બીજી વનડેમાં ધોનીની આ ભૂલ અમ્પાયર અને કેમેરા પણ પકડી ના શક્યા, ઓસ્ટ્રેલિયન મીડિયાએ પકડી

નવી દિલ્હી: એડિલેડના મેદાન પર ભારત- ઓસ્ટ્રેલિયા વચ્ચેની ત્રણ વનડે મેચોની સીરીઝનો બીજો મુકાબલામાં ટીમ ઈન્ડિયાએ 6 વિકેટથી જીત હાંસલ કરી સીરીઝ 1-1 ની બરાબરી કરી લીધી છે. 299 રનનો લક્ષ્યાંકનો પીછો કરવા મેદાને ઉતરેલી ટીમ ઈન્ડિયાને શાનદાર પ્રદર્શન કર્યું હતું.

જો આઈસીસીના નિયમોની માનીએ તો ટીમને 5 રનની પેનલ્ટી લાગી શકે છે જો તેનો ખેલાડી શોર્ટ રન દોડે છે તો. જો કે આ મેચને ભારતે 4 બોલ બાકી રહેતા ધોનીની સિક્સરની મદદથી જીત મેળવી લીધી હતી.

મેચ દરમિયાન 45મી ઓવરમાં મેચ રોમાન્ચક મોડ પર હતી. ત્યારે આ ઓવરમાં નાથન લાયનના એક બોલ પર ધોનીએ ધીમેથી પૂશ કરી એક રન દોડ્યા હતા પરંતુ વીડિયોમાં સ્પષ્ટ જોઈ શકાય છે કે ધોની ક્રીઝ સુધી પહોંચ્યા જ ન હતા અને કોઈએ નોટીસ પણ નથી કર્યું. ધોનીની આ ભૂલના કારણે ટીમ ઈન્ડિયાને હારનો સામનો કરવો પડત.

વિરાટ કોહલીએ શાનદાર સદી ફટકારી હતી ત્યારે એમએસ ધોની પણ જૂના અંદાજમાં જોવા મળ્યો અને અણનમ 55 રન બનાવી ટીમને પોતાની જૂની સ્ટાઇલમાં જીત અપાવી હતી, પરંતુ આ મેચમાં એવું બન્યું કે જેના પર ના તો અમ્પાયર કે કેમેરાની નજર પડી ના તો વિપક્ષ ટીમની. આ મેચનો એક વીડિયો સોશિયલ મીડિયા પર ખૂબ વાયરલ થઈ રહ્યો છે. ઓસ્ટ્રેલિયન મીડિયા અને કેટલાક ખેલાડી આ મામલાને વેગ આપી રહ્યાં છે.