ પંતને સામેલ કરવાનો નિર્ણય લીધો છે, તો એક મોટો પ્રશ્ન એ થશે કે કયા ખેલાડીને રિટેન્શન લિસ્ટમાંથી બહાર રાખવા પડશે?
તાજેતરમાં એક અપડેટ બહાર આવ્યું છે કે રવિન્દ્ર જાડેજા CSKનો પ્રથમ રિટેન્શન બની શકે છે. પરંતુ જો ઋષભ પંત 20 કરોડ રૂપિયામાં આવે છે, તો જાડેજાને રાઈટ ટૂ મેચ (RTM) કાર્ડની ખાતરી આપી શકાય છે. તે જ સમયે, એવું પણ શક્ય છે કે CSK રવિન્દ્ર જાડેજાને જાળવી શકે અને હરાજીમાં રિષભ પંત પર વધુ બોલી લગાવી શકે.
રિષભ પંતની આઈપીએલ કારકિર્દી
નોંધનીય છે કે પંતે 2016માં IPLમાં ડેબ્યૂ કર્યું હતું. અત્યાર સુધી તે માત્ર દિલ્હી કેપિટલ્સ માટે જ રમ્યો છે. તેણે અત્યાર સુધીમાં 111 IPL મેચ રમી છે, જેમાં તેણે 110 ઇનિંગ્સમાં 35.31ની એવરેજ અને 148.93ની સ્ટ્રાઇક રેટથી 3284 રન બનાવ્યા છે. આ દરમિયાન તેણે 1 સદી અને 18 અડધી સદી ફટકારી છે.
આ પણ વાંચો...
આ ખેલાડીઓને પહેલા ટીમો રિલીઝ કરશે અને પછી તેઓ હરાજીમાં અનસોલ્ડ રહેશે, હવે આ ખેલાડીઓની આઈપીએલ કારકિર્દી પણ સમાપ્ત થઈ ગઈ છે
ટ્રેન્ડિંગ સમાચાર
ટોપ સ્ટોરી
