‎Womens IPL Auction 2023: T20 વર્લ્ડ કપમાં પાકિસ્તાનને હરાવનાર જેમિમા રોડ્રિગ્ઝની લાગી લોટરી, દિલ્હી કેપિટલ્સે કરોડો રુપિયામાં ખરીદી

‎Womens IPL Auction 2023: T-20 વર્લ્ડ કપ 2023માં પાકિસ્તાનને હરાવનાર જેમિમા રોડ્રિગ્ઝ પર પૈસાનો વરસાદ થયો છે. તેને દિલ્હી કેપિટલ્સે 2.20 કરોડ રૂપિયામાં ખરીદી છે.

જેમિમા રોડ્રિગ્ઝ

‎Womens IPL Auction 2023: T-20 વર્લ્ડ કપ 2023માં પાકિસ્તાનને હરાવનાર જેમિમા રોડ્રિગ્ઝ પર પૈસાનો વરસાદ થયો છે. તેને દિલ્હી કેપિટલ્સે 2.20 કરોડ રૂપિયામાં ખરીદી છે. જેમિમાએ રવિવારે રમાયેલી પાકિસ્તાન સામે મેચમાં 53 રનની ઈનિંગ રમી હતી. આ સાથે ભારતે મહિલા ટી20 વર્લ્ડ કપમાં જીત સાથે શરુઆત કરી હતી.

 

.@JemiRodrigues joins @DelhiCapitals 👍 👍

Base Price: INR 50 Lakh

Goes for: INR 2.20 Crore#WPLAuction pic.twitter.com/Q1GReIjPei

— Women's Premier League (WPL) (@wplt20) February 13, 2023

અશ્લે ગાર્ડનર કરોડપતિ બની ગઈ

 વિમેન્સ પ્રીમિયર લીગની હરાજીમાં એક બાદ એક ખેલાડી કરોડપતિ બની રહી છે. પહેલા સ્મૃતિ અને હરમન બાદ હવે ઓસ્ટ્રલીયાની અશ્લે ગાર્ડનર કરોડપતિ બની ગઈ છે.  અશ્લે ગાર્ડનરને ગુજરાત ગુજરાત જાયન્ટ્સે 3.20 કરોડમાં ખરીદી છે. તમને જણાવી દઈએ કે, અશ્લે ગાર્ડનની બેઝ પ્રાઈઝ 50 લાખ રુપિયા હતી.

મહિલા પ્રીમિયર લીગની પ્રથમ આવૃત્તિમાં કુલ 5 ફ્રેન્ચાઈઝી ભાગ લેવા જઈ રહી છે, જેમાં કુલ 22 મેચો રમાશે. પ્રથમ એડિશનમાં દિલ્હી, મુંબઈ, બેંગ્લોર, અમદાવાદ અને લખનઉની ટીમો રમતી જોવા મળશે. વિમેન્સ પ્રીમિયર લીગ માટે ખેલાડીઓની હરાજી પ્રક્રિયા મુંબઈના બાંદ્રા-કુર્લા કોમ્પ્લેક્સમાં આવેલા જિયો વર્લ્ડ કન્વેન્શન સેન્ટરમાં બપોરે 2:30 વાગ્યે યોજાશે.

હરાજીની પ્રક્રિયામાં ભાગ લેવા માટે કુલ 1525 ખેલાડીઓએ તેમના નામ નોંધાવ્યા હતા, ત્યારબાદ 409 ખેલાડીઓને શોર્ટલિસ્ટ કરવામાં આવ્યા છે. આમાંથી, જ્યાં 202 ખેલાડીઓ આંતરરાષ્ટ્રીય ક્રિકેટમાં પદાર્પણ કરી ચૂક્યા છે, ત્યાં 199 ખેલાડીઓ એવા છે જેમણે એક પણ આંતરરાષ્ટ્રીય મેચ રમી નથી. તમામ ફ્રેન્ચાઈઝીઓને 12 કરોડ રૂપિયાની પર્સ વેલ્યુ આપવામાં આવી છે, જેમાં તેણે પોતાની ટીમમાં વધુમાં વધુ 18 ખેલાડીઓને સામેલ કરવા પડશે.

હરાજીમાં સૌથી વધુ ઓલરાઉન્ડર

આ હરાજીમાં ઓલરાઉન્ડરોની સંખ્યા સૌથી વધુ છે. ભારતના 127 ઓલરાઉન્ડર અને 73 વિદેશથી આ હરાજીમાં ભાગ લેશે. આ પછી બોલરોનો નંબર આવે છે. ભારતના 51 બોલરો અને વિદેશના 42 બોલરોને હરાજી માટે શોર્ટલિસ્ટ કરવામાં આવ્યા છે. બેટ્સમેનોમાં ભારતના 42 ખેલાડીઓ અને વિદેશના 29 ખેલાડીઓ અને વિકેટકીપર્સમાં ભારતના 26 અને વિદેશના 19 ખેલાડીઓનું નામ હરાજીની યાદીમાં છે.

પર્સમાં કુલ 60 કરોડ રૂપિયા

દરેક ફ્રેન્ચાઇઝીના પર્સમાં હરાજી માટે 12-12 કરોડ રૂપિયા હશે. એટલે કે કુલ 60 કરોડ રૂપિયા દાવ પર લાગશે. દરેક ફ્રેન્ચાઈઝી માટે હરાજીમાં ઓછામાં ઓછા 9-9 કરોડ રૂપિયા ખર્ચવા ફરજિયાત છે.  એવી અપેક્ષા રાખવામાં આવે છે કે હરાજી દરમિયાન તમામ ફ્રેન્ચાઇઝીઓના પર્સ સંપૂર્ણપણે ખાલી થઈ શકે છે. આ હરાજીમાં 24 ખેલાડીઓની મૂળ કિંમત 50 લાખ રૂપિયા છે. તે જ સમયે, 30 ખેલાડીઓની મૂળ કિંમત 40 લાખ રૂપિયા રાખવામાં આવી છે. આ પછી 30, 20 અને 10 લાખની બેઝ પ્રાઈઝ ધરાવતા ખેલાડીઓ પણ છે.

BCCIએ મહિલા હરાજી કરનારની પસંદગી કરી છે

ભારતીય ક્રિકેટ બોર્ડે મહિલા પ્રીમિયર લીગની હરાજી માટે મહિલા હરાજી કરનારની પસંદગી કરી છે. મહિલા IPLની પ્રથમ સિઝનની હરાજીમાં મલાઈકા અડવાણી હરાજી કરનાર હશે. મલાઈકા અડવાણી વિશે વાત કરીએ તો, તે મુંબઈની રહેવાસી છે અને આર્ટ કલેક્ટર કન્સલ્ટન્ટ સાથે ઈન્ડિયા કન્સલ્ટન્ટ્સ ફર્મમાં ભાગીદાર તરીકે પણ કામ કરે છે.