ગુજરાત ટાઈટન્સના બેટ્સમેને તહેલકો મચાવી દિધો, રેકોર્ડ સદી ફટકારી અપાવી શાનદાર જીત 

વેસ્ટ ઈન્ડિઝ અને બાંગ્લાદેશ વચ્ચે ત્રણ મેચની વનડે સિરીઝ રમાઈ રહી છે, જેમાં પ્રથમ મેચમાં વેસ્ટ ઈન્ડિઝે બાંગ્લાદેશને 5 વિકેટે હરાવ્યું હતું.

ગુજરાત ટાઈટન્સના બેટ્સમેને તહેલકો મચાવી દિધો

Source : windiescricket

Sherfane Rutherford Century : વેસ્ટ ઈન્ડિઝ અને બાંગ્લાદેશ વચ્ચે ત્રણ મેચની વનડે સિરીઝ રમાઈ રહી છે, જેમાં પ્રથમ મેચમાં વેસ્ટ ઈન્ડિઝે બાંગ્લાદેશને 5 વિકેટે હરાવ્યું હતું. આ મેચમાં શેરફેન રધરફોર્ડે વેસ્ટ ઈન્ડિઝ માટે મજબૂત બેટિંગનું ઉદાહરણ બતાવ્યું હતું. તેણે એકલા હાથે સદી ફટકારીને ટીમને જીત અપાવી હતી અને તે સૌથી મોટો હીરો સાબિત થયો છે. બાંગ્લાદેશે ટોસ જીતીને પ્રથમ બેટિંગ કરવાનો નિર્ણય કર્યો હતો. આ પછી 295 રનનો ટાર્ગેટ આપવામાં આવ્યો હતો જેના જવાબમાં વેસ્ટ ઈન્ડિઝે સાઈ હોપ અને શેરફેન રધરફોર્ડની જોરદાર ઈનિંગ્સના કારણે ટાર્ગેટનો પીછો કર્યો હતો.

RUTHERSSSS!!👏🏽

Maiden ODI ton from Sherfane Rutherford, what a moment!💯#WIvBAN #WIHomeForChristmas pic.twitter.com/Ho6S9k1541

— Windies Cricket (@windiescricket) December 8, 2024

રધરફોર્ડે તેની કારકિર્દીની પ્રથમ સદી ફટકારી હતી

વેસ્ટ ઈન્ડિઝની શરૂઆત ખૂબ જ ખરાબ રહી હતી. જ્યારે ઓપનર બ્રેન્ડન કિંગ (9 રન) અને એવિન લુઈસ (16 રન) કંઈ ખાસ કરી શક્યા ન હતા. કેસી કાર્ટી પણ માત્ર 21 રન બનાવી શક્યો હતો. આ પછી કેપ્ટન સાઈ હોપ અને શેરફેન રધરફોર્ડે રન બનાવવાની જવાબદારી લીધી. રધરફોર્ડે માત્ર 80 બોલમાં 113 રન બનાવ્યા જેમાં 7 ચોગ્ગા અને 8 છગ્ગા સામેલ હતા. તેણે પોતાની કારકિર્દીની પ્રથમ સદી ફટકારી છે. જ્યારે કેપ્ટન સાઈએ 88 બોલમાં 86 રન બનાવ્યા હતા. આ ખેલાડીઓના કારણે જ ટીમે મેચ જીતી હતી.

ODIમાં સતત પાંચમી ફિફ્ટી પ્લસ સ્કોર

શેરફેન રધરફોર્ડે વર્ષ 2023માં વેસ્ટ ઈન્ડિઝ માટે ડેબ્યૂ કર્યું હતું. હાલમાં તે શાનદાર ફોર્મમાં છે અને તેનું બેટ ઘણા રન બનાવી રહ્યું છે. તેણે ODI ક્રિકેટમાં સતત પાંચ ફિફ્ટી પ્લસ સ્કોર બનાવ્યા છે. આ સાથે તેણે ક્રિસ ગેઈલ, સાઈ હોપ અને ગોર્ડન ગ્રીનિજની બરાબરી કરી લીધી છે. આ ખેલાડીઓએ વનડેમાં સતત પાંચ વખત ફિફ્ટી પ્લસ સ્કોર પણ બનાવ્યા છે. રધરફોર્ડે અત્યાર સુધી 10 ODI મેચોમાં કુલ 443 રન બનાવ્યા છે, જેમાં એક સદી અને 5 અડધી સદી સામેલ છે. T20 ઈન્ટરનેશનલ ક્રિકેટમાં પણ તેના નામે 428 રન છે. તેણે હજુ સુધી ટેસ્ટ ક્રિકેટમાં ડેબ્યુ કર્યું નથી.

ODIમાં વેસ્ટ ઈન્ડિઝ માટે સતત સૌથી વધુ ફિફ્ટી પ્લસ સ્કોર

6 - ગોર્ડન ગ્રીનિજ (1979-1980)
5 - ક્રિસ ગેઈલ (2018-2019)
5 - શાઈ હોપ (2020-2021)
5 - શેરફેન રધરફોર્ડ (2024)
4 - વિવિયન રિચાર્ડ્સ (1979-1980)

મેગા ઓક્શનમાં ગુજરાતની ટીમ ખરીદ્યો છે

શેરફેન રધરફોર્ડ IPLમાં દિલ્હી કેપિટલ્સ અને RCB માટે ક્રિકેટ રમી ચૂક્યો છે, જેમાં તેણે 10 મેચમાં કુલ 106 રન બનાવ્યા છે. આ વખતે તેને IPL મેગા ઓક્શન 2025માં ગુજરાત ટાઇટન્સ ટીમે ખરીદ્યો છે. આ માટે ગુજરાતની ટીમે 2 કરોડ 60 લાખ રૂપિયા ચૂકવ્યા છે. ગુજરાત ટાઈટન્સની ટીમમાંથી આ વર્ષે રધરફોર્ડ રમતો જોવા મળશે.